|
اللغز (374 ) من يجيب العود وينك يالفطين=محلول بقايا النخلة = من ابو خالد الفريدي
لغز وزنه ما بين الوسط والخفيف ارفقوا عليه يالربع
ويش عوداً ميت ويا كثر شبهاه=كلهم في جنب عذرا ميتين ويا فطين العود باقي من فتاه=من يجيب العود وينك يالفطين |
الساري ابو شمس
يامرحبا بك وياهلا والله لغز وافي وانت وافي الله يحفظك اشكرك على دعمك ومشاركاتك الدائمة لاخلا ولاعدم |
حياك الله يالساري وماقصرت وصح لسانك على اللغز
|
صح لسانك يالساري ..
اي وسط و اي خفيف الا من العيار الثقيل .. يبيلة تفكير .. |
الساري ابو شمس صح لسانك وبيض الله وجهك (وجاري التفكير
|
صح السانك وتسلم وشرايك بالقبر ولفتاه الارض
تحياتي |
" " وش رأيك بالإطار " " دمتم بخير " |
صحة ابدانكم يالربع.............وبالنسبه للرمعات ماااااااااااااااالكم لوا |
أهلا بالساري وصح لسانك
وش رايك في ( أخر الزقاره ــ اكرمكم الله ) ( قطف الزقاره) الباقي بعد احراقها هو العود والفتاه هي الزقاره |
صح بدنك يا سامي الفكر........................ ولا لك لوا |
الاخ العزيز الساري حياك الله
هل اللغز هو الخال او الشامة تقبل تحياتي |
اخوي حسين ابقاك ربي............ وبالنسبه للرمعه مالك لوا......... |
حياك الله وصح السانك وشرايك بالمرسام ولارض
تحياتي |
ابقاك ربي يالعضيد.................. ولا لك لوا |
صح لسانك يالساري ابو شمس على اللغز اللي من العيار الثقيل ابو مسامير مبرشمه
وش رايك في بيض الجراد في الارض |
صح بدنك ابن جمران........... وبالنسبه للرمعه مالك لوا.................. اكرر اللغز بين الوزن الوسط والخفيف............... ويعطيك العافيه |
اخوي الساري وش رايك في النار والرماد
|
صح السانك
وشرايك بطيب العود |
الاخ مهجرس الحرف......................... مالك لوا الاخ عبدالله الحنيني صح بدنك ......... وبالنسبه للرمعة مالك لوا....................... ويعطيكم العافيه |
الساري ابو شمس لاهنت وانا ارمع لي رمعه والله اعلم انها سماوي
وش رايك بالشعيب والتلعه وهو ميت واذا سالت التلعه تحييه ويدرج |
اقتباس:
وبو فهيد يرتفع فوق السحاب وهو يجي له صريخ البو فهيد مامعه رمعه وهو ينسق الغز ويقول ان شاء الله لي عوده |
الساري ابو شمس مشكور على اللغز وماشاء الله عليه لغز كايف
|
اخي ابن جمران.......... ودي اجامل واقول الرمعه طيبه لكن للاسف الرمعه سماويه حاول لعل وعسى.. اخي ابو فهيد............ صريخ بدون رمعه كيف لو فيه رمعه الله يستر اخي خالد.................حياك الله .......... ويعطيكم العافيه كلكم |
اقتباس:
يجيب خبره ان شاء الله ابو فهيد يالله استر عليه يالساري تطرف عن اللغز تراه مايتحكم بنفسه لانصرم |
حياك الله يا ابن جمران ...... وكلكم فيكم الخير والبركه |
يمكن يكون عود يعني خشبه وزن الشجره واصله منها هوميت يابس
والشجره خضرا بلكي تكون هالرمعه موفقه |
ابوخالد حياك الله ........ صراحه انت صوبت اللغز وفعلا هي شجره واذا جبت اسم الشجره اكيد تبي تعرف وش المقصود ب[العود] انتظر منك تعديل الرمعه............... ويعطيك العافيه |
يابو خالد راعي اللغز يقول الشجره صح ولكن وضح العود وش هو بانتضار التعديل
|
اخو الساري ابوشمس حياك الله
لدي رمعة ثانية هل هو الرماد مثل ماقالو النار تعقب الرماد تقبل تحياتي |
اخوي حسين............ حياك الله .......... ومالك لوا وعلى العموم ابو خالد ما قصر شرح اللغز تشريح وتعتبر الرمعه له وهو على النحو التالي [ العود المطلوب هو كرنوف النخل ... وفي جنب عذرا اللي هي النخله.... وباقي من فتاه اي باقي من الجريده .......... ويعطيكم العافيه جميعا |
بيض الله اوجيهكم يالربع
راع اللغز واللي حل اللغز تحياتي للجميع |
بيض الله اوجيهكم يالربع
راع اللغز واللي حل اللغز تحياتي للجميع |
الساعة الآن 10:30 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir