|
ياتركي الالفين الله يعينك
ياتركي الالفين الله يعينك=مادام خندف ماسكينك بدينك وتركي سميك مشرفأ مايدينك=هذا الصحيح وكلمة الحق تنقال
تركي الشيخ ينقز يحسب انه شبابي=مادرو ان عمره فوق تسعين عاما
|
ياسلام ياسلام
صح لسانك اخي الشاعر عبدالله المطيري وننتظر الشاعر تركي الشيخ ياهلاوغلا فيك |
الشاعر عبد الله المطيري
صح لسانك وعلى القوه وننتضر الشاعر والمشرف تركي ابن الشيخ |
ياسلام ياسلام
الاخ عبدالله المطيري الله يعطيك العافيه وصح الله لسانك وبيض الله وجهك وفي انتظار الاخ تركي الشيخ وعلى القوة يالغالين تقبلوا تحياتي |
الاخ/ عبدالله المطيري
صح لسانك و بيض الله وجهك |
صح لسانك يالمطيري
وبيض الله وجهك وننتظر الشاعر الرائع ابوعبدالعزيز ويالله حيه |
اقتباس:
في انتظار تركي الشيخ |
صح الساااااااانك وبيض الله وجهك
ننتظر شاعرنا الكبير تركي الشيخ |
ارحب يالمطاري وحياك الله ,,, واستلم لاهنت
ياخليف ابن دواس ياشاعر مطير = الله يعينك بعد ماروَح العير حتى سميه لك ماوده الخير = هذا الصحيح وقولو اللي تقولون
يالمطاري علامك ياصغير العلابي = جيت والله رمابك في حلوق النشاما لقمةٍ جابها الله بين ضرسي ونابي = حل وقت الفطور وراح وقت الصياما |
اقتباس:
صح لسانك يالغالي وانا بصفك ولا يهون الشاعر عبدالله المطيري |
اشكركم على حضوركم المشوق
الله يقدرنا ونتسلامعكم |
لا والله الا جيتني بعد صره=محدن يقول الشيخ لله دره
حتى زبيد اليوم كلن بحره=هذا الصحيح وكلمة الحق تنقال 00000000000000 يوم خندف تسرك يوم فيكم مصابي=انشد القوم يوم الناس فيكم كلاما العرب طقت المسكين وسط السرابي=وانت وشبك تبكا يوم حل الظلاما |
اخونا الشاعر عبد الله المطيري صح لسانك وعلى القوه |
|
الله الله الله
الشاعر عبدالله المطيري والشاعرتركي الشيخ محاوره قويه بيض الله وجيهكم بارك الله فيكم واصلوا والصفوف ازهلو همها تقبلوا تحيتي |
صح السانكم
وزانت اصفوفكم والله يعطيكم العافيه |
استلم لاهنت وان كنت اشك في وضعك
انته علومك يالمطاري كثيره = لكن هات الاوله والاخيره وان كان تبغى الحشر تلقى الحشيره = هذا الصحيح وقولو اللي تقولون
يوم سل السيوف ويوم حد الجنابي = ما لكم فعل معنا في نهار الزحاما فوق راس المطاري شفت ريشة غرابي = ياحليل المطاري ياعساه الهياما |
اقتباس:
صح لسانك ياتركي الشيخ و بيض الله وجهك |
اقتباس:
الليله ملعبه على كيفكم شاعرنا تركي الشيخ وشاعر مطير |
صح السانكم
والله يعطيكم العافيه |
ياسلام ياسلام على الموووووووال
انا بصف شاعرنا تركي ولا يهون المطيري |
اليوم ياحريبي علامك تغاظا=من يوم ماصارت وراكم حفاظا يازين لفظك عذب صاير لفاظا=هذا الصحيح وكلمة الحق تنقال
مالك إلا بريقع يسترك يالعرابي=من فضايح هذك ومن صحيب العماما والله اني نويتك ياقليل الادابي=وكل واحد يعرف الناس راعي مقاما |
صح السانكم
بيض الله وجهكم |
راي فيك مايتغير ياتركي
شاعر والله شاعر صح لسانك ولايهون المطاري |
اقتباس:
ترى قدمك شبابي يفتل اشنابه :0756: وحنا بالصفوف |
ياسلام انا بصف شاعر حرب تركي الشيخ
ولا يهون المطاري نبي ابداع في الموال وادراك العصبيه ياسلام ياسلام |
يعطيكم العافيه يالغالين
وبيض الله وجيهكم وان شاءالله تعوضونا بمحاورات اخرى تقبلوا تحياتي ودمتم بخير |
استلم والمعذره على التاخير
خل البراقع يالمطاري لاهلها = من سدها عينك من اللي كحلها؟ والا الفضايح حملتك ياجملها = هذا الصحيح وقولوا اللي تقولون
العوارف يعرفون الخطا والصوابي = مار لك طلقتن بين اللحم والعضاما الربا مانريده وانت رجلن مرابي = حسبك الله لاتسرق حلال اليتاما |
ياسلام ياسلام على الابداع
صح السانكم |
محاورة مولعه صح لسانكم جميعاً مبدعين يالربع |
الساعة الآن 07:49 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir