|
خلووووووها
السلام عليكم ورحمة الله وبركاته
يشرفني اللعب في هذا المنتدى الغالي
سلام من قلب مشتاق في ملتقى"للحروبي=فيه الأدب والثقافه والخيربأقبال بأقبال يامدورين"للأرزاق من شرق وألأجنوبي=مفتوح باب المضافه والخيربأقبال بأقبال |
اقتباس:
حياك يالبادي، اشوف الربع ما ردوا و الإجازات لها ظروفها يسعدني أن أجاريك إذا ما عندك مانع، استلم لا هنت:
يا مرحبا فوق الاوراق قدمك بكل الدروبي=مابه تعب أو كلافه و الخير باقبال باقبال الخير بيدين خلاق اللي يغفر الذنوبي= و الرزق محدن يعافه والخير باقبال باقبال |
الشاعر الكبير والأخ الغالي الصييفي
مرورك شرف ومجاراتك فخر لي وفرصه استفيد من استاذ بقامة الصييفي استلم لاهنت
قدامك بكل الأسواق خيرات من كل صوبي=هيا أستعد للخلافه والخير باقبال باقبال الباص مافيه سواق والحكم حكم اللعوبي=هذا خبر بالصحافه والخيرباقبال باقبال |
صح لسانك يالشاعر البادي جزل لاهنت وبدايه موفقه ان شاء الله توكل على الله شاعر ماعليك كلام والي الامام يالبادي وانا بصفك على طول ولايهون اخوي الشاعر المبدع الصييفي وانت الان تلعب امام شاعر متمكن وخبير وحتما سوف تستفيد كثيرا من هذه القامه الشعريه اللتي نكن لها كل الاحترام والاحتكاك بمثل الصييفي وشرواه من الشعراء مكسب لكل شاعر ولا اقول الا الله يوفقكم انت وزميلك شاعرنا المبدع الصييفي لكل جميله وجزله وتقبل ياعزيزي البادي مني صادق مودتي وتقديري
|
الشاعر
البادي صح لسانك على هالطاروق الراائع الصييفي مشكور و صح لسانك على الرد واصلوا وحنا معكم |
اقتباس:
مرحبا بك يالبادي مشكوور على قبولي و هذا من ذوقك استلم لا هنت:
عساك للطيب ملحاق و من ياصل اوّل ينوبي= الراس قد قيل آفه و الخير باقبال باقبال الناس رغبات و اذواق و يغلون خطو الرعوبي= ذا واقعى مش خرافه و الخير باقبال باقبال |
اقتباس:
مرحبا بك يا مضحي بن جمران مشكوور على الإطراء الذي لا أستحقه و هذا من طيب معدنك و الملتقى اللي رواده مثلك و شرواك ما عليه خلاف تقبل تحياتي و تقديري |
اقتباس:
يا هلا بك يا حميدان العوفي صح بدنك شرفتنا بمرورك لا هنت |
الكبير بأخلاقه وشعره الصييفي شكرا لك
استلم لاهنت ياستاذي
اثرك مازح وسراق صدوق مانت بكذوبي=لاترتضي بالوصافه والخيربأقبال بأقبال الأسماءببطون الأوراق ومشكل" لها لوبي=خمسه وفيهم لقافه والخيرباقبال بأقبال |
مضحي بن جمران الشاعر الكبير والاخ الغالي صح بدنك وبيض الله وجهك اشكر لك هذا الاطراء واتشرف بك وبكل الأخوان وصف انت فيه ماعليه خلاف حي مايموت دمت بود |
حميدان العوفي الله لايهينك
صح بدنك يالغالي ووجودك يشرفنا ودمت بود |
اقتباس:
مرحبا بك يالبادي هذا بعض ما عندك و انت ما شاء الله معلِّم استلم سلمت:
من خلقته ما بعد باق محاكيك ما هو هروبي= و لا يوم لَحْقِه حَسافه و الخير باقبال باقبال ما كل لمعه لبرّاق و لا كل حيد(ن) رسوبي= لَحَّول صارت جلافه! و الخير باقبال |
اخوي الغالي تسلم وليتني اجي عند حسن ظنك
واستلم ياستاذ
عارفك شاعروعملاق ولانت رجل"حضوبي=من اهل الذهب والصرافه والخيرباقبال باقبال ترى الفضاء مابعد ضاق والشرق عكس الغروبي=دربي مافيه انحرافه والخير باقبال باقبال ودمت بود |
اقتباس:
مرحبا بك يالبادي و انت ان شاء الله من ظني و احسن استلم لا عدمتك:
أشكرك من كل الاعماق و لاني سليم العيوبي= لكن هذا لطافه و الخير باقبال باقبال كان الفكر صافي و راق والكاش ملي الجيوبي= كلّ(ن) يعرف انصرافه و الخير باقبال باقبال |
صح السنتكم محاوره مروبوع قافها جيده وكثر من جيده
|
اقتباس:
اهلا و مسهلا بغازي الزغيبي صح بدنك يالعملاق شرفتنا بحضورك |
الأخ الغالي والشاعر الكبير الصييفي
صح لسانك ملايييييييين وبيض الله وجهك ولاقصرت تشرفت بمعرفتك واللعب معك واستفدت بلا شك منك ومن بقيةالأخوه تقبل تحياتي |
الشاعر الكبير والراوي القدير
العملاق غازي الزغيبي شهادة اعتز بها منك والشكر لك ولكل من رد اوشارك او مر على المشاركه وتقبلو تحياتي |
اقتباس:
الأخ الشاعر/ البادي صح بدنك و شرفني اللعب معك و الفائدة لا شك انها متبادلة و أكيد انت شاعر معتبر و حظي الطيب خلاني اتحاور معك في بداية تسجيلك في هذا الملتقى العامر شكرا لك، و الشكر موصول لكل من تفضل بالحضور هنا |
الشاعر
البادي صح لسانك على هالطاروق الراائع الصييفي مشكور و صح لسانك على الرد واصلوا وحنا معكم |
الاخوة الكرام
البادي الصييفي بيض الله وجوهكم على البدع والرد استمتعنا بهذا الطاروق لاهنتم دمتم بود وعافية |
اقتباس:
مرحبا بك يا ماجد بن تركي الحربي صح بدنك أشكرك |
اقتباس:
الله يبيض و جهك يالشاكر أبو سامي شرفتنا بمرورك دمت و دام حضورك |
تسلم
موضوعك رائع وشيق ولا هنت وصح السانك |
ماجد بن تركي الشاكر ابوسامي بنت فلان الف شكر لمروركم وبيض الله وجيهكم على التشجيع ودمتم بود |
الساعة الآن 01:55 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir