|
سلام الله سلامن يشرح الخطار من طيبه
سلام الله سلامن يشرح الخطار من طيبه= على أهل الدار والزوار يأهل الديرة الحية نبي شاعر من الشعار يغوص البحر ويجيبه= يجيب من البحر لولو ودر البحر مارية |
صح لسانك يالذيب
الليله يالذيب ان شالله ءان ماقام احد |
صح بدنك اخوي عصابة راسي
الله يحيك وياهلا بك في اي وقت |
ماشاء الله عليك ياورقان متهيض مع العصر
تراحيب الوفى جاتك بلاشك (ن) ولا ريبه=يفوح الزهر والنرجس ودار العز مرسيه تهيض والبحر يغري ليا شفناه ونحبه=ليا عمناه غنيانا غناوي البحر مرثيه |
الليل الليل .
الملعبه نار هالليلة . ورقان وفواز صح لسانكم . هذه الصفوف معي :eek: :eek: :eek: :eek: :eek: :eek: :eek: :eek: :eek: :eek: وأهل الشاهي في الطريق بقيادة الأخ (smok) دمتم بحفظ الباري . |
صحت السنتكم
وازهلوووووووو الصفوف :0736: :0736: :0736: :0736: :0736: :0736: :0736: :0736: :0736: :0736: |
انا متهيض الليلة وراع الطيب محريبه= ألآ يامرحبا بأهل الوفا يامرحبا حيه لكن الموج هذا الليلة عاتي وانت تمشيبه= وموج البحر ياصاحب ماتمشيبه شراعيه |
فهد اليوبي
عصابة راسي صح الله ابدانكم يشرفنا وجودكم ومتابعتكم |
[poem=font="Arial,5,#00008b,normal,normal" bkcolor="" bkimage="" border="none,1," type=2 line=0 align=center use=ex num="0,"]
بحور الطيب مركوبه وبحر العز نجريبه=وأشوف اليوم خلق الله ردوها التجاريه يموج السعر موجه مد وأمر الجزر في غيبه=نبا نداوي ولوكان الألم مبراه من كيه [/poem |
بحور الطيب مركوبه وبحر العز نجريبه=وأشوف اليوم خلق الله رداها فالتجاريه يموج السعر موجه مد وأمر الجزر في غيبه=نبا نداوي ولوكان الألم مبراه من كيه |
اقتباس:
حياك الله وحياهم |
صحيح انك من أهل العز والمعروف والطيبه = وليش اصدوركم ضاقت بها بيتين رديه وسعر السوق ياصاحب تبيع الناس وتشريبه = وانا بيعك ذهب صافي ابي سعر الذهب زيه |
تريض ياعميل الخير صحيبك ما بدا خيبه= ولك فالقلب مقدار وعزيز وغالي الجيه أنا اقول اللبن والتوت والرمان ما جيبه=بعد زاد السعر ضعفين والضعفين مثنيه |
الله الله
صح لسانك وبعد الصلاه نكمل ان شاء الله |
صحت السنتكم وبيض الله وجيهكم
|
اقتباس:
عدنـــــــــــــــــــــــــــــــــا |
اقتباس:
صح بدنك يالغالي وخلك قريب ووين الصفوف |
ويبارك ربنا باللي يرد الباقي لصحيبه=كيف يعد ابو عشره يحسب يعد ابو ميه وانا ماقول غير ان الذهب مغناه في جيبه =ومن مثلك راعي طيبه ماذمه صافي النيه |
الله الله
صحت السنتكم وانا متابع لكم دمتم بحفظ الله |
صحيبي دايم الطاله وزان القاف من ذيبه=يقولون الصحف ذاعت زيادة خمس ويش ذيه نبا نكوَن لجان وبحث لعل الحل نرهيبه=وأنا عارفك رجل حساب وللأموال رمزيه |
زيادة خمسه بالميه وصاح الناس غريبه = اسعار السوق مدبوله تجينا خمسه اشويه ! قالوا عشره وخمسه ثلاث سنين محسوبه = على اول راتب المربوط حسب اقوال ماليه |
ابو حرب
سمو الشوق صح الله ابدانكم تشرفنا بمروركم ومتابعتكم |
أخوي ورقان هلا فيك .
بالنيابه عن فواز عن طريق الجوال . واستلم من فواز :
كبار الروس نومانه صغار الروس تحطيبه= انشوف السم ما نقدر نقول السم من حيه ملاحظة نخينا الله نخينا الله إلهى ترحم الشيبه= إلهي ترحم الطفل الذي كالعود في زيه زيه : مظهره |
الا ياشاعر اللي ميسم الشـــــعار تحريبه...........نبا نكتب طواريقن على قافــــــك ومثنيه
لقيت الشاعر البيطار يفتل روس اشانيبه..........ويبشر بالعلوم اللي من ارقى الدر منقيه |
هلابك اخوي فهد الله يحيك وانت فواز واحد
وشكر على توصيل الرساله
تدري من قديم الوقت محد بالوقت راضيبه =يعيش الوقت وهو ساخط على ايام ولياليه والى منه مضى هالوقت يجيله وقت يبكيبه = يهل الدمع من عينه على وقته وماضيه |
الف شكر لك وصح لسانك اخوي فواز
والخاتمه عندك اذا اردت استمتعت كثير واستفدت اكثر باللعب معك والشكر موصول لجميع الاخوه اللي شاركونا وشجعونا وشرفونا بحضورهم |
استلم أخوي ورقان :
ضعيف النفس هذا الوقن كسر له عراقيبه= وبعض الناس مع وقته سلام وأحلام ورديه عجيب الوقت يا ورقان يا مكثر تقاليبه = نشوف أحداث غير اللي على الأوراق مقريه |
أخوي فواز شاكر لك على هالمحاورة وبيض الله وجهك .
وأنا بعد استفدت الله يجزاكم خير . |
الله الله
اخوي فهد صح لسانك وصح لسان الشاعر فواز وبيض الله وجيهكم ونلتقي في طاروق جديد ان شاء الله |
اقتباس:
هل بالشاعر اللي ميسمه به نار يضويبه = يحمد الله على لطفه ماجاء هاليوم في يديه هلا بك خوي ابراهيم السليمي اسعدني حضورك انا اخذ ميسم الشعار قبل موسم به اوميبه = قبل ما حط بالجبه وبالخدين عرقيه وهذي حرش |
الشاعرين القديرين
ورقان العوفي ........ و ........ فواز الزويهري صحت السنتكم و بيض الله وجيهكم على هذاالطاروق الرائع |
مراقبنا المحبوب
حميدان العوفي صح الله بدنك ووجهك ابيض وشرف لنا مرورك وتشريف يالغالي |
, , , محاوره رائعه بيض الله وجيهكم صحت السنتكم يعطيكم العافيه |
مشرفنا ابو روان النويمي
صح الله بدنك ووجهك ابيض يالغالي شرفنا مرورك وتواجدك الكريم وسعدنا به |
ماشاء الله تبارك الله
محاورة رائعة صحت السنتكم |
صحت السنتكم
يعطيكم العافيه |
بيض الله وجهك ياورقان ( ياورقان عوف )
أسعدتني بهذا المحاورة الجميلة والمعذرة عن عدم التواجد وماقصر الأخ الشاعر فهد اليوبي أكرر لك شكري وتقدير وبيض الله وجهك وقاااااااااف قاااااادم إن شاء الله |
شكر خاااااااص
الغالي الأخ أبو تركي فهد اليوبي ( ذيب الوفيات ) أتعبناك معنا وأزعجناك بالجوال لتوصيل الرد بالنيابه عنا وأنا أقدر لك هذا التفاعل الغير مستغرب على مثلك والله ونعم يافهد وماقصرت يالغالي وإزعاااااج قااااادم إن شااااء الله لك خاااالص التقدير والثناء الحسن |
اقتباس:
كلنا في المنتدى أخوان نكمل بعض . والأخوان ما بينهم إلا اللي يبيض الوجه . كما قلت إلا توصيل قادم . دمت في حفظ المولى . |
صح السان الجميع
|
الساعة الآن 02:59 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir