|
نبي عــــلـــوم الأمــطـــــار يا أهل الملتقى
مساء الخير للجميع
مبروك عليكم هذه الامطار التي هطلت هذا اليوم الجمعة في معظم مناطق المملكة جعلها الله سقيا خير و رحمه و عم بنفعها أرجاء البلاد0 أخواني و اخواتي الأعزاء أنزلت هذا الموضوع نريد كل واحد منكم يفيدنا عن أخبار الأمطار في المنطقة أو االمحافظة او القرية التي يقيم بها بالنسبة لمحافظة الرس هطلت عليها أمطار غزيرة في هذه اللحظة و أشوف الشوارع تمشي و الارض كلها مياااااه . و نحمد الله و نشكره على هذه الاجواء الممطرة لموافق 24-25/10/1429هـ 0 يالله يالربع بانتظار اللي يدخل بعدي ؟؟؟؟ |
الله يجيب الخير
الافلاج ما حولها مطر لكن الزلفي جاها خير من رب العالمين بحكم أحد الزملاء من اهلها جاه الخبر عن طريق ربعه |
يعطيكم العافيه
ابشركم سدير والغاط والزلفي جاتها امطار وان شالله الاجواء مهيئه لهطول امطار الله كريم |
ماشاءالله
نسأل الله ان يغيث ديار المسلمين وبالنسبه للمدينه وضواحيها الله يرزقها وهنيكم بالرحمه تقبلوا اجمل التحايا ودمتم بخير |
هطلت أمطار على محافظة الرس بعد صلاة العشاء من هذا اليوم السبت الموافق
25/10/1429هـ .. و سالت على اثرها الشعااااااااااااب جعلها الله امطار خير و بركها و عم بنفعها ارجا البلاد |
السلام عليكم ورحمة الله وبركاته
مساء \صباح الخير لكل اعظاء المنتدى بالنسبه للامطار هطلت امطار يوم الجمعه الموافق 25\10\1429هـ على مدينة بريده وباتجاه الشرق الشمالي مرورا بالاسياح وخصيبه وقبه وسالت على اثره الاوديه والشعاب جعله الله امطار خير وبركه وعم بنفعه ارجاء البلاد اخــــــــــــــــــــــــــــــــــــــــــــــــ ـوكم سعدالفريدي |
ابشكرم الحفر جاها امطار
|
اقتباس:
الله يحضر البركه مشكور ياسعد وفيت و كفيت وين اهل الرياض ماذكروا لنا شئ .. و إلا مايعرفون وصف المطر ههههههههه |
:mad: وش قصدك حميدان .. اهل الرياض مايعرفون
بس اتصلت تو على أهلي بالرياض يقولون جاااهم بس انا متوواجده هالأيام بالقصييييييييييم وبصرااحه الاجواء لايُعلى عليهااا اجواء كشته وحركتات ... وخاصه حوول الرس .. جانا مطر تحياتي لكـ |
شكرا اخي العزيز حميدان العوفي
الله يغيث المسلمين وينزل البركه العلوم اللي عني قلتوها بريده الطرفيه النبقيه الرس القرين جاها خير من رب العلمين ولا تفوتك النبقيه الى الان الماء بشل كثير متواجد لاترى اخره |
جيتكم بأخبار المطر هذا اليوم الاحد 4/11/1429هـ
في محافظة الرس اصبحنا و السماء ملبدة بالغيوم و هطلت علينا أمطار خفيفة حوالي الساعة التاسعة صباحاً ... و اللي جانا من جنوب الرس يذكر أن من الدوادمي إلى الغيدانية جنوب دخنة سيييييييييييييييييل . و في مساء اليوم نفسه ةهطلت على الرس أمطار أرتوت على اثرها الارض .. و لازالت السماء ملبدة بالغيوووووم ... و عساء الله يحضر البركة0 هااااااه نبي علومك يالربع |
علومنا خيو اليوم عندنا غيوم وجو خيال وقبل العشاء رش شووووووي والله يجيب الخير,,,, |
اليوم الاحد الموافق 4\11\1429هـ
امطار على بريده وشرقاً بإتجاه الاسياح مروراً بـ عين ابن فهيد , خصيبه , اباالورود , قبه , الحفر, النعيريه كلها سيول ولله الحمد من الساعه 5 مساء الى بعد صلاة العشاء الله يحظر البركه ويتم له بالخير |
لاهنت يابو ناصر واخبار المطر دون شك مفرحه للجميع والله يغيث البلاد والعباد
من ناحية الخفجي فمنذو ليلة الاثنين الساعه الثانيه عشر ليل والي هذا الوقت ليلةالثلاثاء الساعه السادسه والنصف مساء والمطر ديم متواصل وصلينا الظهر والعصر جمع وكذلك المغرب والعشاء جمع ولايزال الماطر ديم مستمر وكذلك منطقه الحدود الشماليه من الخفجي الي مركز الرقعي ومن الخفجي غرب على المنطقه الصحراويه الدبدبه من ابرق الكبريت غرب الخفجي الي الصداوي قبل حفر الباطن بتسعين كيلو والمطر واحد وكذلك الصمان من قريه العليا على الرفيعه -مشله -اللهابه الي نفود ام رقيبه وشمال من ام رقيبه على مشذوبه ديرة الوسده من حرب وشمال الي ساموده والبشوك شمال وكذلك قاعدة الملك خالد غرب حفر الباطن عليها ديم من ليلة البارح الي هذا اليوم ويقول احد الاقارب انه يشاهد الباذر في فياض السدر في هذه المنطقه حيث سبق وجها المطر قبل اسبوع او اكثر من ذلك والله يتبع له بالخير النافع الشامل على كل المناطق وحسب مايقولون فالارصاد ان الامطار سوف تستمر الي الجمعه علي المنطقه الشماليه الشرقيه والله اعلم وتحيه للجميع والله يحفظكم ويرعاكم |
الساعة الآن 03:25 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir