|
ديوان الشاعر ماهر مبروك العصلاني (ابوناب)
قصة ألم وأحزان
الله وأكبر علـى الأزمـان=ولابد من جـور ألازمانـي والوقت حاكم على الانسان=يحكم علـى كـل انسانـي يحكم فراقي مـع الخـلان=خلاني مـن دون خلانـي خلا خليلـي معـاد يبـان=لو كـان بالحيـل يبغانـي سافر الى عـالم النسيـان=ولاظـن ونـه تناسـانـي سافرو غايب عن الآعيـان=ومن بعدها هلت اعيانـي واقضي ليالي وآنا سهران=عالهم والحـزن سهرانـي آوقات اسهر وانا فرحـان=واتخيـل الخـل فرحـانـي واتخيله ماشي في بستـان=يمشي على ارض بستانـي ويقطف من الورد والريحان=من ورد قلبـي وريحانـي وآقـول والله انـا ربحـان=من شوفة الخـل ربحانـي وآوقات اسهر وانا زعلان=واتخيـل الخـل زعلانـي وأتخيلـه بـالـم هـمـان=من فرقتي صـار همانـي وكنه لشوفي بـدا ولهـان=ولهرجتـي حيـل ولهانـي ولا قول رابح ولاخسـران=ولاأفرح ولانـي بزعلانـي الله مـن حظـي التعبـان=في وقت قاسـي وتعبانـي راحت حياتي على الشيطان=هوجاس مظلم فشيطاني آهيـن ونيتهـا بلـسـان=وقلبي تامر علـى لسانـي آهٍ علـى قلبـي العطشـان=لهرجـة الخـل عطشانـي وآهٍٍ على نونـي الغرقـان=من كثره الدمـع غرقانـي ابكي وانادي وانـا بـردان=ولأحـدٍ اتانـي ودفـانـي تركني الاهـل والجيـران=وتركنـي اعـز خـلانـي لكن ابرسل على الجنجـان=طيـور حـره بجنحـانـي تحمل رساله بـلا عنـوان=وترمي بها فـأي عنوانـي لجلي انـا مانـي بعشقـان=ولاحب ولانـي بعشقانـي ولاشي خليلٍ ولـه طربـان=بس كنت للشعـر طربانـي وكتبت قصةً ألـم وأحـزان=لا هي ألامــي ولاآحـزانـي |
أقـولـه الـلي فـي مـنامي فاني =رجـل صـفاته مـثل حـليا الهلالي أقـبـل عـليه ثـم نـادىوقـالي = يـا مـاهر أصـحى واستمع للعطايا قـلت الله يـحييك عـطنا عـلومك = إن كـان لـك لازم نـكمل لـزومك وإن جـيتنا مـهموم نـجلي همومك = ولـك واجـب يسلم جميع العذرايب قــال الله يـعـينك وبالله تـقـرب = يـاذا الـزبيدي لازم إنـك تـجرب بـأسألك وأصحى عن جوابي تهرب= لابـد تـجاوبني ولا شـيء مجاليب قـلت الله أكبر كيف ترضى الظليمة = مـاني بهارب منك ما أرضى الهزيمة مـا تـدري أن فـحرب عادة قديمة = وقـت الطلب يرقون روس المراقيب ومـن سـابق الأيـام خـذنا الأوايل =يـوم الـندا جـانا كـسبنا الـجمايل وحـنا حـروب أهل الكرم والفعايل = فـعل عـليه شـهود ما هي بأكاذيب قـال الـسموحة مـا نـوينا زعـلكم =لـكن أنـا اب ـغى أعلامكم وامتحنكم أنـته سـعودي والـجزيرة وطـنكم = وابـغاك تـخبر ني عن الدار وتجيب قـلت أحـمد الله دامـت إني سعودي = وأفـخر بـها دايـم ولانـي جحودي وحـنـا لـهذا الـدار والله جـنودي = لا دقـت الأنـذار نحضر ولا نغيب دارٍ بـهـا كـعـبة ولـي الـعبادي = ودار الـرسول المصطفى خير هادي فـي حـكم حـكام تـكيد الأعـادي = ويـاكـم عـدو ذو قـوم الـملاهيب والله عـطى فـي حـكمها المسلميني = آل الـسـعود الـلي لـها حـاكميني وحـكـامنا فـي حـكمهم عـادليني = وتـشهد لـهم كـ ل العرب والأجانب وبـين الـدول دار الـسعودي تعلت = مـا اسـتعمرت في حكمهم وأستحلت وبـشـرعنا الإسـلام ديـنٍ تـحلت = ودسـتورنا الـقرآن خـير المذاهيب والـيوم حـنا فـي أمـان وسـلامي = فـي حـكم أبـو متعب رفيع المقامي يـعـيش عـبدالله زعـيم الأمـامي = راع الـسخاء والجود والعز والطيب خـادم بـيوت الله وحـامي حـرمها = وحـاكم بـعدل ولاش نـفس ظلمها وكـل الـدول مـن خدمته ما حرمها = وعان الضعوف أهل الدموع المساكيب وهـذه عـلوم الـدار لك محتضرها = مـوجز عـبارة قـلتها مـختصرها مـا كـنها إلا قـطرة مـن بـحرها = لـجل الـوطن ما ينوصف بالمكاتيب قــال الله يـهني ديـارك وأهـلها = فــي ظـل حـكام لـها تـحتملها صـحـيح مـا لـلحملة إلا جـملها = وعـيال أخـو نوره رجال المناصيب ومـن بـعد عـلم الدار قود التماثيل = مـثل بـسبعة من وصوف الرجاجيل قـلت أبـشر بـعزك تجيك التفاصيل =لو كان في وصف الرجاجيل تصعيب الأول الـلـي مـكملٍ فـي لـزومه = لـله ولأهـل ا لـنوب وأهـله وقومه وبـالطيب بـين الناس مغلي سهومه= ولـيا نـصاد الـضيف قاد التراحيب والـثـاني فـقومه زعـيم سـلطان = والـقوم دونـه لا تـودي ولا تجيب بـابٍ لـهم فـي كل ما قف وميدان = يـحمل لـوازم ربـعته فوق الأمتان والـثالث الـلي وده فـعل الـجميلة = بـس الـفقر خـلى عـلومه قـليله لـو كـان وده مـاش حـيل وحيله = لـكن ثـوابه عـند مـن يعلم الغيب والـرابع الـلي فـالمواقيف بـيطار = حـر ولـد حـر ومـن نسب أحرار لـكن نـاسي واجـب الـنافع الضار = والـلي نـسى رب ه ما ضوى مكاسيب والـخامس اللي رجل في لم الأموال = لـكن فـالمعروف مـا يـظهرريال ومـقطوع منه الخير في كل الأحوال = وبـابه عـن الضيفان صك بلواليب والـسادس الـلي مـشيته بـالعواجه = راع الـعـلوم الـطايحه والـهماجه لأهـله وربـعه مـا قضى لو حاجه = مـا غـير ضـواهم مشاكل سراديب والـسابع الـلي داخل البيت محبوس = والـحكم لـلحرمه ومن دونها يحوس ولـيا جـلس بـين الرجاجيل دنفوس = قـام وقـعد دو لاب ضـمن الدواليب قـال أكـتفيت بـسبع يا ولد أبو ناب = لـكن عـلمني تـواصيف الأصحاب قـلت الوصوف أثنين صادق وكذاب = صاحب شجيع وصاحب حق الاعيب الأول الـلـي فـالـشهامة نـمركز = ولـك مـنزلة عـنده مـقدر مـعزز صـقر لـيا جـاء لازمـك لجلكم فز = وفـي لازمـك جـالك بـليا مناديب والـثاني الـلي فـالرخا معك مرتاح = يضحك معك في كل مضوى ومسراح ولا جـات فـاقه يختفي مثل الأشباح = ولـيا زهـمته جاب الأعذار أساليب قــال آخــر الأعـلام بالله تـعلم = فـالـشعر والـشـعار لازم تـكـلم مـا دامـت أن أبـوك شـاعر معلم= لابـدك آخـذ مـنه خـبره وتجريب قـلت أقـترب يـا ذيب يا بن الذيابه = وقـت الـلزوم الـشعر عـز ومهابه سـيـف مـجـرد لـلقا والـحرابه = بـالشعر مـا هو بالقطل والمشاغيب والـشعر ما هو علم وكتاب ودروس= ولا هـو بضاعة داخل السوق بفلوس الـشعر بعضه موهبه جات وهجوس = وبـعضه وراثـه دم عـبر الأقاريب والـشعر لـه مـعنى وقيفان ولحون = ولا كـل شـاعر يـحكم البيت بفنون والـيوم يـا مـكثرهم الـلي يغنون =أحـد بـشعر فـن واحـد هـذاريب شي ٍ من الشعار يحكم معانيه= شـاعر ولـه فـ الشعر قـصر مبنيه لـكن قـوانين الـعرب مـا نـشقيه = مـا عـان ربع له ولا عان أصاحيب وشـاعر كـلامه مـثل نـقد الدنانير = أبـيـات مـعناها يـسر الـجماهير ولا مـحـله مـدهـل لـلـمسايير = مـنصى رجاجيل الشرف والمواجيب وشـاعر كـلامه دون معنى ومسعار= قـول بـلا حـشمة وقـيمه ومقدار كـنه شـجرةٍ مـالها ظـل وأثـمار= والمشكله ماقدر الشب والشيب قـال أكـتملت ومـن علومك تحملت = وأخـذت مـطلوبي يا أبو ناب كملت وعـز الله أنـك فـي لزومي تجملت = وأخـتم دعـاوينا بـزين الـهناديب قـلت أنـتظر يـاللي طـلبت الفوايد = جـاوبت لـك وأنـشدت لك بالنشايد غـنيتها مـاني عـن الـناس زايـد = مـعروف مـحد يسلم النقص والعيب ثـم قـمت مـن نـومي مهلّل مكبّر =ولـيا آذان الـفجر فـي كـل مـنبر ورحـت الصلاة وجيت وبديت أعبّر = عـن كـل دعـوانا بـوزن وترتيب وخـتمتها ذكـر الـذي مـالك الملك= الـواحد الـلي مـجرى الريح والفلك يالله يــا مـعـبود يـارب نـسألك = تـغفر لـنا يـوم الجزاء والمحاسيب |
اخواني هده قصيده انقلها لكم من مجالس حرب للشاعر /فهد الغيداني
وايضا ردي على قصيدته ,,, ارجو ان تنال اعجابكم... فهد الغيداني،،،
هبّو (لبدر) وعلمـو باقـي النـاس=وشلـون لاهبّـت (لبـدر) القبيلـه تاقف قلوب وتنكتـم كـل الأنفـاس=ويدق طبـل الحـرب تسعيـن ليلـه شاعر لو ان الشعر يحسب بالاحساس=بيفـوز ماهـي صعبـه ومستحيلـه لكنها بالصـوت تحسـب وتنقـاس=والـدرب كايـد والمسافـه طويلـه وكان القبايل دقت اليـوم الأجـراس=وكـلٍ جهـازه فـي يدينـه يشيلـه واشيب عينـي يابعيديـن الأرمـاس=هذي السنه فيـه الخيـول الأصيلـه العام قلنا لأكثر الناس 0000لابـاس=فرصـه نخلّيهـا ونكسـب جميلـه والعام هـذا عامنـا ناخـذ الكـاس=وكـلٍ يشـد اليـوم حالـه وحيلـه حنا قبايل حرب والجسـم لـه راس=أمـا البقيـه كلبـوهـم (قبيـلـه) ماهضم حقوق الغير قومٍ لهم بـاس=حـق القبايـل مابخسـنـا بكيـلـه لكن أنـا شاعـر وفالبحـر غطـاس=أنـا وماتملـك يدي0000للقبيـلـه وكل ماذكرته في بدر بيـن الأقـواس=يسري على الهاب الوسيـدي زميلـه ياحرب هبوا يكفـي عيوننـا نعـاس=لاثنينهـم00 شبـو بـراس الفتيلـه ============================================= ============================================= بسم الله الرحمن خـلاق الاجنـاس=لاحت بروق الغيث روس المخيلـه دقت طبول الزير في حرب جساس=كلٍ يعرف الماقـف اللـي يجيلـه ياباني الابيات من طيـب السـاس=راع الحميـه والثـنـا والجميـلـه يالحربي اللي للعلا تضرس اضراس=حربي معـك مـن دون لاتنتخيلـه لاشبت النيران مـن كـل مقبـاس=وقنا لهـا مثـل الرجـوم الطويلـه دايم نحوز المكسبـات ام الالمـاس=نهار كـلٍ ينعـرف وش حصيلـه الاوله تكتب علـى كـل قرطـاس=بسم الحروب اهل البيوت الظليلـه الظاهري قرناس ولهـاب قرنـاس=مايـوم ضووهـا علينـا هزيـلـه انته وانا والربع في كـل مجـلاس=من دونهم مثل السيـوف الصقيلـه حالي على مالي فدا حرب يانـاس=واشوفها في حق ربعي قليله لاخير فاللي تربس الباب ترباس= والعز ماهو فاليدين البخيله نفزع لهم من دون عبسي وعبـاس=واهـل الثقايـل محتسيـن الثقيلـه ماهمنا المليـون بالرجـل ينـداس=العيـن فالبيـرق مانبغـى بديـلـه |
حبيت اشارك بقصيده غزليه من نسج الخيال
واسمحوا لي ادا قصرت،،،،
ليلة البارح مزاجي صافيٍ لي ماتعكر= ليلةٍ صفوه وصافي جوها واصفى قمرها ليلةٍ لمت غرامي بعد ماراح وتنثر= وشتت هم الحبيب اللي محبتنا نثرها وابتدافي الغرام يعيد نفسه ويتعسكر= يبعد الاحزان وافكار السعاده يحتضرها وزاد فالقلب الامل حتى مللك جوي وسيطر=وقام يوحي لي بفرحه مقبله وانا انتظرها ولادريت الا بدق الباب قلت الله يستر= ليتها فرحه سعيده فليلةٍ محلا سمرها ثم الباب وان الريح نسناسه معطر= واثرها نفحة حياتي روحها وفوحة زهرها بس طلت لي بدمعٍ هلته كالغيث لمطر= كل دمعه تنطق الآهات وترسم لي صورها قلت لاياروح روحي ياعسى ماجالك الشر= ليه؟ دمعك تنثرينه من عيون اعشق نظرها واسمحي لي ياحياتي لاتهلي دمعك اكثر= خايفٍ كثرت دموعك ترسم فخدك اثرها واسرعي بالعلم كله لجل انا قلبي تخدر= لوتأخرتي دقييقه اعلنت روحي سفرها قالت امس حلمت بانك في سفينه وتبختر= وانت ربان السفينه واغرقتم في بحرها وصرت اصارخ مابيدي حيلةٍ غير اتنظر= لين شفتك فوق حوته ابحرت وانت فظهرها وقمت من نومي اصيح اقول ابي حلمي يفسر= واخبروني بانها بنت بجمال الله بهرها تاخدك مني وتترك حبنا دون اتعدر= وآآه لوشفت السعاده غامرتك وهي غمرها وخايفه هالحلم يوقع لجل انا حلمي تعبر= وخايفه بان المفارق الشهر هدا شهرها وابتسمت اقول قولي من على مثلك تكبر= وينه اللي حب مثلكياحياتي ثم هجرها ياحياتي كل شيٍ فيك لاهل الحب يسحر= والهوى نفسه وصوفك يعلم الله ماحصرها وصدقيني دمعك العابر حلاته طعم سكر= وبسمتك عينن رأتها ولل يامطول سهرها ولمستك تبري جروحٍٍ منها الدم يتخثر= ونظرتك تشفي قلوبٍ مالقوا طب لضررها وانت مامثلك رأيت ولا سمعت ولااتصور= وحالفه عيني لغيرك مايقديني بصرها ولو طلبتيني فأقصى الكون جيتك ماتأخر= لجل انا فيه محبه ماحد قدامي دكرها في غرامي مالحق معيه ولد شداد عنتر= ولو درى بوصفك وزينك دك عبله في نحرها ولو درى قيس المهول عن وصوفك وبتدبر= كان اخد ليلى فحرالشمس عالصحرا ودهرها وقام يامرها تحفر القبر يظرب ويتأمر= ولنتهت يرمي بها فالقبر حيه ثم قبرها وكل هدا بقدر بفرقاك لاوالله ماقدر= لا وربي لو بحور الارض جفت مع نهرها |
السلام عليكم ورحمة الله وبركاته....
ارجو ان تنال هده القصيده اعجابكم,,,,,,,,,,
قال المثل من جد باادن الله وجـد=ولأحدٍ يلوم النفس بعد جهودهـا ماهــر ابونــــابياهاجسي حضر وعجل واستعـد=وروحي تمد الجود من ماجوهـا هيا تغنـى بالقوافـي واجتهـد=لجل الوطن قود المعاني فودهـا يعيش ابو متعب اسد ولد الاسـد=خادم بيـوت الله وكـل وفودهـا يعيش ابومتعب لخلاقـه سجـد=حاكم يشرع الله فكـل حدودهـا يعيش ابومتعب على عز وسعـد=سعـادةٍ للافـئـدة وجسـودهـا يعيش ابو متعب وكلٍ لـه شهـد=والعدل والاحسان حنا شهودهـا يعيش ابو متعب بلا عـد وعـدد=وصوفه اللي طيبها من عودهـا يعيش ابومتعـب مليـكٍ معتمـد=ماهمته بيض الليـال وسودهـا يعيش ابومتعب تواظـع وانفـرد=بالحب من شب الجموع وعودها يعيش ابومتعب مجيـبٍ للنجـد=كل العرب والمسلميـن يرودهـا يعيش ابومتعب رفع ذكـر البلـد=حامي مصادرها وكـل ورودهـا يعيش ابومتعب فميقافـه صعـد=مثل الجبال النايفـات حيودهـا يعيش ابومتعب ليا جات العقـد=بحكمته حـلال صـم عقودهـا يعيش ابومتعب ليـا دن الرعـد=مرسي مريع برقهـا ورعودهـا يعيش ابومتعب وخصمه في نكد=دايم خصومه غبنهـا فكبودهـا يعيش ابومتعب ويسلمه الحسـد=حرق العيون الحاسده فجلودهـا يعيش ابومتعـب عزيـزٍ للابـد=له منزله فالقلـب دوم نزودهـا وياخادم البيتين حنا لـك سنـد=ذخر الحروب اللي عريب جدودها حنـا سيوفـك فاللقـا مانبتعـد=حنا السيوف اللي رهاف حدودها لاجات فاقه شيبٍ وشـب وولـد=نرقى الجبال اللي عسير صعودها حب الوطن زايد على روح الجسد=لابانت وجيـه العـدا وجرودهـا نوقف براية ربنا الفـرد الصمـد=حتى نريعها بطحـن حشودهـا والربعه اللي خانتك بعد الوعـد=تلعن فمحياها وجـوف لحودهـا خان الوطن ولخير موطنا جحـد=واخلف مبادي ملتـه وبنودهـا بعد النعم صارت حياته في كبـد=والروح هانوها ونسو منقودهـا اهل العيون الحاسـده ام الرمـد=تعمى وتحشر داميـه بلهودهـا ويامن رفع سبعٍ طباقا بلا عمـد=تحفظ ديار العز بـآل سعودهـا هذا كلام الحربي اللـي فالعهـد=يوفي بربـعٍ ماتخـل عهودهـا |
أبدأ بذكر اللـي لـه الخلـق تركـع=اللي خلق للشمس مغـرب ومطلـع من هـو بيـده يضرخلقـه وينفـع=سبحانه الخلاق ندعـي بـأ ساميـه ألفت بحروف الهجاء بعض الأبيـات=أبيات شعـري حمّلـت بالوصايـات رتبتهـا ترتيـب حسـب البدايـات=في كل حرف أوصي وصيه وتنبيـه والباء بنيت اللي علـى قـد عرفـي=فاللي أنـا جربـت ظاهـر ومخفـي واللي سمعته مـن رجـالٍ ماتهفـي=في قولها تصـدق وتثبـت مباديـه والتاء ترى كـل النصايـح ثمينـه=للـي عرفهـا تنفعـه فـي سنينـه يفهـم مقاصدهـا وربـي يعيـنـه=حتى يعرف اللي يصيبـه ويخطيـه والثاء ثنين اللي من الصغر ربـوك=تعبوا عليك وداخل القلـب حطـوك وليـا مرضـت لكـل دكتـور ودوك=والكـل منهـم قـال يالله تشافيـه والجيم جل الرب يآمـر بالاحسـان=للوالدين وحبهـم ضمـن الإيمـان آبوك وأمك حطهم وسـط الاعيـان=كلٍ تشيله جـوف عينـك وتحميـه والحاء حياتك خلها ترفـع الـراس=بالطيب والقانون تمشي مع النـاس واللي يمد الماس جـازه بالألمـاس=وراع الوفا خلـك معـاه وموافيـه والخاء خساره كان خاويت الانـذال=اللي مع العربـان شينيـن الافعـال مابين كـل النـاس مقدارهـم مـال=كلٍ يشيـل الشـر داخـل مخابيـه والـدال دور مـن خيـار الرجالـي=اللي عزيز النفس فـي كـل حالـي الصقـر دايـم موقعـه فالجبـالـي=الصقر ما يرضى الحديـه تخاويـه والـذال ذيـك المسكـرات وتبعهـا=لاتنبلـي فيهـا تضيـع فوجعـهـا وش حال ذاك المدمن اللـي قبعهـا=في كل يوم يشـوف موتـه يناديـه والراء روحك عزهـا مـن مهدهـا=قال المثل من عـز روحـه وجدهـا خلك عزيز النفـس تلقـى سعدهـا=وترى لباس العـز مااحـدٍ يوازيـه والزيـن زور اهلـك وزاور قريبـك=وارحامـك اللـي دائمـاً تعتزيبـك وليا قطعت الوصـل ربـي حسيبـك=من قاطـع الاقـراب ربـي يجازيـه والسين سيّر فـي دروب الشجاعـه=خلك مع اللي لـم شمـل الجماعـه اصحى تفكـر فـي دروب القطاعـه=ترى الردي كل العـرب مـا تدانيـه والشين شارك مع جماعتك بالطيـب=خلك معاهم كـان جـات المواجيـب وليا لفاك الضيـف قـود التراحيـب=واكمل وجوبه من وجـودك تبديـه والصاد صاحب صاحـبٍ مايخليـك=وقت اللوازم قال انـا بيـن اياديـك مابين كل النـاس بالحيـل مغليـك=اللي مـع العالـم يشرفـك طاريـه والضاء ضروري تصبر فوقت الامرار=الصبر مفتاح الفرج وقـت الاقـدار ويعينـك المعبـود خـلاق الاثمـار=اللي خلق عبده من الشـر يحميـه والطاء طريق الكبر من هو مشابـه=مكروه بين النـاس مـا فيـه ثابـه من هو تكبـر غيـر يلقـى عذابـه=يوم الحساب الكبـر ماهـو منجيـه والظاد ظلـم النـاس زورٍ وبهتـان=لااحدٍ يجي للظلم لو كان مـا كـان اللي مشى فالظلم بالحيـل خسـران=لابد يوم العـرض تظهـر خفاويـه والعين عد الصـدق فاللـي تقولـه=خلـك فشـرع الله وسنـة رسولـه اللي يجي با الكـذب تهفـي ذلولـه=معروف دوم الكذب مقصر خطاويـه والغين غـادر عـن دروب النميمـه=خل العلوم اللي علـى غيـر قيمـه ماانته محصل غير ذيـك الهزيمـه=اللي غلط فالناس ماانتـه مسويـه والفـاء فـؤادك لاتـرده حـقـودي=خلك سمـوح وخـل قلبـك ودودي مالـك ومــال مكثّـريـن اللهودي=اللي يشيـل العلـم واللـي يخليـه والقاف قلبٍ صاحبـه مـا يدانيـك=لاتضمنه لـو ينثـر الـورد فيديـك في وجهكم يازيـن هرجـه يسليـك=وليا مشيت يقول ذا فيـه وذا فيـه والكا كلامك في حضـور الرجاجيـل=لازم يثمـن قـل تبديـه بالقـيـل هرج الملامه مايضـوّى محاصيـل=مايكسب الا اللوم في وجـه راعيـه والـلام لاتسمـع كـلام النفـاقـي=اللـي يبيـح السـد نـازل وراقـي بعض العرب شغله يلـف الطراقـي=أمـا يجيـب العـلـم ولا يـوديـه والميم مالـك لاتمـده بـلا قيـاس=تبسط يديك وتصبح فحالـة افـلاس والبخل لاتمشيه تُكره مـن النـاس=لكـن هـذا الأمـر خلـك مساويـه والنون نوّرقلبـك بـروح الايمـان=تلقى السعاده فيه بأشكـال والـوان وتنسى هموم القلب لوكـان حزنـان=لجـل السعـاده كـل هـمٍ تسرّيـه والهاء هدرت الوقت لاويـن لاويـن=كـلٍ يتـوب ويرفـع اليـد والعيـن يطلب من المعبـود يهديـه ويعيـن=والله يحـب العبـد لاجـاه يشكيـه والواو وجّه قلبـك وكـل مـا فيـك=يمـة الـه الكـون يالله تعافـيـك اطلب من المولى عسى الله يهديـك=والرب لامن تاب لـه عبـد يهديـه والياء يجي فختـام قـول القصيـدة=ذكر العزيـز اللـي خلقنـا عبيـده نطلبـك ياالمعبـود جنـه سعـيـده=يا الواحد اللي كلنـا فـي رجاويه |
السلام عليكم ورحمة الله وبركاته....
الكواكـب فـي فضاهـا ساريـاتـي=فـي فضاهـا حكمـة الله سيرتـهـا وســــــــــــــــــــــــــــــــــــــلااااااااا ااااااامتكــــــموسيـرت فـالارض كـل الكايناتـي=سايـره فيـهـا لـيـومٍ تاركتـهـا وسـارت ايـام السنـه كالثانياتـي=السنه تقفى السنـه تطـرد سنتهـا وتنتهي اجيـال بعـد اجيـال تاتـي=في نـزول تـزول تنـزل منزلتهـا وكم امم راحت وصـارت ذكرياتـي=في عقـول النـاس تبقـى سالفتهـا ودوم يبقى المجـد واهلـه فانياتـي=في سطـور المجـد للـي سطرتهـا وكـل ربـعٍ مجدهـا يلقـى ثباتـي=صفحـة التاريـخ تشهـد ذاكرتهـا لـي ربـوعٍ قسمهـم بالمكسبـاتـي=فالمواقـف كـم طـالـه كاسبتـهـا عزوتـي بنـو صـروحٍ شامخاتـي=من قديـم الوقـت ربعـي شيدتهـا ذكرهـم واق الـرجـوم النايفـاتـي=بالشـرف والعـز والعليـا رقتـهـا مجدهـم مثـل الجبـال الراسياتـي=راسيات قصورهـا اللـي سيستهـا مستعـزٍ مجدهـم طـول الحيـاتـي=كل صفـه تـورث اللـي سابقتهـا اسمهـم معـروف باهـل الاولاتـي=يشهـدالله والخـلايـق شاهدتـهـا حرب ربعـي مـن رجاجيـلٍ ثقاتـي=حرب ربعـي كـل طالـه عاشقتهـا حرب حرب اهل الحضوض المربحاتي=فالحـرابـه والمـلاحـم رابحتـهـا حرب حـازو فالحيـود السابحاتـي=والمحيطـات وبحرهـا سابحتـهـا حـرب حلتهـم حـلالٍ ناصحـاتـي=حاسيتـهـا بالتحـيـه واحتمتـهـا حـرب حـزات الحمايـل حامياتـي=تحتمـل حمـل الحمـول وحاملتهـا حـرب حكمتهـم حكـومٍ محكماتـي=حكمـة الحكـام حكمـه حاكمتـهـا حرب حرفين الحـروف المفصحاتـي=حرف حرفيـن الحرابـه باسلحتهـا حـرب حلياهـم حـرارٍ جارحـاتـي=والحـرار المستصحـه صحصحتهـا حرب مصحين العقـول الراجحاتـي=وحيـل حلحيـل الحبـال محلحلتهـا حـرب لاحـارت رحاهـا طاحناتـي=للحريـب اللـي حياتـه سرحتـهـا فالسنيـن المرهبـات المظلمـاتـي=العفـاريـت الطغـايـا طوعتـهـا عزمهم ياطـا الـدروب المعظلاتـي=ماوقفتهـا عـن مناهـا مااوقفتهـا مايهابـون الحلاحـيـل العصـاتـي=والصواقـع فاللـقـا مازعزعتـهـا ولايحسبـون الحشـود الزاحفاتـي=لوتـزيـد اضعافـهـا ماحسبتـهـا دون حرب ان راحت الدعوى وجاتي=بيعـت الـروح لولاهـا واشترتهـا لاارتفع صـوت العـزاوي للعزاتـي=كـل الاصـوات المغيـره سكتتهـا غـارة الحربـي سيـولٍ جارفاتـي=شتت جمـع الجيـوش وعسكرتهـا بالمنايـا حاصـروا كـل الجهـاتـي=وبغتـتٍ مـن فوقـهـا ولاتحتـهـا وان قـروا بالزلزلـه والنازعـاتـي=تنـزع ارواح العـدا مـن زلزلتهـا خصمهـم فوقـه نجـومٍ طالعـاتـي=كم نجـومٍ عـن سماهـا زحزحتهـا لونجـوم ابـن الهلالـي والزناتـي=حاضـره فالحـرب ربعـي غيبتهـا يوم ظربـات السيـوف الكاسراتـي=تعرف سيوف الحـروب بصلصلتهـا لينـت صـم القلـوب القاسيـاتـي=وارهبـت روس الشبـاب وشيبتهـا الغضـب فـوق السبـاع العادياتـي=والفنى فـال الجمـوع اللـي لقتهـا والعمى كحـل العيـون الحاسداتـي=والظما موت الحلوق اللـي غزتهـا والنفـوس ام الطماعـه نادمـاتـي=ودهـا تغلـب وربـعـي غالبتـهـا اقبلـت للكسـب واقفـت خاسراتـي=اولات الخـيـل تـاطـا فاخرتـهـا وحرب ربعي مـن رجـال النايباتـي=سلـم وسلـوم العـرب ماسيبتـهـا محتميـن الصـادره والـوارداتـي=والوجـوب اللـي عليـه كملتـهـا من كرمهم نطقـوا صـم الحصاتـي=ماتحـب الـروح للغـيـر اثرتـهـا والوفـا مـد اليمـيـن الطايـلاتـي=لـو علـى مثقـال ذره ماانقصتهـا وطيبهم خضـر غصـونٍ يابساتـي=والضمايـا نخـوة الحربـي سقتهـا وفزعـةٍ تفـرح عيـون ٍ باكياتـي=واجلت همـوم الحزانـا واسعدتهـا ماضـيٍ حاضـر سنيـنٍ مقبلاتـي=ربعـتـي عاداتـهـا ماغيـرتـهـا فطاعـة المولـى عليـم الغايباتـي=وسنـة الهـادي محمـد حافظتـهـا لاالـه الا انــت رب المرسـلاتـي=خالـق الارض وعلمـت بماطحتهـا لك سجودي لك ركوعي في صلاتـي=وانتـه العلـم بروحـي وامنيتـهـا المنـى ليـت ولـعـل الامنيـاتـي=ترتفـع رايـات قــومٍ نكستـهـا عاكـس التيـار تغييـر القنـاتـي=شفـرت والحـر يعـرف برمجتهـا قال راع العز عـزي فـي عصاتـي=والقهـر قبضـة يدينـه كسرتـهـا حسبـي الله عزهـا اضحـى فتاتـي=باقـيٍ لليـوم عشـره مـن ميتهـا من جبل سينا ليـا النهـر الفراتـي=خمس اصابـع يـد تقطـع فانملتهـا وحبهـا دارت عليهـا بالرحـاتـي=فوقـهـا دارت رحــاةٍ طاحنتـهـا وضلع باقي مـن جبالـك يالسراتـي=وباقي الضلعـان ساحـت فاوديتهـا مـن سحابـه مظلمـه بالمرعداتـي=هيمنـة فـوق البيسطـه مرعدتهـا خرجـت معهـا ثـعـولٍ خافيـاتـي=فارض عيـنٍ راع اللبـاب سترتهـا واحيت غصون الغـروس الخايناتـي=غرسةٍ فالشرق والغـرب غرستهـا وامطرت فـوق العقـول الغافلاتـي=وكـم روسٍ مـن مطرهـا غسلتهـا وطأطأت بالراس واضحـت هايناتـي=تحـت حكـم القـوه اللـي هاينتهـا الرعاه اللي تحـت عـزى ومناتـي=ضيعوا اصل الرعايـا اللـي رعتهـا ان جمعهـم سيفنـا لجـل الثباتـي=بانـت النفـس الضعيفـه مشكلتهـا كل ما قال اصبحـي ليـه السباتـي=شقـرت بالعيـن فيـه وحمرتـهـا لجـل عيـنٍ عندهـا سكـر نباتـي=بدلـت عيـن الكـرام لمصلحتـهـا شارةٍ صارت هـدف كـل الرماتـي=بين عين وعين الاخـرى سقطتهـا ماتشـوف الا خطـايـا الغاليـاتـي=غاليات بقربهـا لـو هـي شنتهـا ولاتشـوف ولاتحـرك ساكانـاتـي=فالفعـول اللـي تسـوى ماانكرتهـا واحليلـك يالعـيـون الساهـراتـي=كـل ماقلـنـا تكحلـهـا عمتـهـا كحلهـا حلـمٍ فضمـن المعجـزاتـي=دامهـا مـلـة محـمـد مهملتـهـا لو اجاج الملـح والعـذب الفراتـي=فالبحـر هاجـت وعـدت برزختهـا مستحيـل يعـود جمعـك يالشتاتـي=وللسـراه تعيـد ماضـي سلسلتهـا لا خسـاره ليـه اشفـر هالقناتـي=زبـدت الاعـلام دايـم خاتمتـهـا مايفيد الصوت فـات الركـب فاتـي=يعني اقـرو فـوق الامـه فاتحتهـا |
صلاة ربـي عالنبـي الشفيعـي=محمد اعطـاه الولـي الشفاعـه وايقت في دنيا فضاها وسيعـي=واقول يادنيـا عليـك الوداعـه عزاه ياهـذا الزمـان الفظيعـي=شيب براس الطفل وقت الرضاعه والوقت عود في مداره سريعـي=وفي كل يوم نشوف شين فطباعه احدٍ تعـلا فـي مقـامٍ رفيعـي=بالمال ماهو بالكرم والشجاعـه واحدٍ شجيع ولالقي له سميعـي=رجـال لكنـه بلتـه المجاعـه واحدٍ عطاه الله خيـر ويضيعـي=واحدٍ فقير وملتـزم بالطواعـه وكم واحدٍ بالغش يشري يبيعـي=ومطففٍ كيله وغـش البضاعـه وان قلت يحرم قال هذا طبيعـي=هذي تسمـى فالتجـاره براعـه ولا عاد تلقى للامانـه وديعـي=إلا القليـل موقفيـن القنـاعـه ويامكثر اللي جاحدين الصنيعـي=ارضٍ صبخ ماتنقنـي للزراعـه وابليس وايق واعتلا كل ريعي=بين الولد وابـوه سبـب قطاعـه وكلٍ تشيخ قال انـا مستطيعـي=مالي عضيدي فالرخا والشباعـه راح الملاقا والنهـار الشنيعـي=كلٍ لحاله مايبـي لـه جماعـه وكم واحدٍ طعناه عيَـا يطيعـي=واللي بعيد يقول سمـعٍ وطاعـه وجيلٍ بدا من صغر سنه يصيعي=وقام يتعلم في فنـون الصياعـه للغرب صـاروا أمعـاتٍ تبيعـي=ولا النبـي مافكـروا فاتبـاعـه ممصوخ لا سني ولاهو بشيعـي=يختٍ مع الامواج يلعب شراعـه وحتى الجبال الصم خوفي تميعي=من كثرة اهل الفسد واهل المياعه والخوف من ذيبِ تولى القطيعي=يصلخ وياكل مانوتـه الشباعـه الظاهر انه يفترسهـم جميعـي=مادام فعيونه يشـوف الطماعـه اما رحم ربي بصقـرٍ شجيعـي=ياطا على كبده ويكسـر ذراعـه ان صار قلنا جاء الهنا والربيعي=ولا على الدنيا نقـول الوداعـه |
ياهجوسي حضري عنـدي مهمـه=ومن حديث المصطفى اكتب سياقي الجسد واحد يشبـه مثـل الامـه=لا اشتكى عضو اشتكى ماكان باقي وآه من قلـبٍ تزايـد فيـه همـه=هم من آه وآسى الشعب العراقـي كـل مسلـم امرهـم امرٍيهـمـه=امر شعبٍ دمـروه اهـل النفاقـي في ظـلام الليـل دكتهـم مطمـه=جولهم بالجو وجيـوشٍ طراقـي ودمـرو كـل المساجـد والأئمـه=وذوقوهـم كـاس مـر ولايذاقـي وآه يامنظر يزيـد القلـب غمـه=غاض قلبي واحترق منه احتراقي منظر الطفل الرضيع فحظـن امـه=حاضن امه مايبي منهـا الفراقـي وجتهم سهوم المنايـا مستجمـه=وماتو الاثنين في وضـع العناقـي من هو اللي حلـل بدمهـا ودمـه=يسفكون بدمهـم ظلـم وسراقـي وظلمهم في كل بيت يـدب سمـه=يهتكون اعراضهم غصب وتماقـي ولالهم غيـر الدمـوع المسلهمـه=واصبحوا في حال مـر ولايطاقـي حالهم حال ابكمٍ واعمـى بصمـه=ظاميٍ جيعـان مكتـوف بوثاقـي في سموم القيض مافوقـه معمـه=ولاتوقى من حرور الشمس واقـي ولالقي من هو يلـد العيـن يمـه=وغرغرت روحه تحت عظم التراقي والسبب من بوش ياربـي تخمـه=خمةٍ اسرع مـن جنـاح البراقـي هو وابوه وخالـه وجـده وعمـه=ولاتبقـي مـن سلايلهـم بواقـي وتنكب اللي عاونوه بغيـر ذمـه=تلعن احلافٍ تخـاوت باستباقـي ويالله اجمع شملنا المسلـم ولمـه=والمياه تعيد في مجرى السواقـي وبسم ربي ابتـدي قولـي وأتمـه=وطالبينك رحمتـك يـوم التلاقـي |
اباانتظر****
ابا انتظرك تعود فالميعاد الاول لي ولك=نفس المكان اللي جمعنا وانت كنت المنتظر في واحة" انت الذي احييتها يااحلا ملك=والا من اول قاحله لا عين فيها ولا شجر ابا انتظر عند الورود اللي شذاها مال لك=بين العيون اللي بكم ماها تفجر وانفجر تحت الغصون ام الوروش اللي شجرها ظللك= وانته سقيت جذورها ومدتك بالظل والثمر اللي جنت لك نفسها من دون تجني جات لك=يوم الطيوراللي على الاغصان طيرّها القهر ماتجهله ذاك المكان اللي ابد مايجهلك=فالليله اللي غير انا وانته تحت ضوء القمر أبا انتظرك هناك مهما غبت عني بمهلك=ابا امهلك يالين سكرات المنيه تحتظر مهما تحدتني ظروف الوقت ماني مهملك=اصبر كما صبر الصحاري تحتري وبل المطر حتى ولو جسمي نحل,والقلب من همي هلك=حتى ولو حتّ الهدب والرمش وانحت الشعر تدري بأن العين تصرخ بالدموع اشتقت لك=ماهمها ألا شوفتك قدام لا يعمى البصر وتدري بأني لا غفت عيني فؤادي فز لك= وافزلك, ليت و لعل انك تعود من السفر ومع طلة الصبح اسأل النسمات وينه منزلك=وليّا اشرقت شمس" سألت شعاعها, هل من خبر؟ ماجاوبت لين الغروب وبانت نجوم الفلك=واسأل دخيلك بشّري, واجلي همومي والكدر وانظر لمطلاع القمر ,قبل اسأله قال اسألك=وين الحبيب اللي على نوره تعودنا السهر قلت إنتظر ,وانا انتظر ,مكتوب لي مكتوب لك= بفراقنا الوالي امر,والله حكيم بما امر واليسر من بعد العسر,وعسرالدروب تفك لك=والصبر مفتاح الفرج والله يعين اللي صبر |
اخواني اعضاء ملتقى حرب الرسمي ..تعلمون ماحصل في الملتقى من احد جاحدين المعروف ويدعي انه حربي واستطاع ان يدخل فيروس على الموقع ويقفله عن الكل الا القليل القيل وذالك من ثلاث ايام ماضيه وكل مااردت الدخول للموقع لا يفتح بل تفتح صفحه غريبه ومكتوب فيها. Haghed by hakar qsiim وهذا الناتج...........
رحمة الرحمن فوق المسلمين= جعلنا ممن غشتهم رحمته ونعمة الرزاق فوق الشاكرين= من شكر ربه يزيد فنعمته ولعنة الجبار فوق الظالمين= كل ظالم يستحق بلعنته ونقمة القيوم فوق الحاقدين= نقمته ثم نقمته ثم نقمته قلتها واقولها طول السنين= كل حيا" فوق الارض بخلقته السعيد اللي على تقوى ودين= ماسعى خلف الهوى في دنيته والتعيس اللي مع الفاين يفين=تحت حكم ابليس كنه دميته والشجيع اللي على سمن وسمين= والعلوم المكسبه من شيمته والذليل من الخلايق اجمعين= شاتم" دينه وشاتم ربعته لا بحولها يسار ولا يمين= لعنبو رجل" يضر بعزوته سود الله وجه كل الجاحدين= جاحد المعروف مااشين عشرته سود الله وجه كندوس" لعين=ماهو بحربي عسى الله يبهته علموا كل الحروب الغانمين= يوسمونه بالنقى في جبهته وعلمو هم عن فعول ابا الحصين= ولا يغر اباالحصين و خربته وبالنعال يذوقونه لطمتين= ويطردونه بعد سحب بطاقته |
شوري للملتقى....مهم جداجداجدا
ياسلام الله سلام الله على اهل الملتقى=ردة" مثل العسل وأصل العسل فلحونها البقى ثم البقى ثم البقى ثم البقى=البقى يالربعه اللي ثابتات ركونها حرب ياربعي نبيها مثل حزات اللقى=ننتف رموش العدا لا حمرت بعيونها حرب ياربعي على درب الشجاعه والتقى=كلمة" بقولها والطيبه مضمونها لا رقينا بالمعزه ملتقانا ذا رقى=نوصله فوق النجوم ولا نحوّل دونها ودنا شمسه على كل الكواكب تشرقا=معلم" واضح على كل النجوم فكونها بالسلوم وبالوصول وبالموده والنقى=دولة" نمشي على دستورها وقانونها كل واحد في منابه من روى عده سقى=ولا تبارك شجرة" ماضللت بغصونها واتركوا من هو كلامه طاق طاق وطربقى=ينلطم وبضاعته مردوده فكرتونها ولا تساعدنا على درب الشجاعه وش بقى=مابقى الا المكسبه والمكسبه تشرونها والعلوم ميسره من دون جهد ولاشقى=والمعالي بالعزوم ومثلكم يصلونها وامرهم شورى وشيروا شوركم فالملتقى=والامانات الثقيله مثلكم مامونها |
دفاع عن النبي محمد بن عبدالله صلى الله عليه وسلم
ماعبدنا الا عزيز(ن) خالق ارضه والسما=السما فوق السما والارض من تحت ارضها ولا تبعنا الا الامين الحق بالحق اوسما=الشفيع لأمته لا جات الامه عرضها بلغ المرسول بالدين الحنيفي وسما=نوّر بدينه وانارت طول الارض وعرضها مايجي مثله مثيلا" فالصفات ولا السما=حسن خلق وحسن خلق" عاجزين بعرضها نزهه ربه ولااحد" ينقصه لو كاس ما=للطيور وللبشر حتى الكواكب برضها وتبت يدين المسوخ اللي تسيْء وترسما=بصلة" فسد وفساد وراد ربي حرضها كم امم من قبلهم كانوا طغاة" جسما =لا تطيع المرسلين ولا تصلي فرضها بأنبيتهم ضاحكين" فاكهين" بسما=واستحقوا بالعذاب اللي تسبب قرضها قوم نوح المغرقه بأمر الولي الحاسما=مانفعها شركها وزود العناد بعرضها وعاد بالريح اهلكوا جتهم ثمان"حسما=وصيحة" افنت ثمود وبدل الله مرضها وقوم فرعون اغرقوا جوف البحور العسما=وقوم لوط الله خسفهم بعد عاثت عرضها ماتعجزون العزيز ويالعزيز القاسما=قد رضيناك الأله انصر عبادك وارضها حاصبا" ينزل عليهم بالعذاب من السما=واخسف جموع المسوخ ومور الارض بأرضها |
ايا امي^^^
مليك الملك كل الكون ملكه=له الاكوان والافلاك فلكه خلقنا الله على شان العباده=لوحده لا شريك" له فملكه صلاتي له صيامي مع زكاتي=وحج البيت بيت الله فمكه ونتبع سنة الهادي محمد= على هديه بريحانه ومسكه بفعل الواجبات وكل سنه=وترك المنهي المأمور تركه فطاعة ربنا وطاعة رسوله =نطيع الوالدين بغير شركه واوصى الله بر الوالدينا=وجناح الذل يخفض مانلكه لجل جنه تحت اقدام امي= وامي مؤمنه من غير شكه حملتني تسعة اشهر في حشاها= شهور" قاسيه ضنكا وهلكه تنام تقوم تمشي في تعبها= تدوس الهم بالصبر وتدكه وتسهر ليلها بحملي مريضه=ولا يوم اشتكة مني مشكه تعد ايام حملي بالاصابع= ليا يوم" بقي للحلو تكه ليا جاء يوم ميلادي تصبّر = لحمّل" يكسر الظهر ويفكه وتنسى كل ألمها لا رأتني= وضمتني ومسكتني بمسكه بمسكه كلها رأفه ورحمه= وحنانن ماانقطع لليوم سلكه وبديت اول حياتي في عناها= تخاف من الهوى جسمي يحكه فآلامي واوجاعي وهمي= معي دايم ولهمومي شريكه وتقضي يومها لجلي حزينه= وتبكي لو تنوش الرجل شوكه وربتني على الدين واصوله= وقالت لي هواك احمه وزكه تعلمت الكرم والعز منها= وبحسن الخلق حبكتني بحبكه وشرفها زادني عزه وهيبه= بعز النفس سبكتني بسبكه واخذت الطيب منها والتواضع= وعقلي محتكم منها بحنكه وقطار الحب بالمفهوم سقته= وطيب القلب للمحبوب سكه ومن يوم الرضاعه والطفوله= الين اليوم ماجزيت توكه ابي لي نور وانا ماعنت امي = بغيت البحر ماجمعت بركه سهيت فدنيتي واتبع هوايه= نسيت الدين وحسابي فبنكه ولا ادري هي تعشت ماتعشت= سليمه هي او فأخس وعكه ولا اهتميت وش ناقص عليها= جحدت جميلها من غير ملكه ياامي اسمعيني لو دقايق= وبعينك انظري في كل حركه حليبك كان احلا شي عندي= بلاش كليم بلا نيدو وميلكه الين اليوم عايش من حليبك= ماادور كبسة المزه وبكه ولافاد اللحم ولا المشاوي= كبابه كارهه كرهان بيكه ولا تنفع ايدامات ونواشف= ولا تنفع ملووخيه وويكه sory.. هذا ترى اعلان فاصل= ابي منك ابتساماتك بضحكه ياامي جيت لك والحب فيني= يحرر قدسنا وحيفا وعكه ياامي جيت لك ندمان صادق= ماني بمهرج" يلعب بسركه ايا امي لك حب" عميق"= كقطر الشمس سمك الارض سمكه يهيج الحب في قلبي كبحر"= عصوف" اغرق الامواج فلكه ابد مامثله فأنسن وجنا= وكل الخلق بعرابه وتركه ياامي سامحيني سامحيني= خطايا طفلك وجهله وافكه رجيتك سامحيني سامحيني = كبيره او صغيره دون تركه ليا ضقتي مفتح كني اعمى= فخوف ورهبه وهايم فربكه تعيس وكنني عايش فظلمه= فغرفه بابها مكسور لكه ياامي اصفحي والعفو منك= يفك الباب قدمي مايصكه واعيش بدنيتي كلي سعاده= رضاك يفكني من كل ضنكه ياامي ثم امي ثم امي= فدتك الروح في هذي وتلكه بعد روحك وش ادور بروحي= ماابي روحي بعد روحك بثنكه |
عقيد الخيل يعطيك العافيه على هالنقل شاعرنا ماهر(ابوسعود الحربي) صح لسانك ماقصرت شاعر معروف وجزل (اللهم اجعل شرورهم في نحورهم) |
الخليل الوافي
وحليلك يالخليل اللي صفا مع خله=مايجي بيني وبينه كبر حبة خاله كل ماحول بليس يخلخله ويخله=أنلطم واختل مخ بليس في خلخاله كل شي" زين يسخاله ولا يبخله= نكهته مثل العسل من راسه لخلخاله كلمته تشبه نسيم الصبح مابه خله=وطلته احلا من المصباح مع مدخاله لاحكى كل الاذاني صاغيه توخله= وان مشى كن الجبال لمشيته توخاله لا حضر كل العيون الناظره ترخله=والزهور لرمش عينه عطرها يرخاله الطيور لبسمته من جوها تدخله= والنجوم لنور وجهه ودها تنخاله لاشكى جات المزون بغيثها تسخله= وان بكى حتى البحور بعونها تسخاله لا يخل ولا يخون ولايجيب الخله= ما تخيله الخيال ولا قدرت آخاله يكفي ان البرق ابوه وذا الربيع اخله= والشفق هذاك عمه والقمر ذا خاله |
كل جسم بثوبه وطبيعته
رضينا بالقدر خيره وشره والقدر مكتوب=عسى ربي يجملنا ليا جتنا مكاتيبه تركنا الدرب الايسر وانقفل به بابه المنكوب= وباب" مايشرفنا نقفلها لواليبه نحفظ الدين والسنه يالين الموعد المحسوب=على درب الشرف والعز والمعروف نمشيبه وارد النفس لازاغت عن الممنوع لو مرغوب= وابا العن سافل الشيطان لا جاني يهذريبه واعزز صحبة الوافي واكمل راعي الماجوب= وارد الدين لأهل الدين رد الدين ياطيبه وابا اسمع دعوة الطلاب واسمع دعوة المطلوب=ولا اهتميت الى اقربهم بحكم الحق واقضيبه ومن يفرح لي افرح له ومن يغضب قهر مغضوب=ومن يضحك لي اضحك له يالو عارف هناديبه بعد شفت الزمن هذا تقلب قالب ومقلوب= شمر عن كل ذرعانه وبدت تشمر عراقيبه ولا اقول السبب فالخلق ولا اقول الزمن مسبوب= اقول اصل البلا فأهل البلا بلوى وتبليبه ليا من جيت امثلهم بلبس كل جسم ثوب= بفصلها بطبايعهم عليهم قدو قاديبه اشوف الظبع في غيّه صغى بحنيكه المسحوب= يفتش جرح هذا وذاك ونسى جرحانه وعيبه وعمى يالشيبه اللي سمها من عينها مصبوب=تضر الخلق جعل اللي خلق ينقفك يالشيبه واشوف الثعلب الماكر يحاول صيدته بلعوب=يغره لين يامن له ورمشة عين يغديبه والا ياحيرتي يالنمر كنه بالشرك مقضوب= وابوزهير متفنعر يسندبه وينحيبه وشاهدت الكلاب الحمر تبيها ضارب ومضروب=تنابح للأسد بالزور والبهتان والغيبه ولو شفت الزرافه ماتحسب بطولها محسوب =تراها غير رزة راس بالفاضي تباهيبه ويموت الثور مايفهم مايدري شرقها وغروب= ماغير يناطح الثيران ويرعى في مظاريبه والا يالسارق التمساح سرق مال العرب بسلوب= رماله طعم طمعم ومن جاله يهلويبه والا يالحوت في بطنه يكرفس طيب ومحصوب =يعوم البحر حلال وحرم بلع ماه ودباديبه واشوف الداب والحيه تدور فالظلام دروب= ليا بان الضحى تندس ولا جاء الليل تسريبه وطبع العقرب السودا تسم قلوب ضد قلوب =تفرق بين خلق الله تودي سم وتجيبه والا يا ام القرين اللي تحمل بالذنوب ذنوب=ترز قرينها للشر تصبح به وتمسيبه وارى الافعى لها سلطه ترز الراس والغاروب= يبل حليقها الطالب لجل ياخذ مطاليبه واعرف ان الطيور اشكال تغنى باللحون طروب= ماغير الصمقه مامعه منتوج"يغنيبه وعجيب ابو حقب مغتر معرط له على لعسوب=لقيها ميته ويقول ذكتها مخاليبه وصحيح ان النعامه تختبي ورويسها محجوب= لكن المشكله فذنيبها للكل توميبه ولا كنت احسب ان البوم فميقاع الصقور ينوب=لكنه من تهاويل الزمان ومن ذواريبه تهاويل" تهولنا تجي من كل حيد وصوب= واقول المسعد العاقل وعقله مايغويبه واقول اللي عرف قدره مقدر فالعرب محبوب= ومن يترك مواجيب العرب تترك مواجيبه واقول اليوم من يسلب ترى بكره يجي مسلوب= دايم من يسرح علم لابد العلم يضويبه يبان الزرع من نبته اذا صاحي واذا مظروب=وكل انسان من زرعه يبي يحصد مكاسيبه ومن يبغى بناه يدوم يسيس بالحجر والطوب= ومن يبني على الطينه عليه تطيح اطانيبه |
فهمت الحال
اقود الشعر من مجد" كسبته=من الاجداد موروثا" ورثته اعوم بحوره اوزان وقوافي=حبكت الوزن والماقف حبكته تسير افكاري لغزر المعاني= ليا جتني هجوسي به حكمته حكمته واحتكم معنى ومغنى= ولا صدقبها قلبي نطقته كذا سارت هجوسي يم غزه= بعد هيضني انسان" صدفته لقيته بالهموم اللي تهول = بنظراته وعبراته عرفته سألته ياعزيز الدار علم= وقال اسمع جواب اللي سألته فلسطيني تحداني زماني = وعيّا لا يطاوعني وطعته وحالي مثل حال الشعب كله= بحال" يسمعه اذني وشفته اشوف الموت زلزلني برعده= وحضرت سكرته لين احتضرته فليل" قد جعله الله لباسا= يطير النوم من عيني وعفته تحت ضرب الصواقع والمدافع= بكيت اللي سكن بيت" سكنته بكيت اهلي وجيراني وربعي= وبكيت اللي فغيباته فقدته وبكيت اللي على الطالات ضاري= وبكيت اللي يسرك لا زبنته انا ابكيهم يالين الشمس تشرق= وتجلي ليلنا المظلم وحمته شروق الشمس غفله من عدوي= اكفن من فقدته ماغسلته ولو شاهدتنا وقت المفارق = ولو شفت الرضيع اللي دفنته يشيب راسك ورمشك وجفنك= وخلط دمك بدمعك لا نثرته وتزول الشمس والضميان ضامي= ما رد بجابته لوقلت وش انته وغروب الشمس عاد الليل الاظلم= فهمت الحال ولا مافهمته حياة" مظلمه ضنكا زهيده= عذاب" لو فحلمك ماحلمته وذقت المر ممن قد سقاني= بكيفه ما هو بكيفي شربته تحت سكين من صنع اليهودي= صلخ جلدي بلا ذنب اقترفته غزاني واحرق الديره واهلها= ظلمني والغجر قالوا ظلمته شياطين" على داري تفلّت= بليس وشلته وامه واخته الاطمهم وانا متروك وحدي= وزاد الحمل حمل" مااحتملته ونخيت امة محمد وتركوني= ماغير ادميت لي جرح" نبشته وكل" قال حالي دون حالي= يخاف يطيّر عقاله وبشته وزهمت اهل اليمن واهل الشمالي= ولا جابني انسان" زهمته ولا ليه رجا الا في الئهي= ولا غيره يجيبك لا طلبته بنصره ينصر الناصر عباده= وكم مضلوم ياربي نصرته وانا مؤمن وايماني سلاحي= ابا ابقى دون داري ماتركته اذا مت احمد الله بالشهاده= وان عشت اسمي وديني حفظته حفظت الحال قلت ايوه حفظته= ختمته بسم خالقنا ختمته |
الخليل الجاحد
زل عني ياهوا زل بهمومك ورا= بعد ماهوّل بعقلك بليس الاعورا= واشتبك بك واشتبك واعماك كبرك والورا= (((وجيت تستغفر لذنبك مالذنبك مغفره)))= انت فقرت المحبه من بعد طول الثرا= كيف ابا اجمع حبي اللي في بحورك منثرا= بعد مايبست غصن" جذوره فالثرا= (((لو تستغفر لذنبك مالذنبك مغفره)))= كيف توقف لي على دربي كما طلعة كرا= كيف تسقي بالمراره من سقاك السكرا= كل ماألعب لك اكك تحرق ورق بالجوكرا= ((( لوتستغفر لذنبك مالذنبك مغفره)))= يوم تهجرني وتتركني وجرحي مابرا= فعلتك مااظن يرضاها الغجر والبربرا= كل ماقلبي شفا تلدغه لدغ الكوبرا= ((( وجاي تستغفر لذنبك مالذنبك مغفره)))= تدري ان الموت من تحت التراقي غرغرا= واانت تلعبي وتنقزبي كنقز الكنغرا= فأبتعد عني ذليلا" بل تعيسا" صاغرا= (((لو تستغفر لذنبك مالذنبك مغفره)))= آآآه منك وآآآه آآآه وآآآه منك اللي جرا= جفت دموعي وهمي مع عروقي قد جرا= ان ربي لايذر عبدا" كفورا" فاجرا= (((كل مااستغفر لذنبه عاد بعد المغفره)))= لاانت king ولاانت كسرى ولا انته قيصرا= لو تسلبك الذبابه شي مالك ناصرا= باصم" بالعشر من ابهامها للخنصرا= ((( لو تستغفر لذنبك قلت مابه مغفره)))=] |
الخبل ماتعجبه غير الخبلة
سبحـان خــلاق العـبـاد اجـنـاس=ولافيه راس الا خلق مـن سـاس والراس دايـم عزتـه مـن ساسـه=وراس" بليـا سـاس ماهـو راس مـا فـيـه طـبـع الاشبـيـه لمـعـدن=شفت المعادن في طبـوع النـاس والفـرق مابيـن الذهـب والفضـه=دنـه ليـا جـاء الــلازم الحـسـاس وقول الصحيح نفرقـه عـن كذبـه=عذبـا" فــرات ومـالـح" نـقـراس وراع الكرم واللي شحيحه نفسه=عــد" غـزيـر وعــد دوم يـبــاس والفـرق مابيـن الشـرف والـذلـه=فرق السماء عن صبخة" تنداس كــل" يغـنـي قـــد عـرفــه قـافــه=ولافـيـه شــي ألا ولــه مـقـيـاس مـابــه رعــــد الا بــعــد بــراقــه=ولا بـه بـحـر ألا، ولــه غـطـاس والقـصـر مايعـمـر بــلا عمـدانـه=والبـنـك مـايـتـرك بـــلا حـــراس ولا فـيـه عـقـل الا يـلاقـي مثـلـه=مطابقـيـن الـطـبـع والاحـســاس الخـبـل ماتعجـبـه غـيـر الخـبـلـه=ومن قدهـا تحسبـه عقـد المـاس وفذمـتـي يالـزيـر سـالـم صـيـتـه=مايشتـهـر لــولا ظـفـر جـســاس |
نحمد الله على سلامة ولي العهد
بالعقـيـدة والشريـعـة والسـلـوم المستقـيـمـه=اسس ابن سعود ساس الدار والخطة رسمها بالشجاعـة والبراعـة والشهـامـة والعزيمة =صممت ثم تممت بسـم الزعيـم اللـي وسمهـا واستمـدت واستعـزت بالسبـال اللـي دسيمـة=حـر سلمهـا لحـر وحـر مــن حــر استلمـهـا لاتـزول ولاتــزال بحبـكـة الـسـاس القديـمـة=والتطـور والحـضـارة بالامـانـة فــي ذممـهـا بالعـدالـه والامـانـة والنـوايـا الـلـي سلـيـمـة=عمـت الـدار الامـان وعـمـت الـكـل بنعمـهـا واعتلت في عهد عبدالله عسـى ربـي يديمـة=يكفـي انـه خـادم بيـوت الله وخــادم حرمـهـا وفالعهد سلطـان عـز الـدار لـه كلمـة وقيمـة=الصعـاب يحلـهـا والمكسـبـة بسـمـه ختمـهـا فالمواقـف وقفتـه مثـل الجبـال اللـي عظيمـة=ظلهـا عــز لـولاهـا وحرها لـلـي دحمـهـا يستشيـر ويستشـار وشورتـة دايــم حكيـمـة=حكمـة الحكـام حكـمـة والــدة عقـلـه حكمـهـا هيبته مثل الرعـد يـوم الرعـد زلـزل رزيمـة=خرت قلوب العدا واهـل الحسـد ربـي لطمهـا وطيبتـه مامثلهـا الا طلـة الصـبـح ونسيـمـة=شاذيـات طيورهـا وزهورهـا شـاذي نسمهـا نحمد الله في سلامة راعـي النفـس الرحيمـة=كم نفـس معقلـة، مـن رحمتـه سـارت قدمهـا مزبن المضـدود والمحتـاج باليمنـى الكريمـة=مادرت يسراه عن يمناه وش حاصل كرمهـا كاسي النفـس الفقيـرة كافـل النفـس اليتيمـة=والعيون الباكيـة مـن جـود عطفـة ماحرمهـا قــد اراد الاجـلـة ويبـشـر بجـنـات" نعـيـمـه=ومن عمر بنيان ربه مايسـاوى بمـن هدمهـا |
الساعة الآن 06:17 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir