|
ان كان به شاعر يجي لا يتردد
ســــلام ردة والــســلام ايـتــجــدد=لهل الوفا من قاصي الدار وادناه وان كان به شاعر يجي لا يتـردد=يبنـي علـى بنـي البيـوت المبنـاه |
يبني على بني البيوت المبناه
الله الله صح لسانك ياورقان و انا بصفك .. و بانتظــــار الشاعر الخصم |
اقتباس:
حميدان العوفي هلا هلا مليون وصح بدنك يالغالي وانا والصف نتشرف بوجودك |
اقتباس:
يا هلا بك يا برقان و اسمح لي اجاريك و لو ان صدر البيت تبي تصير قافيته محدوده ان استمرينا على دد:
عليك من ربي سلامٍ محدد= يا شاعرٍ خطط بيوته بيمناه جيتك و ذالي وقت و انا اتهدد= على محاور شاعرٍ جزل معناه |
اقتباس:
و الليله ما اشوف صفوف .. و لكن انا بصفك بعد مره مع صف ورقان و مره مع صفك |
اقتباس:
مرحبا بك يا حميدان العوفي مشكور على مسكة الصفين وحنا ما نستغني عن الحضور من غير قصور فيك |
أنت حولي يا ورقان و الا نكملها بكره؟ |
الظاهر عندنا مشكلة لا تكون الوسيمة قديمه يا حميدان؟ هههههههههههه تحياتي |
ياسلام صحت السنكم يالاثنين اخوي ورقان واخوي الصييفي عليكم الاستمرار وعلينا الصفوف لاهنتم
|
اقتباس:
وبيض الله وجهك ما قصرت واسف جدا على القصور والله جوني ضيوف واشغلوني دوبهم سروا لكن موعدنا القابله ان شاء الله اذا الله احيانا والشكر لجميع الاخوان اللي شرفونا |
اقتباس:
مرحبا بك يا ورقان او عذرك مقبول و موعدنا الليلة لكن احب اخبرك ان دورية اثنينية ثابته عندي و الحل هو ان نبدأ بعد المغرب مباشرة و نرجع بعد العاشرة و النصف و نكملها بعد الدوريه آمل أن يكون هذا الإجراء مناسبا و لك و للحميع تحياتي |
اقتباس:
وصح لسانك كما ترا نخلي القافيه في الصدر على "د" واحده حتي يكون اللعب اكثر مرونه وايضا الوقت الي تشوفه ويشرفني اللعب معك طال عمرك
يامرحبا يامعرب الخال والجد= يالشاعر اللي لا زهمنا لقيناه ماني مهدد صاحبي باتودد = يالين اشوف الطيب مافاد وياه |
اقتباس:
صح بدنك نتشرف بوجودك والله لايهينك |
اقتباس:
سلمت يا ورقان على قبولي و على المرونه استلم لا عدمتك:
دام البقا، ما فيه دَينٍ يسدد = سعة صدر حتى يجي الليل باتلاه اركب على صهوة فرسك و تشدد= تبي توصلها لحد المعاناه عن إذنكم اصلي المغرب و ارجع بإذن الله |
اقتباس:
طيب طيب
الليل ياصاحب لو الليل مدد = مامل انا من صحبك لا سريناه انظر حصاني بأول الخيل يرعد = يرعد صهيله يرعب اعداي واعداه |
اقتباس:
كفو يا ورقان استلم لا هنت:
شرواك من يلعب معه ما تنكد= لعبٍ معه متعه و من كان شرواه الخيل من ركابها لا توعد= و صاحبك ما همه قبيلٍ تحداه |
اقتباس:
ياصاحبي منته من الي تصدد = ماذمكم قرمن ولكن حلا لاه الخيل لا غارت وصار العلم جد= كلن مقامه عند ضربات يمناه |
صحت السنكم يالاثنين اخوي ورقان واخوي الصييفي
|
اقتباس:
الله الله تفضل:
بعض العرب تظهر لك الطيب و الود= و يميل ميله تظهر اللي بمخباه عليّ يا ورقان بالك تمرد= ما ودنا تظهر كروتٍ محناه |
اقتباس:
الله الله صح لسنك وطيب طيب
الصاحب الي وده اليوم ورد = انا على وده واحلفت مانساه ياصاحبي خل الرمي لين يركد= ثم انتصالح بعد جهد المباراه |
اقتباس:
شاعرنا الكبير غازي بن مغيران الزغيبي صح الله بدنك وبيض الله وجهك على مرورك الي شرفنا به |
اقتباس:
كفو و الله يا ورقان و الصلاة وجبت و بعدها الشبه اراك بعد العاشرة و النصف بإذن الله استلم لا عدمتك:
الطِّيب ما يمكن أجازيه بالضِّد= أما جزيت بمثل و الا اتعداه ما ظنتي نصبح سواة المقرَّد= اللي بتالي الشوط تظهر خفاياه |
اقتباس:
اللعب ياصاحب ما للعب مقصد = إلا الفتل والنقض من دون مزراه وان كان وصلت ياعميلي الى الحد= معذر قدامه ومعذار يقفاه |
لاهنتم ماقصرتم امتعتونا ياورقان ويالصييفي صحت السنكم ومعكم على طول وبصف الطرفين شعارنا العداله وهو شعار الجميع
|
اقتباس:
وجودك وتشجيعك يسرنا ويشرفنا |
اقتباس:
المعذرة على التأخير و شكرا لك و انت قبطان السفينه و لعها و ازهل الباقي استلم لا هنت:
البعض يمشي بالطريق يتهبد= و الى وطا مسمار مصنق يقول آه ما يدري ان الدرب قدمه معبّد= يبغي دريول يعطي الدرب ممشاه |
اقتباس:
يا هلا بك يا مضحي بن جمران صح بدنك و مشكور على مسكة الصفوف اللي ما بينها فرق تحياتي |
اقتباس:
يا هلا بك يالعملاق صح بدنك و المعذرة مدري كيف طافت علي مشاركتك لا خلا و لا عدم |
انته من الي طيبهم بان واشهد = فيك العلوم الطيب وفيك مدراه ورجلن مشى بالدرب لا لا يتوجد = والي رجوله حافيه ويش ياقاه |
اقتباس:
يا صاحبي كن السهر بك تجوّد= بعض الحروف تضيع يا وحلا لاه ان كان ودِّك نوقف اللعب الى الغد= أشِّر و انا عند العَلَم ما اتعدّاه |
اقتباس:
ياصاحبي ماضاع قافي ولا الرد= ولاضعت انا في درب ماشيه لقصاه يروح يرقد من بغا النوم يرقد = والنوم يطري دايم ان كان تبغاه |
اقتباس:
كفو يا برفان و الليل سرى يا طويل العمر استلم لا هنت:
خذ ردِّي الآخر و اذا كان لا بد= بكره نكمل و نتوكل على اللّـ ـ ـ ـ ــه أخاف يصبح جزرنا غالب المد= و يصبح سمكنا مَيْت ملفوظ من ماه |
ياصاحبي لو المزايا تعدد = كثر المزيا فيك من عد عناه اخوي الصيفي بيض الله وجهك وصح لسانك منك السموحه يابيض الوجه واليد= القاف شاب وليلنا راح بخطاه على تجاوبك وسعت صدرك واسف اسهرتك واسمح لنا ان كان جاء منا قصور تراك عزيز وغالي وشرفني وامتعني اللعب معك الف الف شكر لك وللخوه الذين شاركونا |
اقتباس:
الشرف لي يا ورقان مشكور على منحي الفرصة و المرة الجاية اذا كتبه الله نكون أكثر جرأة و مشاكسة لأن المحاورة تحلو إذا كانت أكثر سخونه مع الإلتزام بالأدب و الثوابت. شكرا لك مرة أخرى و الشكر واجب لكل من حضر أو مسك الصف أو تصفح. تحياتي و تقديري للجميع |
جزيل شكري وامتناني لخوي الشاعر الصييفي
ولجميع الاخوة الرائعين اللي شرفونا بالحضور |
الساعة الآن 02:32 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir