|
سلام والليلة ابركز علم ... للمتوجد
سلام والليلة الليلة ابركز علم = في ساحة الملعبة واحتلها كلها ابكتب اللي على بالي براس القلم = يوم المعاني تساوت دقها وجلها |
صح لسان ياورقان واسمح لنا بالرد
يا مرحبا بالمسلم والليالي تلم = حسنه وسيه وكل الناس تفطنلها قدام تركز علم لا تصير مثل الهلم= ترى الديار محكومه منت محتلها |
هلا بك اخوي رفيع المقام لسانك صحيح و مجاراتك تشرفني
دام البقا يالمرحب كان راسي سلم = لاتبّع السيه ابحسنات تشتلها النور يجلا شعاعه معتمات الظلم = حي الديار محكومه حي حامٍ لها |
اقتباس:
مايسمح لااحد لاهنت طاروق ناري وابشر بالصفوف وتستاهل ياجبل :076::076::076::076::076::076::076::076::076::076: :076::076::076::076::076::076::076::076::076::076: :076::076::076: (good)(good)(good)(good)(good) |
اقتباس:
صح بدنك يابو احمد لاهنت على حضورك المشرف الاحتلال ما يجي بالسموحه وحب خشوم مافيه الا بالقوه مار الله يعينا على رفيع المقام الليلة |
اقتباس:
والصفوف جاهزه يالرفيع على طول وتستاهل :076::076::076::076::076::076::076::076::076::076: :076::076::076::076::076::076::076::076::076::076: :076::076::076: (good)(good)(good)(good)(good) |
لو كل حلمٍ يحقق كان قلت احتلم = القافله لا تدحدربك وفرملها ان كان تبغى ولايه مدها واستلم = واما المدن كلها صاحبك والنلها اخي ورقان اعتذر بتأخر الرد لان رديت عليك وارسلت وانقطع الأتصال وماشبك ثاني الأ الان والبيوت الاولات نسيناهن ولكن الوعد بكره انا متواجد يمكن على طول مير لارديت اكتب تواجدك لاهنت |
اقتباس:
شكراً لك |
صحت السنتكم ولاهنتو واصلو وحنا صفوف
|
اقتباس:
مدري انته وليت الخرج وإلا الدلم= وإلا العلوم الكبيره صرت مدلها صح لسانك يا رفيع المقام وفعلا البارح انقطع الاتصال عن الملتقى كله الله اللي غناني عن غصون السلم =شهبا ولافيها فيّه رايعٍ ضلها وانا الليله متواجد بعد العشاء ان شاء الله |
ابو مشاري صح بدنك ولا تهون والصفوف تزهابك
|
اقتباس:
انا احمد الله علمت وان كان محدٍ علم = بان القلوب العليله حلها علها ترى ابن حوقل وبطوطه تحدا الالم= وانته عيونك على الفيّه وتاصلها عافاك المولى ياورقان وصح بدنك |
اقتباس:
|
الله اللي عليم ٍ قول ماهو ظلم =جعل القلوب الغليله ماتت بغلها وانت رجال فاهم فيه مثلك ملم = مانت فيها الوحيد اقول لك خلها |
صحت السنتكم
اخذتها حرف حرف وكلها ماشاء الله شعر كبار وانا متابع ومعجب بكم غاية الاعجاب |
اقتباس:
والله متابعتك شرف كبير لنا وشهادتك اعتزبها كل اعتزاز سلمت ودمت |
لو كل صدرٍ يفوح من القهر ينثلم= مير التحيات والايات تردعلها ياللي طبخت العشاء كان العشاء ما ولم= ام الأسد جاهزه والناس ترسلها |
اخي ابو مشاري صح بدنك ولاهنت يالغالي
الشاعر العملاق غازي الزغيبي صح بدنك ويشرفنا جميعاً مرورك وتعليق وانتم اساتذه ونستفيد من توجيهاتكم واراكم الله لا يهينك |
صحة السنة الشعار: ورقان، و رفيع المقام، متابعينكم . . . لا هنتوا |
لو الثياب الطويله قصها بالجلم = كان صارت على المقياس و اجملها السفره اللي امامك شيل منها ولم =وام الاسد ياوسيع العرف طبلها |
اقتباس:
الشاعر القدير الصييفي صح الله بدنك ولا تهون متابعتك تشرفنا طال عمر |
الشاعر القدير رفيع المقام
الله يبيض وجهك شرفني واسعدني اللعب مع شاعر بحجمك وكلي يقين انك شاعر معنى متمكن ومتميز وتستاهل وعن جداره معرف شاعر وان شاء الله الاخوان بالادارة مايقصرون و مشكورين |
ماكل راوي ليا عبر بزين الكلم= يكسب رضاء الناس والانفاس يعملها اسلوم بالباديه لكن يبقى سلم = ماجملك يالدله اللي صاحبي زلها |
اخي الصييفي صح بدنك ومتابعتك شرف لاهنت
اخي العزيز ورقان اشكرك جزيل الشكر على هذه الكلمات الطيبه وانا لو الابيات ماراقن لي واعجبني مارديت عليهن وبالنسبه لقب شاعر بالمعرف انا لايهمني ذالك ابد طال عمرك والبيت الاخير عندك الله لايهينك ان حبيت وانا استأذنك الان لموعد سابق مع احد الزملاء وانا تأخرت عليه لكن بيعذرني وتصبح على خير |
الله يبيض وجهك اخوي رفيع المقام وانت من اهل الخير
اعتذر جدا منك ومن الاخوه والله انقطع اتصالي وخير ختام بيوتك الجزله |
صحت السنتكم جميعا
انا سراحه متابعكم من البدايه وجالس اناقز واصفق لحالي 0هههههه0000 يعطيكم العافيه جميعا |
اقتباس:
البارق الوسمي صحت ابدانك والله يعطيك العافيه على التصفيق والمناقز ربي محييك كان لنا الشرف بتواجد ومتابعتك |
اقتباس:
ووجهك ابيض لاهنت ولاعليك مفهومه حنا كلنا عندنا اخطاء ملائيه كثيره لكن المعنى واضح وصححها الله لايهينك |
اخب البارق الوسمي
صح بدنك وشرفتنا بالمتابعه الله لايهينك |
الساعة الآن 04:02 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir