هذا سمي الملك لارتاح=احس في نشوة الراحه
فيصل لامنه بغاء المفتاح=اليوكن اعطوه مفتاحه
يفداه ريالٍ يمر وراح=القرم مايروح مرواحه
مارخصته في رحلتي سواح =لجنيف مع ناس سواحه
يرخص لعزيزنا بفراح=اللي فرحنا من افراحه
ولدمنا مانصير شحاح=لابارك الله بشحاحه
وعضدي عضيدي لامنه طاح=افداه لو طحت مطياحه
واصير درعه عن الارماح=كان العدو وجه ارماحه
والضيف له هبت الارياح=ونعز من هبت ارياحه
للكبش في واجبه ذباح=لاهل المواجيب ذباحه
لوحده الراعي المصلاح=جبناه في حد مصلاحه
ماهو رياء لاجل كسب امداح=كسابة السوق مداحه
من خاطرٍ دايم منساح=ونفس خفيفه ومنساحه
وترحيبنا نطعمه بمزاح=ماقطب حجاج مزاحه
وان عودت للنبط سباح=سلطان بحره وسباحه
ولا ارافق إلا رجال صحاح=الملتقا جزل بصحاحه
قولة نعم غاية الارباح=رصيد من زادت ارباحه
والمعرفه والعلوم سلاح=يعتز من صارت سلاحه
وصلاة ربي عدد مالاح=من بارق الوسم لواحه
على رسولٍ سعى بصلاح=ياطيب منهجه واصلاحه