|
سلام ردة وفاء عداد وبل السحاب
سلام ردة وفاء عداد وبل السحاب = رديةً يجذب السمار طاروقها الذيب يقنب وله صوتً يجر الذياب = ولا يعرف البضايع من جهل سوقها |
صح لسانك يا ابو حرب
و ننتظر الشاعر الآآآآخر و الصفوف جاهزه :eek: :eek: :eek: :eek: :eek: :eek: :eek: :eek: :eek: :0736: |
اقتباس:
صح بدنك وبيض الله وجهك شكرا لحضورك الرائع ومشاركاتك الفعاله |
يالله ياشعار سراء الليل
يالله ياتركي الشيخ مالها إلا أنت الليلة بغير قصور بشعراء الملتقى |
اقتباس:
حياك الله واسمح لنا بالاستفادة منك وإليك :
يامرحبا بك عدد ماسطروا في الكتاب = من بعدها دلة المسمار بنسوقها هات العلوم الخفيه فك رمز الخطاب = هز الثمر بالغصن لاتقرب عروقها |
الله الله
محاورة رائعه ابو حرب سمو الشوق صحت السنتكم واصلوا حنا معاكم |
اقتباس:
اولا: حيالله الجميع ونشكرهم على التشجيع ثانيا: المعذرة مشرفنا العزيز حميدان العوفي ، فقد انزلت الأبيات قبل اطلاعي على طلبك علما اني استأذنت من اخي العزيز تركي الشيخ عندما لاحظت وجوده في صفحة المحاورة - من باب الأدب والمعزة - فقد تكون له رغبة في المحاورة لكنه اعتذر واذن لي بذلك 0 تحياتي لقلوبكم جميعا اخوكم |
اقتباس:
[align=center] حياك الله وحنا اللي نستفيد منك
مانبي غير العلوم الطيبه والصواب = لعل ما يخون بالاصحاب منطوقها زعلان لتاجر اللي خسر بالاكتتاب = ابسوق ( ن ) قضاته طمعها حاكمً ذوقها |
اقتباس:
كلكم سواسية يالذيب ..... بس ابو حرب تأخرتم مارديتم عليه ... و طلبت تركي الشيخ أن يلعب و بيض الله وجهك انت و اياه ماقصرتم صحت ألسنتكم واااااااصلوا |
الله الله
أبو حرب شاعر كبير وأنا أعتبره أنموذج رائع لشاعر المحاوره وأستفيد منه. وسمو الشوق شاعر معروف والمعروف لايعرف . طاروق رائع وأخلاق رائعه من أخوي سمو الشوق. الله يبيض وجيهكم |
اخي الكريم ابو حرب
وجدت ردا من طرفك قبل نصف ساعه تقريبا فاعددت جوابه لكني الآن لم اجد له اثر حتى عن طريق الاقتباس آمل اعادة تنزيله حتى يكتمل معنى الرد تحياتي |
اقتباس:
حضور مشرف وشاهده فخر شكرا لحضورك الرائع وتشجيعك المستمر وانا من يستفيد منك ومن امثالك لك مني كل الشكر والتقدير |
اقتباس:
هلا بك وحياك
يعجبني العارفه يعجبني فهم الذيـــاب = واسوق مد العطا من وسط صندوقها ياصاحبي من بنى البنيه وضع له نصاب = نصف الذبيحه ولايكفيه ممروقها |
وشلون سلم الحمام وكيف طاح العقاب = العاليه من رما ذيبان من فوقها دنيا بها حاصلاً في كل شي انقلاب = عقب الزبيدي قنابل جنب رقروقها |
اقتباس:
حياك وغدا نكمل باذن الله وتصبح على خير تحياتي |
ابو حرب
سمو الشوق صحت السنتكم |
ابو حرب
سمو الشوق صح الله السنتكم وبيض الله وجيهكم على هذا الطاروق الرائع |
اقتباس:
كم واحدٍ بالحفا يتبع بريق السراب = والآخره للذي قايم بمحقوقها لاتتبع اللي رحل بالهم والاكتئاب = سود الليالي عقبها شمس بشروقها |
اخوي سمو الشوق استلم واسف على التاخير
ماصرت عند العلم في وسط ناد الشباب = وانته تخيل المزون وتغدي ابروقها لكن بالمقبلات احذر يزيد الغياب = واليوم خل الحرار اتروح بسبوقها |
, , , محاوره رائعه بيض الله وجيهكم صحت السنتكم يعطيكم العافيه |
اقتباس:
حيّـــــــــــاك
فكيت قيد القلم سليت عوج الحراب = نقضت عهد السلامه وين موثوقها مثلك مكلف بنفسه ماعليك الحساب = خل الحبيبه تعذب قلب معشوقها |
صح لسانك يا ابو حرب
|
سمو الشوق اشكرك جزيل الشكر لقد استمتع بالعب معك بارك الله فيك |
حميدان العوفي المحايد بن فرهود الحربي ورقان ابو روان ابن السفر اشكركم جزيل الشكر على مروركم وتشجيعكم المستمر كما اشكر كل من مر من هنا تحيتي للجميع |
اقتباس:
اولا : حياك الله واشكرك على المحاورة المفيدة معك ثانيا: اشكر كل من مر من هنا ووضع بصمته وكلماته الطيبة تحياتي للجميع |
ابو حرب
سمو الشوق صحت السنتكم |
ابو حرب
سمو الشوق صح الله السنتكم وبيض الله وجيهكم على هذا الطاروق الرائع |
صحت السنت شعارنا وبيض الله وجيهكم
تقبل مرووووري منصور العوفي |
صح الله السنتكم
والله يعطيك العـــــــــــــافيه لاهنت |
الساعة الآن 06:12 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir