-
-
-

الجو كايف والدوام اشغل الناس = وانا الدراسه ياعرب قيدتني
مابين writing و grammar صرت محتاس = واذا طرا الـoral هموم كبتتني
بسباب was و were حصلت وسواس = وكل مااضفت (D)(E)ماطاوعتني
غير الـ paragraph الذي عقد الراس = من كثر ماكتب كل الاحرف شكتني
سرداد مردادي من class في class = معي الدفاتر والكتب رافقتني
لاماتعلمت انجليزي على اساس = اعرف او اسمع وش تغني برتني
ماودي اعرف هرجت انذال وانجاس = لكن ضروفي والضروف غلبتني
ودي بطعس ماوطى فيه بلاس = ولامن اللي معرفتهم كوتني
واشب نار ضوها يجلي اعماس = واضبط معاميل بريحه شدتني
ومقابلتني فاتنه مالها اجناس = اعيونها لاقصى الخيال اجذبتني
ابحر بها واسحب من البوك قرطاس = واكتب جميل الشعر لو ماطلبتني
واقضي معاها وقت فاقد للاحساس = ادخل بجو غير لاهرجتني
ماتظهر الكلمه بلا اي مقياس = ولاجات منهاكلمة ضيقتني
واذا ضحكة همي قفلته بترباس = اقفل على همومي ولو عاندتني
ماتتبع الموضه ولاسعر الالماس = ولاحطة المكياج لحظة لفتني
عهدتها بالصدق لي كتم الانفاس = وايضا بعد باخلاصها عاهدتني
على النقا مانتبع درب الادناس = لابالردى ناوي ولاقد نوتني
هذا مناي وغاية القلب ياناس = مابا الدراسه ليتها ماعرفتني

-
-
-

المدرسة تفتح البيبان=وتسعى لمن يشتقي فيها

ودي بطعـس مـاوطـى فـيـه بــلاس= ولامــن الـلـي معرفتـهـم كـوتـنـي
واشـب نـار ضوهـا يجـلـي اعـمـاس= واضـبـط معامـيـل بريـحـه شدتـنـي