يامرحبا لو عليك ملاحظة من قبل = يالشاعر اللي تفك الباب ما تقفله
وان كان ماعلموك بسر جيب ودبل = الجيب ما طير اسعاره ياغير ادبله

شعيل ياعبيد حمال الثقل ما نعقل = لا تحط في بالك انك تقدر اتعقله
يالشاعر اللي تشرع وانت ما لك دخل = هذا جهل فيك كانك تحسبه مرجله

صدري شمالي وانا رجال ماني عجل = واللي بالي باذن ربي ياغير اصله
مدام كل الحلول معقدة غير حل = ماقدمت لحية الرجال تستاهله

في ساحة الحرب ما يضحك ياغير الخبل = اللي عسى الله يعوض خير منه اهله
تقولها وانت مابين الرضا والزعل = يمكن لو انطول المشوار ما تكمله