|
ديوان الشاعر/ عوض عواض الغيداني
الهنوف اللـي فريـده مزاياهـا=والله إن إفراق الاحباب موجعها عقب ماني كنت مرهي بلاماهـا=أصبحت ذكرى بقلبـي مواقعهـا والله انـه مابقـى إلا هداياهـا=والغـلا والذكريـات وتوابعهـا يوم حظي عجز عنها واناابغاها=كتبت لغيري وأنا ميـتٍ معهـا لعنبـو حـظٍ تـردى وخلاهـا=يوم جاته فرصت العمر ضيعهـا إستحالـت وأخذوهـا دناياهـا=إطمعوها عقب ماكنت طامعهـا إغصبوها ماحصل شيء برضاها=ماجداها غيـر هلـت مدامعهـا وأصبحت صعبه ولاني بوياهـا=والقلوب القشر كبرت مواجعهـا والله إني كل ماقلـت ابنساهـا=قابلتنـي صـدفـتٍ ماتوقعـهـا ورجعتنـي للمحبـه وذكراهـا=والليال اللي مضت لي وأنا معها كـل ماتطـري علـي أتمناهـا=عن هواها نفسي أزريت لاقنعها |
لو البشـر تعلـم بغيـب الليالـي=لقيت كل إنسان عـارف مصيـره لكن رحمه مـن عزيـز الجلالـي=غيب الليالي جعـل بالأمـر خيـره نركض بها الدنيا يميـن وشمالـي=نـدور الأرزاق فـي كـل ديــره نطرد ورى الدنيا بطـول الامالـي=كلٍ علـى ماقيـل يشعـب بعيـره والموت في حبل الوريـد الموالـي=من انتهى اجله سلم أمـره لغيـره ويالعبد دنيـاك آخرتهـا الزوالـي=لاتغـرك آمـال الحيـاة المثيـره حافظ على دينك ترى العمر بالـي=إعبـادة المعبـود هـي البريـره صوم وصلاه وحج وإحـذر تبالـي=في حب عـلام الخفـا والسريـره وخلـك بطاعـة والدينـك مثالـي=مرضاتهـم يالعبـد طاعـه كبيـره ووصل القريب وخل عنـك التعالـي=مقاطـع الأرحـام نـارٍ سعـيـره وخلك لربعك مدهـلٍ بكـل حالـي=وبيتـك مقـرٍ للوجيـه السفيـره بمعاشـرٍ طيـب وحلـو القبالـي=هذا يبـي شـورك وذا تستشيـره وخلك على زلات ربعـك شمالـي=لاتدور الغلطـات لوهـي صغيـره بالطيب جاز ليا حصل لـك مجالـي=ولا تجازي بالـردى مـن يثيـره وإن طاح حظك بالرخيص إخذ غالي=الرخص يرخص والحقيره حقيـره وإنهض ليا جاء واجبـك لاتبالـي=خلك مثل حد السيـوف الشطيـره ترى الشجاعه عز بيـن الرجالـي=كـلٍ يهابـك والمـذلـه معـيـره والطيب يرفع مـن مقـام العيالـي=ولا الردى راعيه يجـرح ضميـره والكذب خيبه من سلـوب الخبالـي=والصدق نـورٍ للعـوارف ونيـره والمرجله لو شفت صعبـة منالـي=الهـون مايعطيـك حبـة شعيـره تبغى جهود مضاعفـه وإحتمالـي=ماهي بحاصلةٍ على هـون سيـره وعقب التعب والصبر ترقى المعالي=وتجني ثمر صبر الزمان ومسيـره نصيحـةٍ مابغـى وراهـا ريالـي=مهـداه منـي للوجيـه السفيـره |
رفيقي اللي مايقف بالمهمات=وقت السعه لايعتبرني رفيقه يكفي من هروج السعه كل مافات=في ساعت الشده تبين الحقيقه عزلت من صدقان تقزير الاوقات=اهل المصالح والهروج الرقيقه ربع الرخاء اللي تختفي عند الازمات=اليا بدأت حاجتك راحو سليقه وقت الرخاء سوولك المستحيلات=ولاحتجتهم مثل السراب وبريقه دار لزمان وشفت امورٍ كثيرات =كشف خفى قلب الشقيق وشقيقه عشنا وشفنا وأول العمر سجات=نأخذ ونعطي والمنايا مويقه خذنا تجارب والتجارب مفيدات=نساير الدنيا على اسهل طريقه التجربه برهان عن كل شكات=تضهر مدى اخلاص الصديق لصديقه طول المدى يضهر خفايا الاصيلات=والحر تعرف هدته وتحليقه ماكل رجالٍ يحل الصعيبات=ولا كل من يبرك لحملٍ يطيقه ابعد عن الخايب ترى العمر هقوات=الحر حر وكل عالي يويقه مايلدغ المؤمن من الجحر مرّات=هذا مثل لاهل الاصول العريقه بعدك عن اللي مايشرفك بالذات=حفظٍ لمقدارك مابين الخليقه لايكتشف سدك عذولٍ وشمات=خله تنشف سود الايام ريقه عليك بأهل الطيب وأهل المروات=عزك ليا صابك من الوقت ضيقه ذخرك ليا صكك من الوقت صكات=ربعٍ يديهم بالمواقف طليقه أشفق على الطيب ولطيب لذات=في حزته مثل العسل من رحيقه الفرق واضح بين الاحياء والاموات=الحر يفهم والعليقه عليقه ولا دايم الدنيا غناه ومسرات=تدور بين الثانيه والدقيقه ومن لا إنتبه ماله على الناس شرهات=ماأحدٍ حسب له لو يولع حريقه |
إلى متى؟ وأنـت تجرحنـي وتجفانـي!=اشكـي عليـك الجـروح ولاتعالجـنـي إلى متى؟أخفي جـروح القلـب واعانـي=إلـى متى؟بالجفـا والصـد مزعجـنـي ماهـو بمعقـول تجرحنـي وتنسـانـي=ولا هـو بمنطـق تصـد ولا تهرجنـي لازم تغير مـن إسلوبـك علـى شانـي=تـرى طريقتـك هـاذي ماتخارجـنـي أشكيلك الحـال وأشـرح ربـع ماجانـي=وأثرك في حبك تحـاول علـى سجنـي الحـب بلـوى وأنـا حبـك تبـلانـي=ولا أدري متى يعطف الجاني على المجني أخلصت لـك بالهـوى ياسيـد خلانـي=والله ماتلحـق جزايـه لـو تحججـنـي شف لي طريقـه يكفـي منـك ماجانـي=القلـب مجـروح والسهـر متولجـنـي قـدام بكـره تجـي مـاعـاد تلقـانـي=بالله يازيـن شـف حـلٍ يخارجـنـي |
رفيقٍ مايقف وقت الشدايد رفقته تنعاف=غني(ن) عنه في وقت السعه ماأنته رفيقٍ له رفيقك من يقاسمك الهموم ويحتمي الميقاف=ترى كلش طراته مثل ماقالوا على حله رفيقك بالسعه ينكرك لاجاْت السنين عجاف=ليا منه وطاك الوقت صد وقالك خله تعلمنا من أحداث التجارب قيمة الانصاف=عرفنا اللي يعقد الحبل واللي يقدر يحله أخذنا بالحياه دروس والمبصر بعينه شاف=أحد يدمح خطأ ربعه وأحد يبحث ورى الزله وأحد يطلع من ذراعه وأحد يطلع من الاكتاف=وأحد ضايع برايه وأد رايه للسنع دله صحيح إن المواقف فارقه وإن الرجال أصناف=تشوف إخوان كلٍ له سلوب وطبع وجبله حقايق والحقايق واضحه ماتجهل العراف=لبيب العقل يفهم مقصده قدام ياصل له كتبنا وإختصرنا الهرج تركيزاً على الأهداف=ليا طال الكلام..المستمع لو جامله مله |
الله انه يقطع الرجـل جحـاد الجميـل=لو عطيته كل طيبك ليا احتجتـه جحـد والله ان مايجحد الطيبه رجـال اصيـل=اي رجلٍ يجحد الطيب عني ماش احـد مشكله لاضاع طيبـك بجحـادٍ بخيـل=لاشبع من طيبك السبت ينساك الاحـد ننخدع باهل المظاهر قليلين الحصيـل=والردي ستره عن العيب بالدنيا اللحـد ماورى سودالليالي مـراح ولا مقيـل=وان تحداك اسود الوقت بظروفه تحـد عد نفسك بالمواقف كما السيف الصقيل=حد سيـفٍ بالمهمـات مايبغـى محـد |
يالله يالـلـي تعـلـم الـســر والـغـيـب=ياخـالـقٍ خلـقـه ومحـصـي عـددهــا تفـرج لمـن يونـس بكبـده لواهيـب=لاأنــزاح هــمٍ جـالـه أمـــر وأدهـــا سوت به سحـوت الليالـي تجاريـب=لاخلصـت هــاذي لـلاخـرى بعـدهـا الوقت غثرب لـه جميـع المشاريـب=مافـيـه نـكـبـه صـابـتـه ماقـصـدهـا يقنب من ضروفه كما يقنـب الذيـب=ومــن السـهـر كــم ليـلـةٍ مارقـدهـا الوقت جرحه جـرح بيـن المحاديـب=الله يـاكــم مــــن رجــــالٍ لـهـدهــا يالله دخيلـك مــن حـيـاة العواقـيـب=ومـن نكبـة الدنيـا وعيـشـة نكـدهـا الصبـر مـر وطولـه الهـم والشـيـب=والـروح تاليـهـا السـكـون بلحـدهـا واللي جداه يويـق روس المراقيـب=يـصـبـر لادور حـاجـتـه مـاوجـدهـا ويطلب من المعبود معطي المطاليب=يجلـي عنـاء روحـه ويـأخـذ بيـدهـا سبحانـه اللـي يعلـم السـر والغـيـب=هو منتهى الشكـوى وهـو معتمدهـا |
يابو عيونٍ هدبها سود ووساعي=تكفى تجمل تراني رايحٍ فيها بعض الحركات والله مالها الداعي=اللي عليه وأنا أحبك تسويها أعرف سلوب اللكاعه والتلكاعي=لكن أجامل على شأنك وامشيها أشعلت نار المحبه بين الاضلاعي=وتركتها عمد ماودك تطفيها وأقفيت عني وأنا محتار بأوضاعي=ماغير اكيل الروابع وش تواليها ياأهل ترى يشبع اللي بالهوى جاعي=ولا مع الجوع يهلك في مضاميها سلهامتك بالعيون تنقض أوجاعي=سود النواعس تضيع من يراعيها ارحم تراني من الحرمان ملتاعي=ياكبر لوعة غرامك بس اخفيها تنام وأنا الفجر يذن وأنا واعي=ارجيك يامسبب جروحي تداويها افرك كفوف الندم واطقق أصباعي=عل وعسى ميت الامآل تحييها صبري قضى والعمر من سبتك ضاعي=إلى متى وأنت روحي معك مشقيها اما تجمل معي يازين الاطباعي=ولا إترك الروح فيها مامكفيها مافيه داعي تعذبني بلا داعي=تأخذ من الروح وأنته ماأنت معطيها |
تبكي فلسطين الجريحة عربها=مليار مسلم تقل ماهم بمليار رهينتن تندب ولااحدٍ ندبها=دم العرب بارد وهي دمها حار ناسٍ تفكر في سلامة رتبها=ما فكرت بالخزي والذل والعار تبكي صلاح الدين مطلق نشبها=اللي بذل من شانها غال الاعمار نخوة مره حرر بلد من سببها=واليوم راح الثار من ياخذ الثار ولاخير في لحيه ماتحمى شنبها=مادام ماتفزع ليا صار ما صار ويبقى الامل بالله ثم اللي حسبها=عبدالله اللي بالمواقيف مغوار يقدر يخلص نكبة اللي نكبها=لانه يثمن قيمه الدين والجار |
إليا أذن المذن تعوذ من إبليس=لوحيت ذكر الله عليك إحترامه نزل ماوسط إيديك مابه مجاليس=ترى الكسل عن طاعة الله رخامه الله غني ولا عباده مفاليس=العبد ماربه بحاجة مقامه لاتغرك الدنيا وجمع القراطيس=وتطيح من ركضٍ وراها العمامه إحذر..!! ترى الدنيا مثل لقطة غليس=مامن وراها الا التعب والندامه العمر فرصه والمنايا متاريس=ولاتنفع الاعذار يوم القيامه دنيا متاع ولاعليها مقاييس=مادامت لخير العباد إستقامه محمد اللي أسس الدين تأسيس=أفضل صلاة الله عليه وسلامه |
هذه القيده رد ثناء فيالشخ حجاب بن نحيت على ماقام به هو وابناءه في دعم الشاعر بدر الظاهري اثناء مشاركته بشاعر المليون00
بيص الله وجه راع الطيب كساب الجمايل=والله انا لو نقول ونعم مانوفيه حقه فعله اكبر من تعابير الكلام وقول قايل=ينفرج همك لقال ابشر وصدر العز دقه كله حميا ولامنه وقف عزم وصمايل=ينفتح له باب فعل الطيب قبل انه يطقه الوفاء والطيب بعروقه سواة الدم سايل=دون فعل الطيب لو يحول ضلع طويق شقه حاز بفعول الوفاء والطيب جزلات الخصايل=الصعاب الكايدات تروح قدم حجاب رقه بالوفاء والطيب والمعروف تعرفه القبايل=ينقذ الارقاب وان سوا جميلٍ ماينقه في لزومه مرخصٍ ماله وقفاته دلايل=ياكريم الوجه بق حجاب راع الطيب بقه لن ابوناصرحليف الجود وامثاله قلايل=احفظه يارب ذخر وكل شرٍ عنه تقه من صناديد النحيت اللي بفعل الطيب اوايل=روس قومٍ ماعليهم مستحيل ولا مشقه من سلايل لابةٍ لاولعت روس الفتايل=العمي يبصر فعايلهم وتسمعه المصقه حرب حرابة دول بافعالهم تضرب مثايل=الوفاء والطيب من خلقوا نواظرهم تحقه طول الله عمر ابو ناصر على فعل الجزايل=الثناء والمدح رمزٍ لابوناصر يستحقه كنه بفعل الكرم والطيب حاتم طي حايل=يتعب لوصل الكرم لامن بعض الناس عقه صارهو وابناه رمزٍ للكرم والشك زايل=من قراء تاريخهم بالطيب وفعوله تفقه قلته بليا قصور بشوخ حرب وبالحمايل=مير عد النور حق وكل رجل اعطيه حقه |
يـا رفيقـي لا تضـايـق وتتعـبـك الهـمـوم=مـن رفيـقٍ يـوم جيتـه لحاجتـك جـحـدك اعتبرني في يدك سيف في وقت اللـزوم=مــا علـيـك إلا تسـلـه وتبـشـر بـسـعـدك الوفاء من طبعنا والـردى طبـع الرخـوم=الردي نقصٍ على الأرض لو كان ولدك الزمـن دوار والنـاس معطـى ومـحـروم=هـكـذا الأيــام والـنــاس قـبـلـك وبـعــدك يــا بـنـادم لا تضـيـع العـوايـد والسـلـوم=فكـر بعقـلـك مــدام أن كـلـش فــي يــدك لا تواعد بالوفاء وأنت ما عنـدك عـزوم=والله انه عيب لا أوعدت واخلفت وعدك الفخـر بالطيـب والعلـم فـي سـده عـلـوم=والردى يفضحك بالناس وتعيش وحـدك اتـرك اللـي لا نصـوه النشامـا مـا يـقـوم=اشهـد انـك مسنـدي مثـل مـانـي بسـنـدك لا أنهكتك ظروف الأيام في قتل الحلـوم=لا يهمـك لـوم لايـم وكـره مــن حـسـدك اعتبرني في يدك سيف في وقت اللـزوم=مــا علـيـك إلا تسـلـه وتبـشـر بـسـعـدك |
ياصباح الخيريسعدك ربي من صباح =الصباح الي تصبح به الوجه الصبوح الصباح إليا ابتسمبك وفاح العطر فاح=الشفق يأخذ من خدودك الحمر الوضوح طلتك ياوردة العمر نشوه وإنشراح=أنتعش من عطرها كل ماقامت تفوح والله إنك لذة العمر بحدود المباح=يابعد مدات الايام بالكف الشحوح يستلذ بوصلك القلب ياطعم النجاح=واتجاهل فجوة البعد وألآم الجروح أشعل شموع الفرح لو حمام الورق ناح=أتغانم فر صة العمر والعاشق طموح يحتضنك بقلبي الشوق وأشعر برتياح=وأتضايق كل ماشفتك تحاول تروح فكر بمستقبل أيامنا اللي راح راح =لاتضيعنا عن الجد لحظات المزوح التكاتف بين الاحباب أقوّ من السلاح=يرسم آمال المحبه ويبنيها صروح العمر لو طال محدود والدنيا كفاح=والزمن دوار واللي يبا الحاجه لحوح مالنا يازين بالبعد والفرقا صلاح=والله إني جسم وأنته بوسط الجسم روح |
اسعد الله صباحك وأسعد الله مساك=كل ماأصبح صباح وكل ماأمسا مساء ياوليفِ ملكت القلب والقلب جاك=عايشٍ في رجا وصلك لعل وعساء والله إنك بزينك فارقن عن سواك=تشبه الحور في زينك ماتشبه نساء الله اللي على غيرك رفع مستواك=والله اللي زرع فيني غلاك ورساء بين سود العيون وبين حمرة شفاك=اتقلب على الجنبين هم وأساء ضمني في حنانك جعل عمري فداك=بين فنجال من كيفك وتمرةحساء اسقني يابعد عمري ذبحني ضماك=لاتذكرتني ماهمني من نسى تدري إني جريح ولالي ألا دواك=عالج جروح حبك يوم وقتي قساء جل من صورك بالزين وأكما حلاك=من يعذرب بزينك يالحبيب يخسى |
الساعة الآن 03:37 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir