البارحه مرت علي افكار=من واقع الوقت الذي عشناه
راحت سنين الجوع والاخطار=مير البلاء في وقتنا شفناه
رحنا طعام وحوش لتجار=رحنا فريسه يا الله المشكاه
بين الطمع والغش صار وصار=حق المواطن ضاع من يحماه
والدعم زاد النار يا ستار=كن الرقابه زودت بلواه
ثلثين شعب المملكه محتار=ماعاد يقدر يشتري لغذاه
اليومه اليورو مولع نار=فالصرف والتصريف ما نقواه
وريالنا مربوط بالدولار=ياشرنا يا ويل لنا ويلاه
بعد الزياده طارت الاسعار=خف الريال وغليت المقضاه
صار الرخاء فا بلادنا تذكار=الجرح مبطي والزمان ادماه
شوفو لنا صرفه قبل تنهار=قواعد السيسان من مبناه
واقع نعيشه والبيوت اسرار=بيته كتبته واتضح معناه
تكفا وتكفا يا مليك الدار= الشعب صابر والغلا يأ حداه

المشاركة الأصلية كتبت بواسطة علي هليل الحربي (المشاركة 263850) سعد لافي صح لسانك وبيض الله وجهك قصيده رائعه موضوع مهم جداً وهاجس الجميع جشع التجار لامثيل له والله يعين هذا اللي نقوله تقبل مروري

المشاركة الأصلية كتبت بواسطة أحمد الحربي (المشاركة 263851) تكفا وتكفا يـا مليـك الـدار الشعب صابر والغلا يأ حـداه اخوي سعد لافي صح لسانك وعلا شانك00 قصيده معبره عن واقع مؤلم نمر به جميعاً! تحياتي لك 00 تقبل مروري

المشاركة الأصلية كتبت بواسطة أحمد بن ناحل (المشاركة 263854) صدقت والله ياسعد صح لسانك وبيض الله وجهك شاعر مبدع بمعنى الكلمة دائما تتناول الأحداث بوقتها في قصائدك دمت بخير

المشاركة الأصلية كتبت بواسطة سلطان الغيداني (المشاركة 263950) صح لسانك .. وبيض الله وجهك .. والله يفرجها ..