|
سلام والمعنى على وجهين والدنيا تدور
سلام والمعنى على وجهين والدنيا تدور=لأهل الوفاء والطيب ربعي كاسبين المرجله الليل توه بأوله والناس ماتبغى القصور= والوقت قاسي واهني اللي يحصد الاوله |
صح لسانك يابو رسيل الحربي لاهنت على الوسيمه
والله ودي اللعب معك لكن المعذره مادخلة على وسيمتك الا حوالي الساعه الثانيه عشر هذه الليله وكنت مشغول والا اتشرف باللعب معك وكذلك عندي سفر مغباش والبركه في باقي الاخوان من الشعراء والمعذره منك ياشاعرنا الجزل والله يحفظك |
هلابك يامضحي
وصح بدنك ومرورك طال عمرك اكبر شرف |
اقتباس:
صح لسانك يا ابورسيل الحربي و اشوفك مازلت متواجد و ودي اجاريك استلم لا هنت:
يا مرحبا بك يالمسلِّم و المعاني كالبحور= نيابة(ن) عن لابة(ن) من جا لهم نسي و دله الليل باقي منه ثلثه ثم يقفى الليل نور=و بكره بعلم الغيب و ابن آدم مصيره يجهله |
صح لسانك
وهلابك
دام البقاء يالشاعر اللي من طويلين الشبور=حربي وانا بديت بالتسليم سنه منزله ياصاحبي الليل باقي غوص في وسط البحور=نبغى نجيب الدر من فوق الونيت نحمله |
صحت السنتكم والله يـعـطـيـكم الـعـافيـــــــــــة بيض الله وجيهكم |
اقتباس:
مرحبا بك و مشكور على قبولي:
و النعم بك يبو رسيل و نعم بالربع الحضور= و تراي رديت السلام و سنته ما نجهله النوم نوم الليل و الارزاق توخذ بالبكور= و الدر شاله نوخذة دارين راع البوصله تصبح على خير يا ابو رسيل انت و الحاضرين نتابع بكرة متى ما بغيت |
اقتباس:
مرحبا بك يا عقيد الخيل شرفتنا بحضورك لا هنت |
الله لايهينك ابشر بكره ان شاء الله وانت بخير
|
اقتباس:
حياك يابورسيل الحربي أنا موجود ان كانك حولي تحيتي لك |
المعذره على التأخير وصح لسانك
واستلم
كفيت ياراع الوفاء والعلم في وسط الصدور=نبغى نوضح وانت ماتجهل قانون المسئله من يسري الغدراء يفوت الناس في وقت السحور=والدر في وسط البحور الهايجه ماتاصله |
اقتباس:
حياك يا ابورسيل معذور، و الصراحة فقدت الأمل بعودتك استلم لا هنت:
وصلت علومك يا وسيع العرف، وافي و معذور= و المسأله حدّدتها بالمسطره و المنقله بعض العرب وقته بلا خطه مضيّع و مهدور= ويلقون طير البحر شال اللول وسط الحوصله شكرا لك على إعطائي فرصة الاستفاده من اللعب معك غدا عندي رحلة مع الولد للتقديم بالرياض و ابي منك السموحة لك و لمن حضر تحيتي و تقديري |
الله يوفقه ويكتب له الخير ان شاء الله
وموفق خير ولك جزيل الشكر على تواضعك واللعب معي وتشرفت وتصبح على خير ولنا لقاء اخر |
صح لسانك ياشاعرنا الجزل رسيل الحربي
وصح لسان زميلك شاعرنا الجزل الصييفي وان شاء الله ترجع سالم غانم لكن المحاوره نرجو منكم التكرم بتكملتها ومعكم وقت كافي وهو اسبوعين من تاريخ البدايه واتفقنا على شرط سابق اي محاوره تقل عن اربع ردود من كل شاعر تحذف لكن نامل منكم تكملتها وعندكم وقت وان شاء الله نراءها مكتمله والله يحفظكم ويرعاكم |
الله يآهو ابدآع..
الصييفي & ابو رسيل صحت السنكمآ.. وبيض الله وجهيكمآ.. وسوف ننتظر قدوم الأخ الصييفي.. وبالتوفيق للود ان شاء الله يوفقه.. لكمآ ودي وفآئق احترآمي.. وننتظر اكن\تمآل الابدآع.. ااخوـكم.. علي العبيدي.. |
ياسلام على الابداع الغير مستغرب
صحت السنتكم جميع ننتضركم تكملونها |
اقتباس:
الله يقبل دعاك يا ابورسيل الحربي وشكرا لك وحتى لا نخالف نظام الرديه تابع و سوف أرد عليك لو من جهاز زميلي بالرياض تحيتي و تقديري |
اقتباس:
"الله يعافيك يا مضحي و في شوفك يقديك ... حيثك تشوف القذاه اللاجيه بالخرمسيه" هذا البيت حافظه و انا ورع و لا أعرف قائله لكن عندي فكره عن القصهههه ابشر يبن جمران من يكملها لو اسفط جنب البرج على السريع ما دام فيه جيل ثالث بالموبايلي كنكت، بس يرد زميلي شكرا لك على جهودك |
اقتباس:
مرحبا بك يا علي العبيدي شكرا على حضورك و الإبداع يكتمل بتواجدك تحيتي لك |
اقتباس:
مشكور يالبارق الوسمي<< بداية كسرههههه الله لا يهينك على حضورك المشرف ابشر بسعدك نكملها خلال هذا الأسبوع ان الله كتب و الا نعوضها بغيرها تحيتي و تقديري |
صح السنتكم جميعاً وبيض الله وجيهكم
لكم الشكر والاحترام والتقدير |
وينك يا ابورسيل الحربي؟! أنت في حل لو حذفتها يبن جمران إذا لم يرد أبو رسيل في الوقت المحدد تحيتي و تقديري للجميع |
صح السانك يابو رسيل
وصح السانك يالصييفي |
السلام عليكم ... انا موجود يالصيفي وأستلم .
|
هلا فيك اخوي الصييفي
وبارك الله فيك وماعندي خبر عن العلوم التاليه لاكن ابشروا واتشرف
العلم يوصل للفضاء والعلم في ممشاه نور=والمسألة لوحددة جيب المسايل مجملة والناس كلاُ في ظروفة غصب والوقت محصور=وطير البحر طير وراح يحوم وانت تحوملة |
اقتباس:
مر حبا بك يبو رسيل و مشكور على الرد حتى ما نخالف النظام استلم لا هنت:
العلم يبو رسيل يخدمنا على كل العصور= لكن حتى الآن و العربان شبعت بهذله الناس تمشي مع مماشي الوقت و لا احد امعسور= و طير البحر ما ابْعد وله توقيعةٍ ما اعجله |
الساعة الآن 07:50 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir