هلا مرحبا ترحيبةٍ فالها زين=نظيفة و تقبلها النفوس النظيفة
أبا أسجل السحمان ضمن الموازين=و أبا أوظف اللي مالقاله وظيفه
يدوم البقاء و أنتم بلاشك غالين=تراحيبكم هاذي ثقيله خفيفه
ترى المكرمة هاذي على الرأس و العين= و أبا أعطيك لازان المعاش النصيفه
ترى الشك مايدخل عقول السلاطين=و لاهو بأنا اللي يلتفت يم ضيفه
أجل شد حيلك و الوعد بعد يومين=و أنا مغتني و النفس ماهي ضعيفه
يا أبو قلب نسخة من قلوب البعارين=لكن المقاصد و النوايا شريفه
على الزين ياتركي عطاء الله على الزين=تواعد تخلف فالليال المخيفه
على وين ياراشد صحيبي على وين=تبأ الرقم الأول مير طحت برديفه
أبا أحرر البصرة و أحرر فلسطين=لعلك بعد ياسر تصير الخليفه
لك الله ما أعود لين أزور البعيدين=و أرز العلم مابين غزه و حيفه
لياصاروا الصاحين مثل المجانين=تجي تفرقه بين الوليف وليفه
أنا مابدالي غير بعض العناوين=و لا أقرأ المجلة لين أشوف الصحيفه
ترانا من الماضي رياجيل صاحين=و من راح قلناله على كيف كيفه
صدور العرب فيها سوات البراكين=دخل شوك بين المفرشة و القطيفه
أدورك ياساحر قلوب الملايين=ولاني مكلف بالعيون الكفيفه
ترى السيف ماتضحك عليه السكاكين=و لايأخذ الطيار رأي المضيفه
و لكن خلك ذيب فالعسر و اللين=و لافيه بعد الغزو غير النكيفه
أعلمك لامنا قطعنا الشرايين=أكيد الطمع يا أبن عطاءالله تعيفه
أحذرك لاتقطع صفوف المصلين=و أنا أكفلك من سكين راشد و سيفه

المشاركة الأصلية كتبت بواسطة ابوروان النويمي (المشاركة 55383) بارك الله فيك على الملعبه الرائعه بيض الله وجهك اتمنالك التوفيق إن شاء الله أخيك ابوروان

المشاركة الأصلية كتبت بواسطة مشعان الحربي (المشاركة 55420) الله يـعـطـيـك الـعـافيـــــــــــة

المشاركة الأصلية كتبت بواسطة بندر الحربي (المشاركة 55595) http://72.232.182.186/~alhroob/vb/im...bag/3losh2.gif بيض الله وجهك

المشاركة الأصلية كتبت بواسطة بن فرهود الحربي (المشاركة 56429) http://www.alhroob.com/vb/images/threadbag/3losh2.gif

المشاركة الأصلية كتبت بواسطة ابن خيرالله الردادي (المشاركة 57257) الأخ فارس عوف مشكور على جهودك والنقل الرائع وصح الله السنتهم محاوره رائعه تقبل تحياتي ودمت بخير

المشاركة الأصلية كتبت بواسطة راعي البل (المشاركة 68339) بيض الله وجهك

المشاركة الأصلية كتبت بواسطة ابوعبدالله النويمي (المشاركة 78391) ألف شكر على المحاوره .. يعطيك العافيه ... وكل عام وأنت بخير .. دمت بخير .