|
(( يابن خير الله على خير وينك لاتغيب ...)) ....
السلام عليكم ورحمة الله وبركاته فتح هذا المتصفح بناء ً على طلب الأخ مدير الملتقى وتحقيقا ً لرغبته ... إستلم يابن خير الله ... الله لايهينك ..
يابن خير الله على خير وينك لاتغيب=إنتبه والسالفه جالها بطن وظهر النفوس مولــّــعه وأنت بالمعنى لبيب=إن نطحت الموج وإلا تمثناك البحر |
صح السانك يابوفهد
وننتظر ابوسامي والليل الليل مع انه النهار قرب يطبع يالله حنا بالصفوف |
الأخ ابن القبيله وعليكم السلام ورحمة الله وبركاته مشكور يالغالي وستلم
مرحبا صالح على خير ذيب(ن) جاه ذيب=والسوالف يامساعد ترى فيها نظر المولع لو تولع ترى ماهو غريب = ومنهو اللي مرضين غير خلاق البشر تقبل تحياتي |
:eek: :cool: ياسلام ياسلام ونتهى الكلام اشكر الشاعرين الموقرين الشاعـــــــــر بن خير الله الردادي وزميله الشاعر بن القبيله واقول لهم على القو ه وبيض الله وجيهكم ومتابعين للمحاورتكم |
صح السانكم ياشعار
والصفوف وقافه |
اقتباس:
هلابك يابوسامي وإستلم :0726: :
قالوا إنك تالي الوقت مغديك الربيب=وإن رجعت لواقع الأمر ماحولك سفر ما عليك خلاف والجرح ما ظنه يطيب=شاعر ٍ لك تجربه بس ما عندك خبر والليله إن شاء الله نكملها ... :rolleyes: |
يعطيك العافية و بارك الله فيك
على هذه الجهود الرااااااائعة |
ياسلام على الابداع صح لسانكم وبيض الله وجيهكم الملعبه الرائعه أخيكم ابوروان |
ياسلالالالالالالالالالالالالالالالام
وين الملعبه ياشباب |
اقتباس:
استلم يابوفهد والشكر لجميع الاخوان المتابعين
الحقايق كلها تنكشف عند الطبيب=نوب تطلع عدوت(ن)جات من وسط القصر والمرافق ماسلم لازم(ن) ياخذ نصيب=علتا(ن) ولا من الفيد مكسب معتبر |
صح السانكم ياشعار
وبيض الله وجيهكم والصفوووووووووووف ياولد |
|
اقتباس:
إستلم لاهنت يابو سامي :
لاتذكرني بعصر المدوّر والذهيب=ما عليها وسم والهامله توخذ عصر كم عقيد ٍ يسبر الريع ويشوف العزيب=والرغى بسلومنا عيب للي كد هدر |
اشكر جميع الإخوة الذين سبقت ردودهم مقدرا ً لهم هذا الحضور والله يعطيكم العافية تواجدكم قد انار هذا المتصفح ... حفظكم الله تعالى ورعاكم .. |
اقتباس:
استلم يابوفهد
نحمد الله بين شاعر ودكتوراً واديب=مختلفنا سيلنا داخل الوادي حدر وانت لاتهتم والسيل في وسط الشعيب=ماعلينا من رغا من رغا يرغي قهر |
اقتباس:
هلا أبو سامي إستلم الله يعطيك العافية :
كل سوداء كحل لابد مرجعها تشيب=والزمن دوّار لكن يظفر من صبر بالفلك مذكور نجمه وقافيها رقيب=به علاقة بينهم في حساب ٍ معتبر |
اقتباس:
تسلم يالغالي ماقصرت بيض الله وجهك تشرفت بمجاراتك يالغالي وستلم الرد ولنا لقاء قادم بعون الله
انت فاهم كل دله يجي فيها سريب=ودنا فنجال دله وهي فوق الجمر ونحمد الله فوز فزنا ولا فينا غليب=وشكرك والله يديمك ويديم اللي حضر تقبل تحياتي |
الزمان الزين يااطول ويعرفها اللبيب =يالبيب العارفه مانبيها من فجر
صح السانكم على الملعبه إلى محاورات قادمة |
صح السانكم ياشعار
|
شكراً لجميع الاخوان
ومتابعتكم وتشجيعكم يزيدنا فخر واعتزاز والقادم افضل بعون الله دمتم جميعاً بخير تقبلوا تحياتنا |
أشكر جميع الإخوة الكرام الذين تواجدوا بهذا المتصفح مقدرا ً لهم كل حرف ٍ أضافوه وشاكرا ً لهم تشجيعهم وهذا مما يسر متمنيا ً للجميع التوفيق والسداد .... حفظكم الله تعالى ورعاكم |
الساعة الآن 01:33 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir