|
سلام ياهل المنتدى
سـلام يااهـل المنتـدى ...تسليـم مسـلـم واقـتـدى..بعد ارتدى..ثوب المعزه واهتدى...درب الهدايه و الرسول = عـداد سـنـد تسنـدى...وعـداد قـطـرات الـنـدى...ندٍ ندى ...للي يجيبون الندى...في منتدى قـوم الفعـول= بالطيب طيبه عطرا...مثل العسل لاقطرا...والسكرا...وبرق السحاب الممطرا...فصل الربيع احلا الفصول= والــورد ورده مزهرا...والـزهـر زهــره مثـمـرا...والكيـف هيلـه مبهرا.....احـلـى تحـيـه واحـتـرام = والثانية= جاب الحدايه واحتدى...بسلوم شاعر مااحتدى...ثم ابتدى...هـذا الخبـر للمبتـدى... وانتـم لبيبـيـن العـقـول= حسب البنود تبندى... اربع زنـود تزنـدى.. وتجنـدى...تسعة عشـر بمهندى...فـي سـرج واثنينـه خيـول= مثـل الذهـب بالقنطرا...سـطـر القصـيـد مسـطـرا...كالعسكرا... قافه يسرالخطرا..والهم من قافه يزول= وابغـى الجـواب المبهرا...واقـروا بعيـن المجـهـرا..ميـم" الـف هـاء" ورا... اخــر كـلامـه بالـسـلام= |
حربي ولي الفخر ماهر الحربي
حياك الله واهلاً وسهلاً ويجاوبونك الأخوان مايقصرون ان شاءالله وصح لسانك وبيض الله وجهك تقبل تحياتي ودمت بخير |
حدايا جميله جدأ
صح لسانك مليون |
|
اهلا وسهلا ومرحبابا بك
لاهنت |
صح الله ابداااانكم وشكراااااااااااااكم
|
الاخ القديرماهرالعصلاني
صح السانك مددا بلا عدد وبيض الله وجهك ورفع قدرك وشانك تسلم مليووون على هذي الرائعه بروعة حضورك الغالي تقبل تحياتي وتقديري |
صح لسانك ............... والله يحفظك ويزيدك ويحميك ........... والله انك نومستني وانا اخوك ... شكر
|
الله يحييك ياجميل والنوماس مثلكم رااعيه
|
تصفحي لموضوعك على اذان الفجر
لي عوده وان شالله اذا رجعت ومارد عليك احد عصرت مخي لين اجيب اللي يجملني معك ان شالله |
الله يحييك ياابوغلا وانتظر عودتك
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
حييت يالحر وصح الله بدنك |
اخي الكريم صح السانك وبيض الله وجهك
لكن لي ملاحظه السرج ماياتي على اثنينه خيول مادمت انه سرج الخيل المعروف بالسرج لابد ان يكون لكل خيل سرج لحاله وشكرا وبالتوفيق انشالله |
الله يحييك يالبيرق المنصوور وجهة نظرك احترمها
وانا موجه الزوماله على شكل الغاز مدغمه بداخلها واريد الرد عليها بالطريقه نفسها وانت تسالني عن واحد من الالغاز |
والله ماني مناطحك ياماهر داهيه والله اني ما اعرف لها الطواريق ولا ودي ارد عليك ولي الفخر لكني مع الاسف اجهلها وهذا طبعنا ياهل نجد هههههههه
|
تكفي المشاركه والمرور الكريم
|
والله اني بذلت الجهد وانا اخوك .. اتمنى اني تجملت فالرد
يامرحبا باللي بدا..ترحيب لبينا الندى.. لك بالندى.صوب الهدف على الحدى.. حسب العوايد والاصول وراد نده ينهدى... بالطيب لك في منتدى..طرق الحدى..نداه لبا للندى..قول وفعل فعل (ن) وقول الشي بالشي يذكرا.. وانت بطيبك تذكرا.. يالي سرى.... بالطرق طرقه ينشرى.. اصل الغصن اولا الاصول مصدار طيبه مصدرا..والعود وسط المجمرا..قدناه لك بالمبخرا... لعله نول المرام شاعر ولابوه اقتدى.. ماجبها بالاعتدى... لا لا ولا تو مابتدى.. والناب من دونه تحول جند جنود وجندى...قند قنود تقندا..وتسندى..والعند يبشر بعندا..والغز له في اسمك حلول مما طرالي لك طرا.. خطر وجاي يتمخطرا..... كالقنطرا.. حال الحلال او حال دونه من يحول هل ياترى او اولم ترى .. من بعد مالعقل انهر.. صاب الهدف والاورى هات الكلام الي يطابق للكلام |
صح الله السانك ياجميل بن حميدان
وفيت وكفيت ياذيبان |
بذلت مجهودي مجهود فاطري====وماللفتى بعد الاجتهاد لايم الله يبيض وجهك وماقصرت وشرفنا ردك تشكر على اهتمامك وردك |
صح لسااااااااااااااانك يابوناب لاهنت
|
الساعة الآن 09:11 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
