|
الصييفي أقررررررب لا هنت ..!!
أبو الوليد إن سمح وقتك :0555:
..
ياليل ياليل السعاده عقب حثينا المسير=لديار حرب أهل الوفا وأهل المقام المعتلي سلام يشمل من حضر ويخص للقدر الكبير="والقدر قدرك يالصييفي يالزميل الأولي" |
تسلم يا عروان وننتظر الشاعر الصيفي وقواكم الله جميع
|
اقتباس:
مرحبا بعروان قطير "ثهلان" لي الشرف باللعب معك استلم لا هنت:
يا مرحبا بك يوم جيت بدار من يغلي القصير= عداد ما سالت شعاب و صابها عقبه وَلي كان انت عرفي فا الله يحييك يا راع البعير= و كان انت غيره مرحبا بك و العشا عندي طِلي |
اقتباس:
مرحبا بك يبو مشاري الله يقويك مرورك اسعدني |
صح الله السنتك ياشعااااااااااار
|
أررررررحب مليون يابو الوليد والشرف لي طال عمرك .. استرح :0726: استعد .. واستلممم :0555:
..
دام البقا من هاجس اللي ما وردهاا بالقصير=واعلم ترى صدري على شوفك يفيض ويمتلي الموج يصفق والبحر يا صاحبي جاله هدير=واللي يميز منزله ما هووو بجاهل منزلي |
لكل من شرف بالمرور صحت الأبدان ولا خلا ولا عدم :0555:
|
اقتباس:
مرحبا بك يا فهد عواضه المخلفي صح بدنك لك تحيتي |
أبو الوليد ودناا في المباشر .. إن شاء الله الساعه 11 راح أكون متواجد
|
اقتباس:
يا هلا بك يا عروان استلم لا هنت:
عارفك يا عروان شاعر في ملاقاتك خطير= و شرحك،.. شعوري يوم اشوفك كل عتمه تنجلي هذي سواة البحر،.. لكن المحيط أخطر كثير= و كلّ(ن) بوقت العاصفه فيه الخطر يستفحلي |
اقتباس:
أبرك ساعه يا عروان لكن أنا داخل من جهاز نسيبي بالدمام و لن أكون في البيت الا بعد الحادية عشرة و النصف ما عندي مانع نسهر حتى الثانية صباحا ان كانك مستعد الليلة سأراك في حدود منتصف الليل ان شاء الله |
صح الله السنتك ياشعااااااااااار
|
عروان صح لسانك
طاروق رائع وهلا ومرحبا بك الصييفي صح لسانك وبيض الله وجهك |
هدهد سليمان وصل بس أزرى يطير بالجواب ..!!
استلمم :0555: ,,
السالفه من بينناا في وصفها سلك الحرير=كب المحيط امع البحر هيد وتسمع ما يلي ..! الشيخ شفته يالصييفي لا بصير ولا ضرير=مهدود حيله .. والسبايب مثلكم ما يجهلي |
صح بدنك يا ورقان ولا خلا والله ولا عدم
|
عروان والصييفي عساكم على القوة متاااااابعين |
اقتباس:
حياك الله يا عقيد الخيل صح بدنك و شكرا لك على الحضور |
اقتباس:
أرررحب يا ورقان صح بدنك و حضورك أروع لا هنت |
هلا والله ومرحباا يالفريدي .. :0555:
|
اقتباس:
أرحب يا عروان آسف على التأخير. الطريق عجاج و المرور ما خلانا نمشي اصبر على الهدهد شوي و يودي الخبر هههه استلم لا هنت:
الله يستر ما نبي مكوك "سنجرنا" يشير= و انا أذان(ن) صاغيه، هات العلوم و عجِّلي اصبر عليه ايام حتى يستفيق من السرير= و يعجبك في سيره، و انا ابغى العلم أوّل باوّلي |
مشاء الله شعار مبدعين
استمتعة هنا |
استلم يابو الوليد ولا أبطا من جاءء ..
,,
امن العقوق الشيخ عانه تالي الهجره كسير=يمشي ويسحب رجله اليمنى وضرسه يرقلي يا خوك أنا محتار فالايام والوقت الاخير=كلٍ يروم المرجله حتى الغشيم الأعزلي |
مرحباا يا فواز مرورك هو الابداع الحقيقي .. :0555:
|
اقتباس:
حياك يا فواز العمري سلم لي على تركي الشيخ شكرا على تشريفك |
اقتباس:
حياك يا عروان و الله ضيعت روابعي هههه استلم لا هنت:
لا و الله الا ما انت عرفي انت في شعرك قدير= الظاهر انك عشق ليلى من جبال الحوملي توِّك تبي تشوف في الايام شر(ن) مستطير= المرجلة صارت تباع ببورصة جبل علي |
هههههه
الله يقطع سوالفك .. حلوه بورصة جبل علي .. صبرك دقايق يالمجرم .. :0555: |
دوك .. دوك .. :0555:
..
ما دام عز السيف فالميقاف من عز الجفير=تبغا الصراحه يالصييفي لا علاك ولا علي انظر بعينك فالجبال اللي مشاهدها يثير=اجبال لكن لو تمعن كلبوهاا من "جلي" ..!! |
اقتباس:
دوك ما هي غريبه علي هذي محليه جداً هههههه حسبي الله على الظالم:
جلعنك ما ني حولها يا صاحب السيف الشطير= معاد به الا تشيل المطرقه و المنجلي عجل علي بالرد لا كمّلت مطلوب المدير= ابنتظر رسالتك، بالله عجِّل و ارسلي |
ههههه .. ايه خابرك تبخصهاا زين :0555:
استلم ..
لا والله ألا حولها يا راعي الجم الغزير=يا عدنا اللي ما ينقص جمته ميح الدلي أبشر بعزك مار أنا ماني مدور لي شوير=هات الرقوم العشر واخذ العلم بالكف الملي |
اقتباس:
علومك زينه و بكره يجيك طلبك استلم لا عدمتك:
الليل روح و العرب صارت لها حولي شخير= وبكرة صلاة العيد للمسلم عساها تِقْبَلي بكره نجمع أحرف اللعبه و نعرف وش يصير= و ان كان ما جبنا خبرك اصبحت ذاك الباهلي تصبح على خير! |
هلا وغلا يا بو الوليد .. وتقبل تحياتي
|
صحت السنتكم
ولاهنتم ويالصييفي سلامك وصل سلمك الله |
صحت السنتكم
شاعر ياعروان ولا يهون اخونا الصييفي |
ابداع من عمالقه ماشاءالله الف شكر لكم جميع
|
اقتباس:
الله يحييك يا عروان و استبيحك العذر على التغيير في عجز بيتي الأول من ردي السابق يوم قريته الصبح شفت فيه مطَيب ههههه جمعة مباركة للجميع تحيتي و تقديري |
اقتباس:
صح بدنك يا تركي الله لا يهينك ولا يهين اللي وصَّله مرورك يسعدني دائما |
اقتباس:
لا هنت يا ذيب العاقر و عروان يستاهل تزكيتك تحيتي لك |
اقتباس:
ابو مشاري مشكور على متابعتك و هذا بعض ما عندك يالغالي تحيتي و تقديري لك |
شكرا لك يا عروان وشرفتني باللعب معك ودنا انك بقيت معنا في هذا الملتقى العامر بأهله مدة أكثر لكن ما كتبه الله اشكرك على المكالمه و تشرفت بمعرفتك تقبل تحيتي و تقديري |
اقتباس:
والف اهلا وسهلا في ملتقاك اللي شرفته بهذه الزياره الكريمه وعلى الرحب والسعه وحياك الله وابقاك |
الساعة الآن 03:48 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir