|
اللغز(396)عندي لي لغز منشبني=محلول= مكينة اللحام من مهجرس الحرف
السلام عليكم
لايهمكم طول اللغز تراه قريب
عندي لي لغز منشبني= لغز تصميمه متعبني= لي ساعه وانا اهدم وابني =ياجماعه فكروا به بنت مجنونه واجبها= تحرق ولدها بشنبها = ولدها اللي ماعذّبها =تذبحه لو فوقه ثوبه حتى تجمع بين اثنين=حتى لوماهم راضين= تحط الورع المسكين =منهم والشغله محسوبه بنت ياطول ارقبتها = والصعوبه في شغلتها= ونته ماترغب شوفتها = الالياصارت محجوبه |
صح السانك
ونبدا بتفكير |
حياك الله يابو خالد
صح لسانك وبارك الله فيك ولغزك سمين يبيض الوجه |
هلا ابو خالد ..
اي قريب الله يهديك .. لكن خلني اركب الناضور .. و لي رجعة .. |
الله يهديك ماهو قريب ظاهر انه ابعد من الصين . بيض الله وجهك
|
صح السانك مره ثانيه
وحقيقه لم اجد رمعه تناسب معه |
صح لسانك اخوي ابو خالد الفريدي واشهد بالله انّا أستمتعنا باللغز
بيض الله وجهك ولا تخلينا من هاالنوع الطيب من اللغاز وصراحة ابستفتح الرمعات كان محد سبقني من النواتيف وش رايك بمباريات كرة القدم أو الكره بشكل عام ولا يصير لها طعم إلا لين تشفر وتحجب وفي النهاية يتقابل فريقين في المباراة النهائية ...الخ ) وشكرا لك على هذا المتعه مرة ثانية |
وش رايك بـــ البندق ..
|
صح لسانك يابو خالد
وش رايك باسطوانة الغاز او سكين الكهربه |
التحيه والاحترام لكم ايها الاخوه
حمد فهد الحربي خالد اللهيبي صايب الراي الفرسني سامي الفكر اما نواتيف عزالله انكم نواتيف ورجال العلوم الغانمه والسواليف الطيبه اما الرمعات الى الان اللغز حظه قايم ولاظنتي انه يمرح بالشركه يعني الربق |
من قبايل حرب
اشكرك على المشاركه ولالك لوى |
صح السانك يابو خالد وشرايك بالفتيله او انارت الطرق او سكين الكهرب وسلاكه او البطاريه وصبعها هذي رمعات بالكوم
|
هاذيك البنت المزيونه=كل الشباب يحبونه=كلن ينضرها بعيونه= = وقت العصريه مرغوبه يصارت عليها الحافي=ملفوفه وسط الشفافي=يكافي الله يكافي= = يمكن ياخذها بجيوبه |
صح لسانك على اللغز يابو خالد الفريدي
وش رايك بالكاميرا الخفيه وفلمها |
حياك الله اخي ابوخالد الفريدي
صح لسانك على هذا اللغز واعتقد انه اسطوانة الاكسجين او ماكينة اللحام تقبل تحياتي |
ياساد ياكرام
سعد رجا الحصني غدي فهد مضحي بن جمران حسين مريع الله يحفظم جميعا ويبقيكم ذخر الرمعات خاطئه اللي بالكوم واللي مفرد اثر ها للغز ماهوهين وانا احسب انه يمشي بدري والله ان اللي ارمعوا به من فطاحلة الالغاز لكن صمد حلال القوم |
هلا والله ابو خالد حياك الله وصح السانك وشرايك بالفتيله حقت الصاروخ او حقت القنابل الي
باالاعياد وتقبل تحياتي |
اقتباس:
صح لسانك يابوخالد......وش رايك بمكينة السياره وعملية اللأحتراق داخلها بين البوجي والبانزين.......الخ |
العضيد هلا وغلا
وارجو البحث عن الحل |
يا سعود حياك الله عدد ماكتبت من الحروف والله نك مفكك الغاز
لكن لغزي لايزال بخير |
ابو خالد الفريدي صح لسانك على ها اللغز المجنون
ابا اقول وش رايك في مكينة اللحام |
يامهجرس الحرف هههههههههههه
صحيح اللغز مجنون لكن يوم جيته عقل الحل صح واللغز انتهى |
مهجرس الحرف والحل مكينة اللحام
|
الساعة الآن 07:59 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir