الليله الموال مطلوب بالحيل = يبونه اللي يعشقون المواويل
والعشق ماهو عيب عند الرياجيل= يالله على بابك يافتاح الابواب

الليل يابن سنيد مدامك من المتواجدين = هات العلوم اللي طحاطيح الرجال تعدها
قالوا لي ان جبال حرب من الثلاثه لثنين = وانا تبا العلم الصحيح اوافق اللي عدها

المشاركة الأصلية كتبت بواسطة سالم العرم (المشاركة 442655) الله يحييكم واشكركم على تواجدكم وترى يالربع دورت من شعار المحاورة اللي اعرف في المتواجدين ولم اجد إلا عبد المحسن الجابري

أبشر بعزك يا وسيع العرف والعلم الثمين=لاجاتنا الجزلة تبي تأخذ جزيلٍ ردها
الكل منها يا وسيع المعرفه جنبه متين=حتى النجوم اللي تجيها من السماء ما تهدها

انته تعرف اني رجل دبلوماسي = حتى لو ان الوضع ماهو سياسي
واليا حضرت اكون باللعب اساسي = يالله على بابك يافتاح الابواب

لي فيك هقوة ياطويل العمر ماهي هقوتين = وانا ادري انك قدها وانا ادري اني قدها
الفرق واضح بين حاضرنا وهذيك السنين = ذيك الليال اللي مياسم حرب قدت خدها

الوقت الأول راح يا سالم وراحت رايتين=الله وأكبر يالسيوف اللي رهيفٍ حدها
يا كم ما عرّق جبين وكم ما دمّا جبين=وياكم ناسٍ يا وسيع العرف تُكسر يدها

لا تامن الجاهل اليا صرت عاقل = ان طب بالملعب يبا يجيب فاول
وان قلت ناول قال ماني مناول = يالله على بابك يافتاح الابواب

تدري وش اللي ضيع العربان تصفيق اليدين = كم شخص لو رددت له شيلة شعر ماردها
واليا نشدته قلت وش رايك تفلسف يا معين = يقول يازين القصيده ذي يلعن جدها

إن شات بالرجل الشماليه بتصدم باليمين=ويقول للكبتن تجي لابدها لابدها
ليته تريح في محلّه لايدان ولا يدين=ويترك بحورٍ ما عرف وش جزرها من مدّها