ياقصيـدي يـوم ودعـت الحنايـا = كان مادجت الفضاء عـود عليــــــــه
ويش ابي بك وانت ما تروي ضمايا = يشربـون ويشلعـون السامـريـه
لا بغوا منـك المعانـي والمزايـا = صبهن صـب العـرب للشاذليــــــــه
وان بغوا حل المشاكـل والقضايـا = حاول انك تبحث حلـول القضيـــه
شاعرٍ حسـاس وهمومـي سرايـا = كل ما قفت سريـه جـت سريــــــه
بس في راسي طموحـات ونوايـا = ولايوقـف للطمـوح إلا المنـيـــــــه
ولو يطول الدرب واقدامـي حفايـا = سرت في حفظ الولي رب البريـه
وادري ان الدرب ديبـان وحيايـا = بس أباطا راس داب وراس حيـــه
وان نهيت النفس عن بعض الخطايا = الله الهـادي وأنـا مانـي نبـيـه
أبـدويٍ عـارفٍ وسـم المطايـا = وإن لفاني ضيـف عشيتـه ثنيـــــــــه
ما أعترفت بعيد حـب ولا هدايـا = غير في عيد الفطر والا الضحيــه
ولو شعاع الشمس سوا بي سوايـا = عندي أحلا مـن بـراد اللاذقيـه
رافعٍ نفسي عـن دروب الزرايـا = ولا عرفت ستار ومحمـد عطيـــــه
والبدو ماهم مشاعيـب وشضايـا = اسمهم لـو تنطقـه فـا لمـهـمهـيـه
يمتلي كف الضعيف مـن العطايـا = وتنتثر من كل صـوب العقربيــــه
وكـان ردت للعـزاوي والحمايـا = عزوتـي مسـروح والا السالميـــه
لا زعلنـا مـا نطـش الا الثنايـا = وإن رضينا ربعـت نجـد العذيــــــــه
بعد هذا ويـش اسـوي بالزوايـا = الزوايـا للـردي ماهيـب لـيــــــــــه