|
يامضحي البارحه ليلٍ سريته طويل
يامضحي البارحه ليلٍ سريته طويل=في حلةٍ من لفو شدوا معازيبها انته تراعي الجدي والا تراعي سهيل=تراء النجوم المطله مقرب مغيبها |
اقتباس:
ترا النجوم المطلة مقرب امغيبها ، الله .. الله ، تسلم ياورقان وأين مضحي |
ابشرك صاحبك مضحي مع كل ليل=يعتب على الطيبه مضحي ويحريبها دربي وادله وانا رجلٍ بصيرٍ دليل= تطلع تغيب النجوم ولا نهذريبها |
ياصاحبي مانعدك غير راعي جميل = والطيبة من كلامك باينٍ طيبها
لكن مدري علامك يوم شفت المخيل= خليت راع الحلال ورحت مع ذيبها |
اقتباس:
هلا وغلا بمحمد اليوبي شرفتني بتواجدك الله يسلمك ولا يهينك |
الله الله الله
ابداع بحضور المبدعين صح الله السنتكم والله يعطيكم العافيه |
اقتباس:
مراقبنا وشاعرنا حمود الجابري صح بدنك يالغالي والابداع يكتمل بحضورك يالغالي شاكر مرورك الله يعافيك ولا يهينك |
لاهنت مدام تدري صاحبك مايميل=مد النظر والمضره لاتجينيبها ياطيب الراس ماودي تحط وتشيل=خل الدروب ابرحيه لاجل نمشيبها |
ماتهون والعدل ياجب عند راع المكيل = وانته وكيل الامانه عند اصاحيبها
الحمل ياصاحبي لو بركوله شعيل = شيل الثقيلات مثل اشعيل ضاريبها |
صحت السنتكم
|
بيض الله وجهك يا بواحمد وصح لسانك
وترى الدعوا مزوح ليل يعلم الله اني بس حبيت امزح معك وفرصه العب معك واستفيد من شاعر مثلك والا انت وافي وصدرك يسع الجميع |
اقتباس:
شاعرنا العملاق مرورك شرف طال عمرك صح بدنك والله لايهينك |
كلٍ على قد محصوله كثير وقليل=كان اللحاء دسمة من فعل اشانيبها اشعيل مدام دمه في عروقه يسيل=شيلة ثقال الحمول شعيل راهيبها |
اقتباس:
ابد ياطويل العمر اخذ راحتك والصدور وساع والشك زائل والفائده دون شك متبادله لكن كما تعلم النظام الجديد لازم المحاوره اقل حاجه اربع ردود ومافوق ولهذا لازم تكمل المحاوره والا نعطيك كرت احمر انتبه يابو عبد العزيز وحاول تكملها والنهايه تكون عندي ومليون هلا وغلاء |
اقتباس:
حمود الجابري لاهنت صح بدنك سلمت ودمت يابن العم الكريم |
اقتباس:
|
ولا يهمك يامضحي وهذي تكملت النصاب والباقي عندك
الله لا يهينك مع خالص الشكر والتقدير
ياصاحبي بالملاقا مادحمنا النحيل = اللي عيونه بسد ارواق يغضيبها
انته من اصل الشجاعه مانت رجلٍ ذليل= لون بعض العلوم اقول مخطيبها |
الهرج من يقبله لاصار ماله ذبيل=وعجاجة الهرج تلقى من يهليبها انت وانا ماعترضنا عابرين السبيل=لكن بعض السوالف مانت داريبها |
صح لسانك ياشاعرنا الجزل ورقان اشكرك جزيل الشكر على هالطاروق الشيق والمتميز
واطلب السموحه منك والمعذره تراء المحاوره مثل لعب كورة القدم يحصل بها بعض الحركات اللي ماتخفاك لكن القلوب بيضاء يابو عبدالعزيز والشك زايل بيننا _ والي لقاء قادم باذن الله وتقبل مني صادق ودي وتقديري لشخصك العزيز الغالي عليه وعلى الجميع والله يحفظك ويرعاك |
ولسانك صحيح يابواحمد والقصور بعيد عنك وعن شرواك يالوافي
واسمحلي بهالرد وصل بعد ماقريت بيتك الاخير والخيار لك في الرد وتقبل عذري انا ايضا عن اي خطا او زلل وامتناني على مجاراتك الرائعة
الهرج ياصاحبي بيسد منه القليل = هذا مثل واسند الامثال لصحيبها
الدائره بيّنه ماهي كما المستطيل =يشوفها اللي علوم الناس قاريبها |
الله يعطيك العافيه
وبيض الله وجيهكم وصحت السنتكم |
صح بدنك يامراقبنا القدير حمود الجابري وجهك ابيض سلمت ودمت لاعدمناك
لاهنت يابو عبدالعزيز وافي طال عمرك واستلم سلمت
يامبهرٍ دلة المعنى قرنفل وهيل=ادرج فناجيلها كثرو شواريبها ان قلت مايخطي المخلوق ذا مستحيل=لولا الخطا الناس ماتنقل مشاعيبها |
صحت ألسنتكم ووبيض الله وجيهكم على الطاروق الرااااااااائع .
|
يامبهرٍ دلة المعنـى قرنفـل وهيـل=ادرج فناجيلهـا كثـرو شواريبهـا ان قلت مايخطي المخلوق ذا مستحيل=لولا الخطا الناس ماتنقل مشاعيبهـا [table1="width:95%;"] | [/table1]صح لسانك وصح لسان ورقان ابو الابيات هذي قمه بدون قصور في باقي محاورتكم |
اقتباس:
سعدنا بهذا المرور النير لشخصك العزيز لاعدمناك |
اقتباس:
وهذا من جزالة ذوقك يالوافي طال عمرك وشهادتك وسام فخر واعتزاز سلمت ودمت والله يحفظك ويرعاك |
حمود الجابري
الله يعافيك ويبارك فيك يالقرم وبيض الله وجهك على تواجدك المشرف ---------------------------- الحميدي المخلفي صح بدنك ووجهك ابيض وحضورك الاروع ----------------------- حمود الغيداني صح بدنك وبيض الله وجهك ويستاهل ابو احمد الاشادة |
الهرج ياصاحبي بيسد منه القليل=هذا مثل واسند الامثال لصحيبها صح لسانك يابو عبدالعزيز الدائره بيّنه ماهي كما المستطيل=يشوفها اللي علوم الناس قاريبها بيض الله وجهك مبطين ماسمعنا منك شي ***********************
يامبهرٍ دلة المعنـى قرنفـل وهيـل=ادرج فناجيلهـا كثـرو شواريبهـا ان قلت مايخطي المخلوق ذا مستحيل=لولا الخطا الناس ماتنقل مشاعيبهـا الله الله يالبناخي هو ينقال صح لسانك والا بيض الله وجهك والا يعطيك العافيه بس تدري جزاله من جزل |
اقتباس:
شاعرنا العذب حسين المعمري مرورك بحد ذاته شرف الله محييك وصح بدنك ووجهك ابيض يالذيب وانت اللي فاقدينك من مدة ولاسمعنا منك شئ وننتظر ابداعك |
اخي الشاعر ورقان حياك صح لسانك وبيض الله وجهك وايضا اخي راعي الجزلات ابواحمد صح السانه وبيض الله وجه تقبل تحياتي وتقديري |
على العموم ماقصرتم
|
الساعة الآن 09:30 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir