|
ابو مشاري وسالم العرم موال ومحاوره
والله سلامات ياسالم علا الوالد**وعساه لابس ثياب العافيه وخالد
واوصيك بالصبر زين وخلك مجالد**واصبر وماصبرك الابالله العالي ياسالم اصبر علا ماتكره وماتحب** الله يفرح لك الوالد بفعل ولده ان كان تبغي نشب النار زيد الحطب** ويصير دخانها بالجو له اعمده |
صح اللساااانك
ووين سالم |
الله يسلمك وابشر والدي طيب= ويقول يبغى الجواز ابكر لا ثيب ان كان حولك تعال وخلك قريب = تراك غالي ولن ناسبتنا غالي
ابشرك يا وسيع المعرفه محتسب = وعرف مال الشبل إلا طريق اسده اخاف لا ولعت ما يقدرون اللهب = لو هل همالهم متخالطآ ببرده |
ياسالم اصبر علا ماتكره وماتحب=الله يفرح لك الوالد بفعل ولده ان كان تبغي نشب النار زيد الحطب=ويصير دخانها بالجو له اعمده ابشرك يا وسيع المعرفه محتسـب=وعرف مال الشبل إلا طريق اسده اخاف لا ولعت مـا يقـدرون اللهب=لـو هـل همالهـم متخالـطـآ بـبـرده
|
نشكرك يا ابو بندر ويشرفنا طال عمرك تواجدك معنا
|
صحت السنتكم جميعا
اخواني فيه ملاحضه متكرره من احد الاعضاء لحد الاعضاء ضاهره الرجو انه ماتكرر وهي تمييز الخصم على زميله وهذي ماهي صحيه اخوني انتم ابنا عمومه وبنا بلد واحد وكلكم شعرا وهدفكم واحد وتشجيع شخص معين بنجراف اعتقد انه يسبب له كراهيه بين زملاه بالمنتدى ورجو لاتواخذوني بهذا الرد يعلم الله علم انه حرصا على هدفنا ولاادعيبه استاذيه ولا اوامر |
فر حتني بالخبر يا طيب السيره** وابوك له عندنا عجوز وكبيره
حياكم الله تعال نروح للديره **واصبر وما صبرك الا بالله ا لعالي ان كان وافقت متي تعلنون الوجب ** ويالله عسي ابوك يقدر حمله اسدده والبارق اللي تخيله فوق روس العرب** يغرقك لاحول الماء من صدوق رعده |
الله يفرحك بالافراح يالغالي = وإلا عجوزك عساها ماله والي ماودك ابناخيلك يحتم التالي = واصبر وما صبرك إلا بالله العالي
الحمد لله تريحنا ولا الله كتب = وابوي في شبته حقق هواه بيده مايضيق صدري اليا مني لقيتك شنب = لكن حذرا تسوق شعيل طعني قده |
اتقول حربي ولاندري من اي الحروب**ماشفتك الا علا الشاشه قبيل الغروب
وين انت مالك ذكر لاسكرت الهبوب ** واصبر وما صبرك الا بالله العالي دارت عليك الرحي واليوم بتروح حب** ياقرد سالم لدورنا الرحي مقرده مدام راسي يذا الصاحب يشم المهب** الشاعر اللي يلف ايسار با عقده |
صحة السنتكم محاوره رائعه الله يعطيكم العافيه
|
والله مصيبه اليا صرت انت ما تدري = يابوك انا من هل الطاله بني عمري الظاهر انك من العجله تبا تسري = اصبر وما صبرك الا بالله الوالي
وشلون دارت رحاتك فوق سيفآ حدب = ياناس هذا الزبيدي جابها لزبده لو ما انت حربي وانا سالم لا قول تعقب= واني لوقعك قدم الناس بالمصيده |
ياسالم العرم ليش اليوم ترطن رطين**انشدك عنها ولاعلمتني من سنين
ذلحين بعد الزعل يادوب فخذك يبين ** اصبر وماصبرك الا بالله العالي ماقدمك الا السلاح اللي يحش الركب**وصاحبك يبغي خفي قلبك وذا مقصده قد قلتها مير مالك عندي الا يهب ** نسيت بعض الكلام ان العرب تنقده |
ياطيب القلب جاك العلم من ماضي = لكن ما فيه مشكل خلك رياضي وان كان عندك شكوك نروح للقاضي = اصبر وماصبرك الا بالله العالي
سلاحك اللي على راسك يجر السبب = بالله قدامنا لا عاد تتقلده لو جيتنا في ذهب ما تروح غير بذهب = لكن من لا يحل العقد ما يعقده |
الله الله الله
ماشاءالله شعار كبار وال عليكم ماعندكم غير قدح ههههههههههههه كنت افكر اجيب الماذووون لكن مالله كتب ههههههههه صح الله السنتكم وبيض الله وجيهكم تقبلوا اجمل التحايا ودمتم ودام ابداعكم |
نشكرك على مرورك الغالي
|
الظاهر انك رفيق بحلف ومحالف ** مهما ندربك منته راضي توالف
وجهتكم للسنع واشوفك تخالف ** واصبر وما صبر الا بالله العالي وارد عراوي نفحط به يالين انقلب** من يوم جاه الدريول بالجلد وجلده امزح يسالم لتبلشنا بكثر العتب** وانشد لمنهو عرفنا مير روح انشده |
نشكر جميع الزملا من مشرفين وشعار علا حضوره ومرورهم العطر والمشج لهذا الفن والابداع الفكري والمشاجره الشعريه من سالم العرم وزميله محاكيكم ودمتم بود
|
قراح يشهد عليك وبينك وبيني = يوم انت ببداية الليله تخليني يابوك مكفاك واحد ودك اثنيني =واصبر وما صبرك الا بالله العالي
وارد عراوي لقيته ينقص اربع علب = لابوه لابوه لابو واحد(ن) ورده اللي عوى ما نبح واللي نبح ما قنب = بس اعترف والكلام الصدق لا تجحده |
قراح انا برضاه للشعر قاضي**والا انت ياسالم تجيب المقاضي
وتشيل حملك وانت منته براضي** اصبر وماصبرك الا بالله العالي ياليت عودك عن الليله هذيك احتجب** ليته رقد لين بالمرقد دفي مرقده الراس مهما يجي ماقد عود ذنب **ضيعت لوصات عودك لين ضاع جهده |
بيض الله وجهك والمعذره اذا حصل تقصير وانا متنازل عن البيت اللي عندي ولكن لا اوصيك على قراح خلك عكسه يعني مع قطر
|
اقتباس:
|
الشاعر ابو مشاري
الشاعر سالم العرم صح الله السنتكم وبيض الله وجيهكم امتعتونا بهذا الطاروق الجميل |
اقتباس:
ماعليك زود يالقرم ولك تحياتي علا تشجيعك المميز لكافه الشعار دون تحيز ودمت بخير |
الله يذكرك بالخير يا سالم العرم والله ايامك كانت ممتازه
|
¨°o.O (ياسلام ياسلام على الابداع) O.o°¨
صحت السنتكم والله يـعـطـيـكم الـعـافيـــــــــــة بيض الله وجيهكم |
الساعة الآن 07:12 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
