|
حسن الخلق
بسم الله ابدى وانتقي زين الاوراق = واكتب نصيحة في بيوت القصيدة من قلب يطمح للفضايل ومشتاق = يسعى الى العليا برغبة اكيدة ثمرة هجوسي جات من جو الاعماق = ومن حس نية سطرت فالجريدة الله علينا حط عهد وميثاق = والعبد محكوم تحت حكم سيده نال المكارم من بالاخلاق سباق = ماحصلوها اهل النفوس الشديدة المال ماينفعك لوكنت عملاق = في قصور فخمة والملابس جديدة مادامة الانسان للكبر عشاق = مايعتلي شانه ولا احد يريده والفقر ماهو عيب لوكنت مفتاق = لوكا ن وصلك الفقر للحديدة مقسم الارزاق من جاب الارزاق = احد غني واحد قليل رصيده الرابح اللي عامل الناس بارفاق = تراه ينعم بالحياة السعيدة الله يرفع من تحلى بالاخلاق = اهل العقول الراجحة والرشيدة اهل التكبر حطهم وسط محراق = واهل التواضع في حياة مجيدة والشمس لو غابت تعود للاشراق = وتبين اهل الخير واهل المكيدة باكر اذا مالتفت الساق بالساق = الرابحين اهل الخصال الحميدة والمرء لوطول معود للافراق = ولاجا نهار البعث يجني حصيده صلاة ربي عد مالاح براق = على رسول الله صفوة عبيده |
صح السانك قصيده جيده
|
صح السانك
قصيدة رائعه |
صح بدنك احي غازي حفظك الله
|
صح بدنك اخي فارس ماعليك زود
|
صح لسانك كلام رائع جدا |
صح لسانك وبيض الله وجهك
على هذا الابداع عزيزي حسين مريع العبيدي |
حياك الله ابوخليل صح بدنك
|
حييت يا أبو سامي ماعليك زود اشكرك والله يعافيك ويطول لياليك يالغالي
|
صح السانك وبيض الله وجهك علي هالشامخة لاهنت اخوي حسين الله يعطيك العافية
|
حياك الله اخوي جريح الفرقا شامخة بمرورك يالغالي ولا عليك زود حفظك الله
|
الله الله الله
الأخ حسين مريع العبيدي بيض الله وجهك وصح الله لسانك وبارك الله فيك ابداع رااائع من شاعر متمكن يعطيك العافيه واعتقد فيه خطاء املائي ماحصلوها اهل النفـةس الشديـدة اعتقد كذا تقصد ماحصلوها اهل النفـوس الشديـدة وتقبل اجمل التحايا ودمت بخير |
الاخ العزيز ابن خيرالله الردادي اهنيك على حسن اخلاقك وتعليقك على قصيدتي اعتبره وسام وجهك ابيض اخو ي حفظك الله يالغالي وملاحظتك في
محلها وقد نبهتني جزاك الله خير وعدلت الخطأ الاملائي اكرر شكري الجزيل |
صح لسانك ياحسين بن مريع العبيدي
بارك الله فيك |
حيك الله اخوي سعد صح بدنك يالغالي
|
|
صح بدنك يالغالي وجهك ابيض وشكر على المرور اخوي الحب الباقي
|
الساعة الآن 07:58 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
