|
غالين ياربعي ورد السلامي
سلام يادار السعد والمسلمين = يادر حرب أهل الشرف والمقامي غبنا ولو غبنا هل الدار غالين = غالين والحاضر يرد السلامي |
بارك الله فيك يا ورقان والله انك جزل وبيوتم تهيض مير اعذرني مشغول شوي
وان دخلت وما احد رد ازهلها |
عليكم السلام و رحمة الله و بركاته
ياهلا و يامرحبا بك يا ابو عبد العزيز و الله أنك غبت و اللي ينشدون عنك واجد يالبناخي صح لسانك و سلمت يمينك و أسأل الله أن يبلغنا و أياكم صيامه و قيامه |
وبارك الله فيك اخوي رفيع المقام
والجزالة في حضورك طال عمرك ومعذور وانا خوك والله يحييك وحييي من حضر |
اقتباس:
هلا والله وغلا ببو ناصر الله يسلمك ويبقيك يابن العم يا جعلك ماتفقد غالي يالغالي |
صح السانك ياورقان واستلم
يامرحبا بالصوم شهر ارمضاني = عداد من صامه طوال الزماني يا الله ترزقنا جزيل الحساني = وربي يبلغنا الشهر صوم وقيام
ياللي تسلم مرحبا فيك وهلين = انوب فيها كل حراً قطامي غبتم وجيتم ياعميلي عزيزين = واليوم عطنا حامضات العلامي |
صح لسانك يابو عبد العزيز وحياك الله والحمد لله على السلامه ولاتغيب الا تجيب يالذيب
اخوي العزيز ابو حرب صح لسانك وحياك الله ياغالي ومبروك عليكم مقدم هذا الشهر الكريم عساكم من صوامه وقيامه كل عام وسنين عديده ومديده ولاهنتم على هالمحاوره الجزله من الطرفين وتحياتي للجميع |
دام البقا بك يابو حرب وقل آمين = ياجعل ما فقد هالوجيه الحشامي غبنا وجينا دار حرب الميامين = معي السلام ومعي عذب الكلامي |
اقتباس:
صح بدنك اخوي الفاضل : مضحي بن جمران ومبروك علينا وعليكم هذا الشهر الفضيل وتقبل الله منا ومنكم صالح الاعمال |
اقتباس:
صح بدنك يالغالي والله يسلمك من كل شر وما عليك زود يالذيب والله يبارك فيك وكل عام وانتم بخير اسعدني هالمرور الكريم يابو احمد دمت بخير |
النوم ياللي تاخذ النوم عاده = مازود اللي يرقدونه زياده احرص بشهر الاخير والاستفاده = خسران من ضيع صلاته ولو صام
امين ياورقان عد الملايين = سامي ولا تفقد يالهوجه سامي اندورك بالدار من حول شهرين = لان الك قيمه عندنا واحترامي |
لوكان يابو حرب غبتوا عن العين = ما غبت عن قلبي ولو غبت عامي تسأل وانا أسأل والغلا بيننا بين = ما فرق الترحال ربعن كرامي |
رحمة ولي العرش ماهي قليله = والى البشر ياكثر عدله وميله وشال اللي الضلعان عجزت تشيله = الله يثبتنا على دين لاسلام
ماداومت للانبياء والسلاطين = دنيا الفناء ماهي بدنيا الدوامي مير اكثر العالم بهالوقت لاهين = مضيعين الدين والاحتشامي |
اخوي ورقان
استاذنك واستودعك الله ولي عوده ان شاء الله بالغد |
الموت حاصل لو بغيناه بعدين = وان مت ربي يرحمك ياعظامي وانكان باقي بالعمر لو يومين = الله يكتب توبتي فالختامي |
اقتباس:
في امان الله اخوي ابو حرب وسامحني اسهرتك صح لسانك وبيض الله وجهك وعلى الرحب والسعه وتصبح على خير |
|
محاوره جزله وقواكم الله وننتظر المزيد
|
ورقان
سلام يادار السعد والمسلمين = يادار حرب أهل الشرف والمقامي غبنا ولو غبنا هل الدار غالين = غالين والحاضر يرد السلامي |
ابـ حرب ــوصح السانك ياورقان
واستلم
ياللي تسلم مرحبا فيك وهلين = انوب فيها كل حراً قطامي غبتم وجيتم ياعميلي عزيزين = واليوم عطنا حامضات العلامي |
ورقان
دام البقا بك يابو حرب وقل آمين = ياجعل ما فقد هالوجيه الحشامي غبنا وجينا دار حرب الميامين = معي السلام ومعي عذب الكلامي |
ابـ حرب ــو
امين ياورقان عد الملايين = سامي ولا تفقد ياهالوجه سامي اندورك بالدار من حول شهرين = لان الك قيمه عندنا واحترامي |
ورقان
لوكان يابو حرب غبتوا عن العين = ما غبت عن قلبي ولو غبت عامي تسأل وانا أسأل والغلا بيننا بين = ما فرق الترحال ربعن كرامي |
ابـ حرب ــو
ماداومت للانبياء والسلاطين = دنيا الفناء ماهي بدنيا الدوامي مير اكثر العالم بهالوقت لاهين = مضيعين الدين والاحتشامي |
ورقان
الموت حاصل لو بغيناه بعدين = وان مت ربي يرحمك ياعظامي وانكان باقي بالعمر لو يومين = الله يكتب توبتي فالختامي |
الساعة الآن 04:14 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
