|
ليت ادري خطا والا صحيح اللي يقولونه
سلام الله سلام الله ونطلب رحمة الغفار= عسا علمٍ سمعنا ياعرب ما يصح مضمونه يقولون الجدي غايب وانا ماتابع الاخبار=وانا مدري خطا والا صحيح اللي يقولونه |
هلا والله هلا والله هلا بالشاعر البيطار = عساء رب الملاء يحفظ لنا ورقان ويصونه وعساء ربي يحفظ الكون ياورقان والاقمار = وهرج الناس واجد لو يبون الناس يوحونه |
يدوم الطيب يابو حرب ياحرن سليل احرار = عسا ربي يحفظك ياصدقن طاب مكنونه وهرج الناس واجد بس انا يافكري المحتار = عسا ربي يديم العز لاهل العز في كونه |
صح لسانك ياورقان وصح لسان ابو حرب وبيض الله وجيهكم لاهنتم واصلو والجميع متابع ومشتاق لما تخطون من الجزل ياهله
|
ترى اللي ينقلون الهرج لو العلم حجم ازرار = عليه الكذب كبر اطويق يالغالي يحطونه ولاكن قفل الجوال لاتسولف مع الدوار = طريقك زحمه او موترك لا تهمل درقسونه |
اقتباس:
|
ترى مافيه يابو حرب دخانن بليا نار = عسا ربك يهونها ويصير العلم ياهونه وانا ماسقته الموتر ولاخافي عليك اسرار = انا عندي طقم باصات وارجالن يسوقونه |
اقتباس:
صح بدنك وبيض الله وجهك على متابعتك يالغالي ولنا الشرف في تواجدك وتواجد شرواك من الطيبين |
انا واياك الو يخير الانسان وش يختار = وقف واحد ورا الضلع الطويل اوحداً دونه على ساقة سلفنا اللي بسيف ورمح فوق امهار= وحاض الموت دون الحق مع رعيه يردونه |
ذاك السيف ياصاحب كتب له بالليالي اذكار= كتب في صفحة التاريخ كتاب الناس يقرونه وانا وياك لو ننزل بحرها ساقة البحار= تهب الريح او تسكر نجيب الدر مضمونه |
بعد الصلاة ان شاء الله اخوي ابو حرب
|
الا يامطيب المسرا ويازينه على الفكسار = واصاقط صاحبي ورقان لو ايجيب طبلونه ولكن البلا والمشكله ذالخط عشر امتار = تعيب ويتعب اللي ياطويل العمر يمشونه |
صحت السنكم جميع
|
ياراع الجيب لاتمشي طبلونك وانا الطيار= وعليك محدد السرعه هل الرادار يصيدونه انا لاطابت الرحلة بمشي لي معك مشوار= مامل الدرب ياصاحب لو غيري يملونه |
اقتباس:
صح بدنك وشرفتنا بحضورك ومشاركتك |
اقتباس:
صح بدنك وشكرا لحضورك الرائع |
الشاعر الرائع
ورقان صح السانك وتشرفت بالعب معك والمعذره انا صار عندي شغل والوعد باليال المقابيل |
شاعرنا المبدع والرائع ابو حرب
الف شكرا لك امتعتنا الليله الله يبيض وجهك ومعذور ولا قصرت الله يعطيك العافيه وشرفني اللعب معك الله يبيض وجهك والشكر موصول لشاعرين مضحي بن جمران حمد بن فهيد و لكل من شاركنا |
الشاعر / ورقان === / ابو حرب محاوره رائعه وموضوع رائع ابدعتم ومتعتمونا بهذه المحاوره بيض الله وجيهكم وصحت اللسنتكم لكم مني كل الود والتقدير |
اقتباس:
صح بدنك وبيض الله وجهك على مرورك المشرف والروعه في حضورك ومشاركتك يالغالي تقبل شكري وتقديري |
الساعة الآن 07:25 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir