|
سلام الله سلامٍ اعده ونقده كاش
سلام الله سلامٍ اعده وانقده كاش=وانا ماحب ياغير عملة نقد كاشي تراء الطيب لامنك زهمة بالاسم شاش= رفيعٍ في مقامه لاجاه الصوت شاشي |
صح لسانك ياشاعرنا الرائع مضحي بن جمران
ورفيع المقام ان شاء الله انه قريب والجميع بأنتظار الابداع |
صح لسانك ياشاعرنا الجزل مضحي
والله يجيب زميلك الشاعر رفيع المقام |
اقتباس:
وحياك الله وابقاك وان شاء الله رفيع المقام ماهو بعيد والله يجيبه والابداع يكمن بحضور الجميع والله يجملنا منكم |
اقتباس:
وان شاء الله يجي رفيع المقام ونسعد معكم بحضوره ومحاورته |
مرحبا بك يا بن جمران ويشرفني مجاراتك واعتذر عن التأخر لعدم تواجدي في الايام السابقه بس عساهن ماهن مبطيات الابيات استلم الرد وبكره ان شاء الله لنا لقاء انا دوبي واصل من سفر
هلا يامرحبا شايف(ن) لي مزن ورشاش= يازين الجو لا صار به برق ورشاشي
تنومسني هل الطيبه وابعد عن الاش= ومن لا شاش لطيبه يالربع لاشي |
الشاعر والاخ رفيع المقام
الحمد لله على السلامه وصح لسانك وصدقني انا بانتظارك لان محاوره تجمع مضحي ورفيع المقام تعتبر مكسب للمتابعين تحياتي لكم |
لاهنت يارفيع المقام والله يحييك وانا اسعد بمجارات شاعر جزل بحجمك ولايهونون جميع اخواني الشعراء بهذا الملتقي الشامخ واستلم سلمت والموعد بعد صلاة العشاء
يدوم ابك البقاء والمطر للقاع ماناش=لوان الغيم اشوفه زبر فالجو ناشي نريد الطيبه فالثمن وان جات فبلاش=تراء للطيبه سعر لو جتنا بلاشي |
صحت السنتكم ونطالبكم باكمال هذا الابداع |
اقتباس:
اسعدنا هذا المرور النير لشخصك العزيز لاعدمناك |
صحت ابدانكم يالشعار: مضحي بن جمران و رفيع المقام متابعين الابداع لاهنتوا |
صح السانك
يا مضحي والا هان رفيع المقام متابع |
ترى من قام يرقب لزاد الناس ماعاش= وابن جمران ينظر لها يبغى معاشي
يميني تحمل الكنز وانته وسطها خاش= ونوب تحمد الكنز والا احيان خاشي |
الاخ العزيز والشاعر القدير ذيب العاقر
شرفني تواجدك الجميل ويسعدني متابعتك واسعدني تعليقك لك التحيه الأخ العزيز والشاعر القدير حسين المعمري صح بدنك وشرفني تواجدك الجميل وان شاء الله تكتمل المحاوره الشاعر القدير الصييفي والشاعر القدير عبد الله عتيق صح ابدانكم وشرفنا تواجدكم لاهنتم شكراً للجميع |
لو الله مالنا في حلال القوم ياباش=وكل مشبعه مخلبه حرٍ وباشي يمينك تحمل الكنز قلي وين منحاش=جملنا شعيل مهو يعرف الانتحاشي |
علومٍ بالسعه تظهر الشوكه بمنقاش=ووقت الضيق تبطل ولا تبغى نقاشي انا قاسي وراسي ولا للمعتمي حاش= جملكم تمدحونه ووقت الجد حاشي |
تخم بخيشتك مع جرادك داب وقشاش=تحرص واذهن الداب في جوف القشاشي وانا ماغش من طبع غير انسان غشاش=وخل العلم الاوضح خلي من الغشاشي |
صحت السنتكم
ابداع x ابداع |
انا ماحط بيتي مابين اجبال وعشاش= مدام الراس عالي ماننزل بالعشاشي علامك وش علامك بوسط النفد هلاش=ترى دربي على المستوي مابه هلاشي |
لقيت الظبي راسه مجاعه مابه عراش=ياقوم الظبي راسه خلي من العراشي تعليت الزباره لكن القرم منداش=يبي عرقاه راسه ويبرى الاندواشي |
الا يالمرتشي كيف تعرف حضرت الراش= تحرمها علينا وانا ماني براشي يبرر ماقفه قاللي للمعرفه حاش= واهو مابين مكه وجده مايحاشي |
تريح هدى بالك معي لاتصنع هواش =ترايه معك لايمكن اجيز الهواشي تراك ان زدتها معي تبشر فالتبلاش=ولا يزين قفلة ملف الابتلاشي |
علومك كلها وقعت في داخل الجاش= ولو ضاقت بك الارض ماضيقت جاشي حزامي يازن الكون وانته وزن فشفاش=لعل الخير والامن بين الناس فاشي |
صح بدنك يالشاعر سالم العرم
والابداع هو تواجدك الجميل لاهنت |
علومي جعلها تنعش الطايح تنعاش=لعله من بعدها يجي فيه انتعاشي شاعرنا الجزل رفيع المقام اشكرك على هذه الاستجابه وهذه المجاراه الرائعه بهذه الردودلكنه لانتهض ماثبت وعظامه هشاش=تريح لاتطارح يابو عظمٍ هشاشي الجزله وصح لسانك وانا المستفيد الاول من الاحتكاك مع شاعر بحجمك لاعدمناك لكن على قولة اهل الملعبه شاب القاف واللعب معك لايمل ولنا ان شاء الله لقاء ولقاء اطيب واجزل واستبيحك العذر اذا بدر مني اي زله فهي غير مقصوده والقلب مايحمل لك الا الموده والتقدير والاحترام -الوقفه عندك اذا حبيت والله يحفظك ويرعاك وتقبل مني صادق ودي واحترامي وتصبح على خير |
تنادينا وجينا وشفنا وضعكم ماش= وانا من بعد ذا القاف تال الليل ماشي شكراً لك ياشاعرنا االجزل مضحي بن جمران واشكرك على هذه الابيات الوافيه على دار(ن) لها دوننا مسرى ومغباش= عسى دربي ودرب الوفي مابه غباشي وانا المستفيد الاول طال عمرك انت من الشيبان وانا من الشباب ولا جاء منك الا الطيب واسعدتني هذه الابيات الجيده باركـ الله فيك مع اننا مشغولين شوي بهذه الايام ولكن سنحت الفرصه صح لسانك وفي امان الكريم |
لاهنت لاهنت يارفيع المقام الله يرفع مقدارك
ياخوي حنا يالمديل الاول حديدينا قاسي لكن انتم يالشباب خوذو الحذر لا للتهور لاللسرعه الزائده احذر تسلم ومن انذر فقد اعذر ((( والتوقيع جمهور الشيبان ))) |
ههههههه يالمديلات القديمه حديدكم قاسي ومن الزمن حلا الله يكافينا
ويبقى المديل الجديد هو المطلوب (( توقيع جمهور الشباب )) يعطيك العافيه يامضحي |
اقتباس:
سلمت ودمت اسعدنا تواجدك الطيب ومرورك النير لاهنت |
اقتباس:
الجزل والقدير عبدالله بن عتيق الحنيني والف هلا وغلا وتشرفنا بهذا المرور النير لشخصك العزيز |
الساعة الآن 01:32 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir