من نشدنا ترانا فوق ظهر الشداد = نقتخر بالقبايل وانتـعزوى بها
نستند بالرجال ونحتســي بالعتاد = ونحتفل بالمنايا لانفتــح بابها
ما نسـوم الهزيله لادخلنا المزاد = الهزيله هزيله ما نتســمى بها
فوق صدر المعالي ما حقرنا العباد =انتحدى الصعاب ونحسب احسابها
خذ كلام الزبيدي لابغيت الوكاد = الزبيدي علم لا حضـرت أقطابها
الشعر حافظينــه بالقلم والمداد = نعتني بالقــــوافي ونتغنى بها
مجلس العز منصى من نصاه استفاد =مع قرومٍ تضــيف المجد فكتابها
هذا عبد الكريم بطيب العلم جاد=لاذكرنا المراجل نذكر أصـــحابها
حط للسبق حافز مثل سبق الجياد= ايتشرف بها اللي حلها وجــــابها
بارك الله فيكم ياطيـــور الهداد= والمزايا الرفيــــــعه انتقدى بها
لاجتمعنا أخذنا من قطوفٍ جداد= من معاني تحلت فاجمل اثيــــابها
انتذوق حلاها مع نسيم البراد =فليلةٍ من غلاها ســـرقت إعجابها
قالها الجحدلي حضر المواقف وشاد = عند ربعٍ تروم العز بحرابها