يامرحبا ترحيبت(ن تفتح لها تسعين باب = الله يعيد الليله اللي راجحن ميزانها
الله يعيذ من الليال مشيبة راس الغراب= وانا ولد من ثبت البنيه على سياسانها
العياضي =
دام البقاء ياللي ترحب عن عزيزن الجناب= اقولها بأسم الرجال اللي طوال ايمانها
الله يعيذ من الليال مشيبه راس الشباب= وانا ولد من قوم البنيه على عمدانها
القصيري=
لاتحسبنك يابن ادم ماورى عمرك حساب= ياللي تقود الطايره لاتختلف جنحانها
يقوللي عوج الرقاب وشرنا عوج الرقاب = وهذيك والله عانها وهذيك والله عانها
العياضي=
مخلوق من حفنة تراب ومرجعك حفنة تراب= مار الرعيه يالقصير عندها رعيانها
اللي يقف قدامنا يبشر بسوطن من عذاب=وام اليتاما يالقصير ما اسبعت ورعانها
القصيري=
اللي مضالك قالو انك مرتكي فوق السحاب=واليوم شوشبي مع اللي شوشت بأذانها
والله وانا ابن حرب ماتارد على ضوح السراب=والحيه ام اجنيب شالع نابها ولسانها
العياضي=
اللي مضى حنا تولينا على كل الركاب = لكن انت نارك يالقصير زادٍ دخانها
هل تعلم اني واقفن بالسيف مصقول النصاب = وان كبرت الدعوا تبا ترجع على عمانها
القصيري=
اللي مضى ود الكباب وهات للثاني كباب= وانا ترى من ربع نظره خافسٍ شيطانها
ياقرب شمسك لطلوع وقرب شمسك للغياب = وصفق الهوى ياصاحبي ماحركت ةرقانها
العياضي=
هاذي تراها شغلتك ياصاحبي سد الهضاب= والفرق يظهر لاحضرنا في وسط ميردانها
مصرف نما ياصاحبي قفل ولا فيه اكتتاب=مخيلتك ترعد ولكن مانزل ودانها
القصيري=
تكفون ياحرب الوفاء من شاف متعبت الركاب= اليوم ماغير المدينه تخترش سكانها