مالك ومال النكد مالك =لأن مالك منه مصلوح
الله يخليك لعيالك = ونشم عطر المعاني يفوح

سعد الزويهري=
مالك ومال النكد مالك =لأن مالك منه مصلوح
الله يخليك لعيالك = ونشم عطر المعاني يفوح
فواز الزويهري =
ماقول تقصر معي حبالك =لكن عنك نصد الشوح
موقفك هذا ما يعنالك =لكن أقلك تعال أو روح
سعد الزويهري=
من طيبك الطيب يبقالك =لكن ياستاد ليًــه بوح
ياليتها آمالنا آمالك =وإن قلتلك لا تهد صروح
فواز الزويهري =
أشوف صفي ما يصفالك =وأنا أعدك عديل الروح
بنيت صرحي على اطلالك = لا تقول عارف سفينة نوح
وأنكسر اللحن =

سهمين فالود صابتني = وتنينهم كلهم أخيار
بلوى عليـًه تبلوتني=وأحترت من فالثنين أختار

حروف غالي تعنتني =والقلب فالمسألة محتار
يفوز منهُ سبق متني = الأول اللي له المقدار

فواز الزويهري =
سلام ياطيب السيره =والعاج دوبه لنا قد زان
نبغى العسل ما نبا الشيره=والحرف بالحرف له ميزان
سعد الزويهري =
يامرحبا ياهل الخيره =عداد ما تمطر الأمزان
فالك حلا ما نبا غيره =من حرف عده جلا الأحزان
فواز الزويهري=
نبغى لنا منك تأشيره = لجلك مع أهل الهوى ربان
لي قلب طالت مشاويره =يبحث عن التين والرمان
سعد الزويهري=
حسب الطلب لك تبشيره = لا صرت ما تجهل العربان
والقد أحذر مناشيره=تخلف هقاويك يافنان
فواز الزويهري =
الله يبشرك من خيره=دارس نسبهم مع القرآن
القد وينه من أيْ ديره !=كيف أحذر اللي بعد ما كان ؟!
سعد الزويهري =
يعيننا الله بتدبيره=يافاهمين الجهل عنوان
الرسم رسمك بتصويره =لك بندر الشام يالسلطان
وأنكسر اللحن =

بعض المواقف تجي وتروح = لكن تأثيرها باقي
والقلب من بعضها مجروح = يحتاج لمسه من الراقي