|
(صياف) في صداها
ياسلامي عالديار اللي حماها في سماها =رب عالي نزل الرحمه وحفظها من طحاها حرب يازين القبايل مسكها عندي رحاها =ولدت ذيب عوى بالقيل (صياف) فصداها |
مرحبا ياشاعر الكسره وعلومك ويش وراها=أحمد الله واشكره والنفس لا تكثر مناها عندنا شهد العسل والحنضله لمنهو بغاها=مير هات الطيبه واخذ البدل في مستوها |
الله الله
الشاعرين الرائعين ماهر ابو خالد وفواز الزويهري صح الله السنتكم متابعين الله لايهينكم |
اقتباس:
يابلاها كان يافواز تجهل مبتغاها =والعلوم عيال منهو دور القيل وشراها والمعزب لا عطانا مانرد اللي عطاها =ناّكل الحلوه ونرمي مرته فاللي بناها |
أنا أشهد إنك عمها وهمها واللي حماها=جوهره في سوق نحاسين كيف السوم جاها أنت طبيت البحر والبحور أحذر من غباها=ألا ليتك فارضك اللي تعرف ياماهر غلاها |
ما رقينا مبتلاكم مير نرقى مبتلاها = واللي مول عالحليله صوته ابطى في لقاها حنا سقنا فالدروب اللي لهبها ما خفاها =يا حفيد الجد جدي من غلاها أشتراها |
لنا عودة بعد الصلاة
|
المعذره يابو محسن
معزوم عندي عشاء انت أدهر ياخوك وانا بعد العشاء جاي وخف شوي لا اوصيك تراني عليمي من قوم( أتلقف يمكن تلقى من اللقافه نصيب) وانت ادرى يالطيب |
الشاعر الكبير ورقان
تسلم يالغالي على مرورك واطلالتك وشرفتني بحضورك وتراني والله ماني شاعر بس عاد ننقرش معاكم ورحم الله أمرأ عرف قدر نفسه وبكم نفخر ونكبر يالحبيب انت وشرواك من الشعار |
بيض الله وجيهكم كلكم اساتذه ابدعتم الله يعطيكم العافيه من شدة اعجابي ابا اجلس هنا انتظركم
|
تسلم يالغالي ياجريح الفرقا
لبستني ثوب مو ثوبي وهذا من طيبك يالغالي وابو محسن شاعر جزل ويستاهل واكرمني بمداخلته وهذا تواضع منه واسمحوا لي بالخروج للعزيمه ولا حرمنا الله تشجيعكم وتواصلكم يالغاليين |
مالك ومال العلوم اللي تردي من طراها=ياولد جدي وابويا سنين (ن) ذقنا قساها والعوافي يالسنافي للفهيم اللي حواها =يابو خالد حبال الريبه اقول اقطع رشاها |
وأنا بعد والله إني معزوم
وترانا أنا وأنت يابو خالد ضيوف عند أهل المحااااورة وخف شوي ؟؟؟؟؟ هههههه الله يخارجني منك ههههههه أشكرك الجميع على مرورهم المشرف والله إنا على قد حالنا ومنكم نستفيد الله يحفظكم ويرعاكم لكم خااالص التقدير |
الشعراء المبدعين
ماهر ابو خالد وفواز الزويهري خلو عنكم التواضع واكملوا المحاورة الرائعة والجميلة وانتم والله شعراء رائعين ومبدعين ونستمتع بمحاوراتكم فلا تحرمونا اطلا لتكم وتواجدكم معنا |
اقتباس:
الفهيم اليا نطق يعرف قصرها من مداها=عين تبقى مستكينه وعين للقمري رماها والبليه ما تصيب الا النفوس اللي بلاها = يوم شاف الدلو غنى وماتت الروح بظماها |
الساعة الآن 05:20 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir