|
سلام تسليم الوفا والكرم والطيب والجووووووووووووووود
سلام تسليم الوفا والكرم والطيب والجود = من شاعر يخضع له القاف طوع وينحنيّله اللي من الشعّار فالملتقى ذلحين موجود = يبدي لنا ويلدّ بالعين في راس الطويله |
يامرحبا ماتقبل النقص مطمعها على الزود = من شاعر ماراح للقاف يامره ويجيله
جيناك يومنك طلبت العرب ناشد ومنشود = حنا براس الضلع خلناك يابرق المخيله |
اقتباس:
دام البقا بك يالمرحب عدد ما هبت النود = يا شاعرٍ ما بعد شفنا كثيره من قليله شوي وتبيّن لك البيض وتبيّن لك السود = واللي زرعله زرع لا بدّ ما يحصد حصيله |
لاهنت واستلم
ياصاحبي لاصرت وارد على الميدان مورود= عساك فالميدان حاضر على ظهر الاصيله يازبدة الهرج احضري وش بعد فالوقت محدود = قول المثل ماضاع من ينشد الرجل الدليله |
اقتباس:
ياللي على الأخطار ترمي بروحك منت محدود = خنجرك ما يقوى السيوف الرهيفات الصقيله لا تصير عجل اصبر على قسمكم ياليّن العود = وابرك عشان أحملّك حمل ياليتك تشيله |
مادام خصمك معه بندق سيوفك مالها فود= ياراعي سيوفا" دقيمه ترجع في شليله
السالفه لاتقترب للجمل مادمت مفرود = يامزن ماندري متى للعرب ينشاع سيله |
اقتباس:
آسف على التأخير بس كنت متابع شاعر المليون لعيون البتلا الله يوفقه .....
بندقك لو ثارت ترى مابها يا صاح بارود = ما تفيدكم لو فادت دموع هلتها الجليله سرحان لا حاف الجمل عقلّه في ريع مسدود = اللي يجابه ذيب لا واشقاه وعزّتيله |
تأسف وانا اتأسف رحت مشوار هههههه عالعموم استلم
ياصاحبي لاتبتليني وانا جايبلك سنود = الشمس لاتذبحك دور لك اشجرتا" ضليله سرحان من دونه مواط الجمل ويتوب مايعود = لاتكثرون الهرج مادام مافالضلع حيله |
اقتباس:
يا واردين العد لا تاردون العد مارود = خلك حدا الساقي وتلقى لكم فيّ ومقيله أنا أشهد إنك باذل الجهد ما بقيّت مجهود = لكن يبقى فرق بين الخفيفه والثقيله |
يازين هرجك لارتخى الحبل مير الحبل مشدود = ماعندنا غير العلوم الجزيله بالجزيله
حجتك ياحفيد الحجيري تقودك للخطا قود = اعرف وش المعنى وحل العقود بلا هزيله |
صحت السنتكم
وبيض الله وجيهكم طاروق يسوى ساوية |
اقتباس:
|
اقتباس:
يا هيه حنّا اللي نحلّ الحبل لن كان معقود = منهو يجازينا جميله نجازيه بجميله لا تنقد أهل العرف وأنت من أهل العرف منقود = جبنا الهدف وأنت تطمّش بالأعيان الكحيله |
اقتباس:
صح بدنك يابو محمد وجهك ابيض يابن العم شرفتنا بمرورك |
اشهد بالله شهادة حق انكم شعار تبيضون الوجه ونفتخر بوجودكم
محاوره تسوى محاورات صحت السنتكم ياحفيد الحجيري ويامرسى الثقال |
بيض الله وجيهكم شعار كبار وشرواكم ولايهون باقي الشعار نوماس لحرب |
صحت السنتكم ولاهنتوا
|
اقتباس:
شهادتك نفتخر فيها شرفتنا بمتابعتك الله يعطيك العافيه |
اقتباس:
شهاده من شاعر كبير نعتز بها الله يعطيك العافيه |
اقتباس:
والله لا يهينك |
اقتباس:
لابالله الا صرت مابين ضرس وناب مقصود = ياصايب الاهداف عينك رمدها من يزيله |
اقتباس:
شيهان ما له طمعةٍ في حمد ووخيّه حمود = لكنّ أخيّتهم بعد جات نقبلها حليله ياللي رماك الحظ الأقشر ما بين ذياب وآسود = لقمتك ما تكفي عشا ذيب لو يومٍ وليله |
شيهان ياشيهان تكفخ تحت ماتكفخ سنود= ماطار مكسور الجناحين لو هي مستطيله
الظاهر انك جيت يم القراده وانت مقرود = تبحث عن السكين مثل ام قرنين الخبيله |
اقتباس:
عادتك رفع الصوت يوم العرب نيّام ورقود = تحمي حلال القوم من كل مخلوق تخيله با أسلّ سيفي مير منته لسيفي قدّ وقدود = يا كبرها لو كان سليّت سيفي للحسيله |
اقتباس:
اقصاك ياقربه ويا قرب بعدك يابو شهود = لجيتنا في حاجتا" عنك حاجه مستحيله |
أشكرك يا أخوي مرسى الثقال
ما قصرت والله يعطيك العافيه سعدت باللعب معك وان شاء الله لنا لقاء آخر وأشكر جميع من تابعنا واتمنى أن نكون حزنا على إعجابهم تقبلوا مني وافر الأحترام |
ولك الشكر يا اخ حفيد
والعفو وانا كذالك تشرفت باللعب معك والشكر موصول للاخوان المتابعييين... |
الساعة الآن 10:03 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir