قالولي الشاكر ابوسامي وفي دنيا ودين=ويامرحبا باللي على الهقوه ولاهو دونها
الله حمانا بمعركة مؤته ونصرنا في حنين=وان حانت الساعه سواعدنا بعز امتوونها

المشاركة الأصلية كتبت بواسطة طامي (المشاركة 433897) قالولي الشاكر ابوسامي وفي دنيا ودين=ويامرحبا باللي على الهقوه ولاهو دونها الله حمانا بمعركة مؤته ونصرنا في حنين=وان حانت الساعه سواعدنا بعز امتوونها

اللي عطوك العلم ياطامي تراهم صادقين = عسى البقاء والناس نوفيها على قانونها
النصر عند الله يكتب للعباد المؤمنين = اقولها وتقولها واهل الوفاء يوحونها

الله يديمك يابوسامي وانت كفو الغانمين=وانا.ماصدق فالبروق الا..لاشفت امزونها
حال العرب ياصاحبي مدري تقل متحاسدين=وألا لهم عامين كلمة واحدة يقرونها

المشاركة الأصلية كتبت بواسطة طامي (المشاركة 436791) هلابك يابو سامي وماغاب من حضر استلم يالذيب الله يديمك يابوسامي وانت كفو الغانمين=وانا.ماصدق فالبروق الا..لاشفت امزونها حال العرب ياصاحبي مدري تقل متحاسدين=وألا لهم عامين كلمة واحدة يقرونها

تسلم ياطامي وانت عارف باليسار من اليمين = والبرق يبرق في المزون اللي يسرك لونها
ليت العرب ياصاحبي في وضعهم متكاتفين = كان العدود اللي رهيه بالروى يردونها

قدر الذهـب محفوظ مع قدر الرجال العارفين=وشقر العبي ماكل لبّاسينها يملونها
يبقى اكبر اسباب الفشل باخواننا المستعربين=نرفع دعانا ولاوصل حد السما يطشونها

المشاركة الأصلية كتبت بواسطة طامي (المشاركة 436991) اللـه اللـه أستـــلم . قدر الذهـب محفوظ مع قدر الرجال العارفين=وشقر العبي ماكل لبّاسينها يملونها يبقى اكبر اسباب الفشل باخواننا المستعربين=نرفع دعانا ولاوصل حد السما يطشونها

القدر عند الله مع تقواه وافطن يافطين = واهل المشالح ماتكالح لاجل نون عيونها
والمشكله في اباعر البدوان ضاعت بالبطين = من دونها حادي وبادي لاجل مايصلونها

هلابك يابو سامي والعذر والسموحة ياطيب الوجه
اسف اسف على التاخير الغير مقصود والله
بلشتلي مع مقرودً ومهاوي واربع ايام وهو يدوجبي
بهالبران كل ما قلتله نكسنا قال هذي اخرة الرفاقه
اخر شي تهاوشة انا واياه
بس تصالحنا عادي هو ولد عملي

استلم لاهنــت وختامها عندك يابو سامي

ان جات للتقوى لسبحانه عباداً خاضعين=وان جات لدنيا نميز زينها من شونها
مايسرج الرجّال خيله طامعً بالغافلين=وانته لاقمت بواجبك وقفاتنا تشوفونها