ملتقى قبيلة حرب الرسمي - صفط وطبح سايقه ثم نويته

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - صفط وطبح سايقه ثم نويته (http://www.m-harb.net/vb/showthread.php?t=54480)

صفط وطبح سايقه ثم نويته

يازين غرون يامحمد لقيته = قبل امس ونا رايحن لاستلامي
يمشي امن الخياط راجع البيته = بالفايزيه حول دكان ساميي
لفيتله من دون لاشعر وجيته = وقفة قدامه اموقف نضامي
ونزلت عجلانن وبسمه ناديته =ياريم ونت الريم لا ياغرامي
قالت خطا اسمي يارجل مالقيته = ماهو على كيفك اتسمي الاسامي
وناضرة واليا الجيب يشر ابليته = ومعلق البوري لعين الرسامي
وصفط وطبح سايقه ثم نويته =لاكن بلايه خمني في اعظامي
ثم قلتله يمك ترى مابتاليته = اهوه سبب بلواي يابن الكرامي
ادخل على اللي فارضن حج بيته =انك اتعاين يم ضبي العدامي
ويوم التفت واليا مرده نهيته = نهيت مسجونن صدرله اعدامي
ثم قال ماولله حليه رئيته =سبحان ربن كمله بالتمامي
ثم قلت اجل لاتلومني لونصيته = امشي ابليا اشعور مابه كلامي
ولطفت في حاله ومعيه خذيته =وشرحتله عن ناقشلت الوشامي
افعالهن بالناس قد شاع صيته = يكفيك عنتر من ضحايا الغرامي

صح لسانك وعلا شانك

الاخ القديرالشاعرسعدرجاءالحصني

صح السانك مليووووون وبيض الله وجهك

تسلم ياالذيب على هذي القصيدة الجزله والرائعه بروعة حضورك الجميل الله يعطيك العافيه

تقبل تحياتي وتقديري

هلا با ابو مشاري يالله حيه يا لله حي خالي

وشذا الغزليه الرائعه ماشالله عليك بس اكيد انها قديمه ههه

صح السانك يا بو مشاري جميله جدا لا هنت ولا هان راسك

الله لايهينكم وشكركم على مروركم وتقبلو فائق احترامي وتقديري