|
اللغز(376)عسى رب الملا ياسامعن للغزي ايوفقنا=محلول عمر بن الخطاب والتأريخ =من مهجرس
انا ابنهج نهج ابو خالد الفريدي نبي انحاول انجيب الغاز صعبه وهو يقدر لاكن انا ابحاول
البيت الاول=
انا ابنشد ارجال العرف والمعنى= ومن لايعرف المعني ابليا شك يارجال للغزي مالقى حله عن الرجل اللبيب الفارس الملهم عريب الجد =ذوا حكمه صليب الراي في رايه مشينا مثل سابقنا البيت الثاني = ترى رايه لنا منهج ايطبق في بعض بلدان خلق الله= فلا تجهل بعضهم كب هذا الراي لاكنه ايرافق مع سميله عطيتك زبدة الموضوع يارجال بالتأكيد ابي حل الثلاثه منك =مايحتاج بالتفصيل عسى رب الملا ياسامعن لغزي ايوفقنا |
صح لسانك يا سعد على اللغز اللى من العيار الثقيل ..
جاري التفكير و فك الرموز .. و ان شاء الله ذبحته قريبة .. |
صح لسانك ياسعد
وياهلا وغلا ولغز سمين ومايبي لها كلام صعب عسى الله يعيننا ونجيب اخبره والبحر طويل فحمت وانا اقرأ هههههههه |
صح السانك وباخذلي حوصه والله اني مدري انا اجي ولا ابتل
|
لاخ سعد صح لسانك وبيض الله وجهك بياضن دايم
واللغز يبغاله تفكير والقناصه واجد وفيهم البركه |
الاخ العضيد مساك الله بالخير ويقول سعد ماعليك خطر من الحوصه دام الزهره موجوده
|
]الله يبارك فيكم والله ايعيننا وياكم ونا واثق انه مرايح ايطول محرقينهنه محرقينه باذن لله اما انت يالعضيد متمرس ونا ابخص هههههههههههههههههه
|
كل ابدا رايه وانا ماني حايص ابا ادرعم وتوكل على الله
ابا ارمع وانا متأكد ان المسأله ماهي حولي اب اقول( حمـــــــــورابي) |
الرمعه مالــــــــــــــــــــــــــــــــــك لوا
|
صح السانك على على هاللغز الجزل وبالنسبه للرمعة [ ملكنا ابو متعب الله يطول بعمره......... والثنين اللي ما خذوا الراي راعي فتح وراعي حماس الله يهديهم انشالله]ويعطيك العافيه |
صح بدنك ابوشمس وبيض الله وجهك اما الرمعه فمالك لـــــــــــــوا
|
اخوي سعد انا مطفي النور .والا اولعه ؟
انا اخاليك بيني وبينك وشو الحل علمني ترى ما احد يسمعناهههه<<<الفريدي مع النافذة |
الله لايهينك عطهم فرصه مارمع الا اثنين مدري هم امطفين النور ولا ايحللون هالمشربك لاتعجل يابعدي
|
عندي رمعة
لو اللغز ما استبانت لي معالمه كلها مثل سميلة هل المقصود سمي له ( يشابهه بالاسم) وش رايك بالقرآن والسنة والاجتهاد دستورنا القرآن وهناك دساتير وضعية |
مــــــــــــــــــــــالك لوا ياعزيزي
|
صح لسانك ياسعد الحصني على اللغز السمين لاهنت
وش رايك بالمذاهب الثلاثه((الشافعي -والحنبلي -والمالكي)) |
ياسعد رجاء وش رايك في الرسول صل الله عليه وسلم
|
اولا صحة ابدانكم والرمعات مـــــــــــــــــــــــــالكم لوا وثانيا اشكرك جزيل الشكر اخوي مضحي على التنسيق الموفق تقبل احترامي وتقديري
|
اقتباس:
ياسعد الله يسعد صباحك والله ماني احسن من الرياجيل اللي قبلي لكن من باب الاجتهاد وش رايك بالمــــــــــــــــــــــــــــــــــــــــــــــ ـــــيزان |
]الاخ عبداله الله الله ايصبحك بالخير الميزان مالك لــــــــــــــــــــوا تنويــــــــــــــــــــــه المطلوب حل ثلاث اشبا حسب ماورد بالغز تراه بسيط يابن عمي ركز زين وتجيب الحل باذن الله
|
هنا توجيه انــا ابـنـشـد ارجـــال الـعــرف والمـعـنـى وهنا تنويه ومن لايعرف المعني ابليا شك يارجال للغزي مالقى حلـه وهنا السؤال عـن الرجـل اللبيـب الفـارس الملهـم عريـب الجـد ذوا حكمه صليب الراي في رايـه مشينـا مثـل سابقنـا السؤال عن رجل واحد ترى رايه لنا منهج ايطبق فـي بعـض بلـدان خلـق الله الى هنا والسؤال عن رجل واحد واعتقد انه القمر حيث ان هناك من يتمد التاريخ القمري فلا تجهل بعضهم كب هذا الراي لاكنه ايرافق مع سميلـه بعضهم الضمير هنا يعود على الاثنين وهم الاشهر القمرية والملادية وهذا الطرف الثاني يرافق مع سمي له هذا الثالث عطيتك زبدة الموضوع يارجال بالتأكيد ابي حل الثلاثه منك مايحتاج بالتفصيل عسى رب الملا ياسامعن لغزي ايوفقنا الله يوفق الجميع بناءا على التحليل الفني >>> متأثر بالاسهم نقول والله اعلم القمر والشهر القمري والشهر الميلادي |
[ياعبدالله مالـــــــــــــــــــــك لوا وتجاهك موفق
|
اخوي سعد والله لو يحبون السماء ما علمتهم ولا حليته وانا اعرف حله من قبل .
وانت ياللي مع النافذه اذا تبيني اعلمك تعال مع الباب . |
تسلم ياعشير النشاما وللاحقني فيك شك
|
الاخ سعد مساك الله بالخير وش رايك في التاريخ الهجري والميلادي وتوقيت ام القرى
|
]يامهجرس الحرف حلك ميه ابميه=== مير الرجل ماذكرته بس امشيها
صح السانك اخوي امهجرس الرجل صاحب الراي هو الخليفه الراشد عمر ابن الخطاب رضي الله عنه هو صاحب فكرة التاريخ الهجري ولايخفى عليكم ان بعض الدول تطبق التاريخ الهجري والبعض التاريخ الميلادي وهو سمي التاريخ الهجري هذا اجتهاد مني ان اصبة فالشكر لله ون اخطية اعذروني |
صح بدنك وصح لسانك ولغز وافي وراعيه وافي
|
بيض الله وجهك يابو مشاري والحقيقة انه لغز متكت صح
لكن مهجرس ماشاء الله عليه بالمرصاد بيض الله اوجيهكم يالنشاما |
الساعة الآن 01:28 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir