|
أشقى القلوب
السلام عليكم ورحمة الله وبركاته
لي قلب بالطيب متعبني=يبغى الفضايل لأحبابه والرد دايم معاندني=من دون لاا أعرف أسبابه |
الله الله الله
شاعر كسره مميز صح السانك يابيان الصمت صحيح المثل اللي يقول اعطي الخبز خبازه والله بيض الله وجهك |
بيان الصمت عليكم السلام ورحمة الله وبركاته وعلى عجاله اسمحلي
ياطيب القلب طاوعني=الطيب معروف من جابه والرد مهما يراودني= ماغير القصد والجابه تقبل تحياتي |
حياك الله يابن العم وإليك
فكري بالأوضاع شاغلني=وأسعى على الخير من بابه وبالواجب العقل يلزمني=وأدرى عن الورد وأعنى به |
ما شاء الله تبارك الله فعلاً سمو بالعاطفه والإحساس لما لا وهي بين علامان من أعلام الكسرة في الملتقى والمجالس الشاعر : ابراهيم الردادي الشاعر :محمد الــردادي بيان الصمت هذي الكسرة الثانية لك الي احاول ارد عليها واعجز بصراحة معانيك دايم قويه وتضرب بالعمق واحس انها تحتاج لدرجة نباهه عالية وفاقد الشيئ لايعطيه ياأستاذي الفاضل وزميل المهنه |
أخي الكريم راعي البل السلام عليكم ورحمة الله وبركاته وحياك الله واعلم أخي أن النفوس تفهم بعضها ولو على البعد لأن الحرف المكتوب ما هو إلا نتيجة لما يختلج داخلها |
أخي الكريم فتى البعايث السلام عليكم ورحمة الله وبركاته لم كل هذا التواضع وأنت خير من يقدر المعاني واعلم أن هذا الثناء شهادة أعتز بها لأنني أعلم من هو ((( فتى البعايث ))) وعافاك الله وزادك رفعةً وسمو |
هلا يابن العم استلم يالغالي
وضعك طبيعي وفاهمني=مافيه بالطيب نصابه الطيب مهما تغلطني=ميجوز نعمل على ارهابه تقبل تحياتي |
الاخ بيان الصمت صح لسانك وصح لسان ابن خيرالله الردادي ماقصرت يالغالي بيض الله وجهك تحياتي الصـ الجارح ـقر |
أخي الكريم الصقر الجارح حياك الله وعافاك على طيب المرور ولك ألف تحية |
السلام عليكم ورحمة الله وبركاته ابن العم إليك
صورة على البال تقلقني=دون الأمل صكت أبوابه في كل لحظة تعاودني=كيف أقبل الزاد وأهنا به |
ياسلام ياسلام
مهما حصل لاتخالفني=ابقى على الصبر ورضابه الصبر مهما تشاورني=عاده على طول كسابه |
صح السنكم جميعاَ وبيض الله وجيهكم تحياتي وتقديري عاشق بريده |
::::: بيان الصمت :::::: صح لسانك يالغااالي |
السلام عليكم ورحمة الله وبركاته أبا سامي إليك
للصبر موعود يسعدني=في وجهة الخير نسعى به والكل في ذا الأمر مَعْنِي=بِشِرْعة الله في كتابه |
ابن العم ابراهيم الردادي تسلم يالغالي بيض الله وجهك وستلم
زيد الصبر للعنب تجني=الصبر كل(ن) تغنابه تقبل تحياتيمازيد للي يحاورني=غير الدعاء وانت ادرابه |
السلام عليكم ورحمة الله وبركاته ابن العم ( أبو سامي ) صح لسانك مليون وزانت معانيك وعافاك الله واستلم
يامن على الصبر ناصحني=تحصل على الشهد من صابه فينا السبب لو تصارحني=والرب ماخاب طلابه |
الاخ بيان الصمت وعليكم السلام ورحمة الله وبركاته بيض الله وجهك وصح الله لسانك وستلم
لاشك حضرتك تعجبني=تمشي مع الخط وتهابه تقبل تحياتيعارفك لاشك عارفني=خطوه وتحصل على اعجابه |
الشاعر إبراهيم الردادي (( بيان الصمت )) صح السانك وبيض الله وجهك يالغالي اخوك سلطان |
أخي الكريم سلطـــــــــان السلام عليكم ورحمة الله وبركاته فعلاً اسمك على مسمى فأنت سلطـــان بـأخـــلاقــك قبل حرفك عافاك الله |
السلام عليكم ورحمة الله وبركاته الإخوة الكرام عاشق بريدة ناصر العوفي وجميع من شاركنا برأيه عافاكم الله وأسعدكم في الدنيا والآخرة وجمعنا على الخير |
بيان الصمت= لي قلب بالطيب متعبني=يبغى الفضايل لأحبابه والرد دايم معاندني=من دون لاا أعرف أسبابه ابن خير الله= ياطيب القلب طاوعني=الطيب معروف من جابه والرد مهما يراودني= ماغير القصد والجابه بيان الصمت= فكري بالأوضاع شاغلني=وأسعى على الخير من بابه وبالواجب العقل يلزمني=وأدرى عن الورد وأعنى به ابن خير الله= وضعك طبيعي وفاهمني=مافيه بالطيب نصابه الطيب مهما تغلطني=ميجوز نعمل على ارهابه بيان الصمت= صورة على البال تقلقني=دون الأمل صكت أبوابه في كل لحظة تعاودني=كيف أقبل الزاد وأهنا به ابن خير الله= مهما حصل لاتخالفني=ابقى على الصبر ورضابه الصبر مهما تشاورني=عاده على طول كسابه بيان الصمت= للصبر موعود يسعدني=في وجهة الخير نسعى به والكل في ذا الأمر مَعْنِي=بِشِرْعة الله في كتابه ابن خير الله= زيد الصبر للعنب تجني=الصبر كل(ن) تغنابه مازيد للي يحاورني=غير الدعاء وانت ادرابه بيان الصمت= يامن على الصبر ناصحني=تحصل على الشهد من صابه فينا السبب لو تصارحني=والرب ماخاب طلابه ابن خير الله= لاشك حضرتك تعجبني=تمشي مع الخط وتهابه عارفك لاشك عارفني=خطوه وتحصل على اعجابه |
الله الله روائع
صح لسانك يابو محمد والله يعطيك العافية ورحم الله بن خير الله واسكنه فسيح جناته |
رحم الله ابن خيرالله واسكنه فسيح جناته اللهم آمين
وصح لسانك بيان الصمت لآعدمناااك دمت بخير |
¨°o.O ( ×××××××) O.o°¨
صح لسانك كسرة رائعه والله يـعـطـيـك الـعـافيـــــــــــة بيض الله وجهك |
اقتباس:
اصبر والطيب مايتحول صح لسانك وبيض الله وجهك تقبل مروري |
الله الله
وقرات بالردود ابن خير الله الله يرحمه اسال الله ان يسكننا وايااه الجنه وصح السااانك يا بو محمد كعاادتك من قديم الى الان مميز بكل ما تطرح تقبل مروري ودمت بخير |
الله الله روائع صح لسانك يابو محمد والله يعطيك العافية ورحم الله بن خير الله واسكنه فسيح جناته |
الساعة الآن 08:22 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir