ملتقى قبيلة حرب الرسمي - الليل ياذيب العاقر

ملتقى قبيلة حرب الرسمي (http://www.m-harb.net/vb/index.php)

- مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)

- - الليل ياذيب العاقر (http://www.m-harb.net/vb/showthread.php?t=47649)

سليم الجابري

29-06-09 01:23 AM

الليل ياذيب العاقر

بعد التحيه ياالربع أسمحوا لي بمحاورة مع ذئب العاقر اللذي نسمع
به ولم نقابله بعد ونريد مقابلته بهذه المحاوره ارجوا ان تنال اعجابكم ودمتم

سلام ردية مني تقص العظام = بعض الرياجيل يتعب مايجي حولها
ياذئب ياذئب ياللي لك ثلاثين عام = وانته تحوف العرب وتخاف من جولها

ذيب العاقر

29-06-09 01:33 AM

هلابك ياسليم والساعه المباركه وعسى ماتسمعه خير يالقرم

يامرحبا والسلام اللي كذيا حرام =ياقو تسليمة الشاعر وياطولها
وانكان تبغا الذيابه يارفيع المقام = تلقونها بالجبال اليا وصلتولها

ورقان

29-06-09 01:33 AM

اقتباس:

المشاركة الأصلية كتبت بواسطة سليم الجابري (المشاركة 525505)

بعد التحيه ياالربع أسمحوا لي بمحاورة مع ذئب العاقر اللذي نسمع
به ولم نقابله بعد ونريد مقابلته بهذه المحاوره ارجوا ان تنال اعجابكم ودمتم
سلام ردية مني تقص العضام === بعض الرياجيل يتعب مايجي حولها
ياذئب ياذئب ياللي لك ثلاثين عام === وانته تحوف العرب وتخاف من جولها

حياك الله اخوي سليم الجابري
وصح لسانك طاروق رائع وجزل من جزل

وصح لسان ذيب العقار

محمد سعد اليوبي

29-06-09 01:37 AM

سليم الجابري × ذيب العاقر
،
على القوة
،
الله يصح الألسن ويبيض الوجيه

سليم الجابري

29-06-09 01:51 AM

النور ياصاحبي ماهو سوات الظلام = واحسب على كلمتي لاصرت ماطولها
ياذئب فرعك صقر في عالي الرجم حام = وانته بممشاك جوف الارض وسهولها

ذيب العاقر

29-06-09 02:09 AM

انكان تبغى العلوم اللي عليها الكلام = الكلمه اللي تناسبكم تحرولها
ياطير فتح عيونك وانتبه لاتنام =النومه اللي عليك يبين مفعولها

سليم الجابري

29-06-09 02:29 AM

وشلون أحمل على حرٍ بليا سنام = لابارك الله في زمل ترمي حمولها
النوم ماهو بطبعي والفشق بالحزام = والحرب بيني وبينك دقت طبولها

:eek:

ذيب العاقر

29-06-09 02:55 AM

عسى جمل مايوصل حملته للهيام =وجمالكم بان ثقل الحمل برجولها
لو راح ضنك بعيد في ذمتي ماتلام = والكلمه اللي تضرك مقدر اقولها

مضحي بن جمران

29-06-09 03:16 AM

صحت السنتكم وبيض الله وجيهكم ياشعرائنا
سليم الجابري وذيب العاقر لاهنتم على هالطاروق الكايف
سلمتم ودمتم واسجل اعجابي اللامحدود بكل ماخطيتم وكل الطرفين مبدعين

غازي الزغيبي

29-06-09 03:46 AM

سليم الجابري × ذيب العاقر

صحت الستكم جميع

فهد عواضه المخلفي

29-06-09 08:09 AM

سليم الجابري

وذيب العاقر

صح الله السنتكم

ابدعتم بيض الله وجيهكم

سليم الجابري

29-06-09 03:01 PM

تدعي وأنا أدعي وهذي ماعليها كلام = لكن كلمتك يمي وين مدلولها
كانـك تـحلـم تـرانا عابـريـن الـحلام = لكن قفل على خزنتك بقـفولها

الصييفي

29-06-09 07:45 PM

سليم الجابري vs ذيب العاقر
صحت السنتكم جميعا
الحمد لله على السلامه ياذيب و ين هالغيبات؟
تقبلوا تحيتي و مروري

ذيب العاقر

29-06-09 09:44 PM

تثبت عزوم النشاما في شديد الزحام = ووقت الملاقاء تبين الناس بفعولها
ولايبلش الناس بتلا الوقت غير الخمام =ياليت حرب الحريبه تربط خبولها

ذيب العاقر

29-06-09 09:49 PM

الاخ والشاعر العملاق غازي الزغيبي لاهنت وحياك ربي

شاعرنا الجزل والخلوق مضحي بن جمران بيض الله وجهك وتواجدك شرف

اخوي ابو الوليد ياهلابك ودايم راعي وفا وجودك اضاف للمحاوره تميز لاهنت ولعلك ماتفقد غالي وعس الله يسلمك

سليم الجابري

29-06-09 10:08 PM

المتر باليارده ولا الذهب بالجرام = والفرق بين الاوادم وزنة عقولها
بالله خل المشي حسب السنع والنظام = ترى الدروب الصعيبه مانته بحولها

ذيب العاقر

29-06-09 11:02 PM

ياللي نصيت اليمن جوك غشاه العسام = ليلتك ياشاعر العربان ياطولها
والله لطق الحديده لين افك اللحام =من شان بنتٍ تفهقلي بمجدولها

:eek::076::eek::076:(smok):eek::076::eek::076:

سليم الجابري

30-06-09 12:53 AM

والله مرتاح يوم الناس قبله وشام = تمشي على الجره اللي حام سملولها
ارتاح با لله حذرا لاتصحي النيام = وبنت الهوا لاتقرب لمسة حجولها

ذيب العاقر

30-06-09 01:06 AM

بعض السوالف توجه يمك الاتهام = وبعض المعاني قديمه حايلن حولها
ياشعيل ترغي وفي خشمه فتلت الخطام = لين العرب حملت من فوقك اعدولها

سليم الجابري

30-06-09 01:33 AM

وجهتها للصميم ووقعت في عدام = والثانيه ثابته ومسجلا قولها
شعيل يمشي ولاتهمه طيور الحمام =اللي تخطرف أمامه ينقطع زولها

تركي الشيخ

01-07-09 04:11 AM

صح لسانك ياسليم الجابري ويشهد الله يابوفيصل ووجودك معنا مكسب وانت شاعر كبير وصح لسانك ياذيب العاقر (ابوناهس) وشهادتي فيك مجروحه

استمعت بقراءه المحاوره بيت بيت

ذيب العاقر

05-07-09 05:20 AM

الشاعر الكبير تركي الشيخ هلابك وشرفتنا بتواجدك الكريم

وشهادتك محل اعتزازي

لكن والله ان ماكبك لكن خلني اتفضوالك هههههههه

تقبل تحياتي وتقديري لشخصك الكريم

رفيع المقام

06-07-09 06:31 AM

صح السنتكم جميعاً

وبيض الله وجيهكم

محاوره رائعه بروعة شعرائها وقوت ابياتها وتماسكها اسجل اعجابي بهذه المحاوره

لاهنتم ودمتم في رعاية الكريم

سفير المحبة

07-07-09 04:00 PM

اخي الشاعر سليم الجابري حياك

وصح لسانك وبيض الله وجهك

وايضا اخي الشاعر ذيب العقار

صح السانه وبيض الله وجه

تقبل تحياتي وتقديري

الساعة الآن 07:00 PM

Ads Management Version 3.0.1 by Saeed Al-Atwi