|
ديوان الشاعر تركي العبيد الشاماني
بسم الله الرحمن الرحيم
اخوووواني هذي قصيده قديمه لكن ان شاااء ستنااال استحسانكم واعجااابكم
بديت بسم الله والله محمود=محمود فوق العرش عينه بصيره الحمد لله كل مانحمده زود=زاد النعم فوق العباد الفقيره البارحه هبت عليه هواء النود=واشعلت من فوق المشاريف نيره الدله اللي تجعل الراس مقعود=فنجالها مايقعد الراس غيره فكري بعد سليتها جابلي فود=وامسيت هاكالليل عيني سهيره واليا ذكرت الناس طقيت بالعود=جمر الغضا يالين يلقى مصيره ياليت بعض الناس ماهو بموجود=اللي مع الشعبان يشعب حميره بعض العرب مقرود مقرود مقرود=لاجاب عوجا قال ياناس خيره وبعض الجماعه كنه السيف محدود=مع سلته تفرج علي العسيره وبعض الجماعه كنه المزن بالجود= وبعض الجماعه بندقي والذخيره ربعي حماة الدين يومنها سود =واحكامها ضرب السيوف الشطيره واللي تمنى ان الجهل كله يعود=لو عاد ذل ابا اليدين القصيره تبيني اعلمك بالعلم ياحمود=تحمد الله بعد حكم الجزيره الله رزقنا في حكومة بن سعود=والله جبر كسر اليدين الكسيره مرحوم ياعودن حكم قبله العود=انا اشهد ان العود جاب الكبيره وانا اشهد انه عقب نمور وفهود=يشهد له التاريخ والله نصيره يالله عسا باب العنا عنه مسدود=ويالله عساله جنة الخلد ديره وسلامتكم |
بسم الله الرحمن الرحيم
.
ياصبح لاتصبح وياليل لاتغيب=ويانجم غيب البدر ضوه اباني وياذيب لاتمشي على جرة الذيب =0يمكن بعد مشيك عليها تهاني وادلتن مع شربها نوحي الطيب=والفكر مع سوق الفناجيل زاني اقلط عليها مع طوال الاشانيب=اهل الكرم ومقلطين السماني في مجلسن مال النذالا مشاريب=دوارة الزله على المودماني لو قلت كيف الحال يااهل المواجيب=بالسم الاحمر في كلامه كواني اقدر على زلاتهم مير لي عيب=وعشرن بلا ثنتين ترجع ثماني رجلن على الزلات ماني له مجيب=ولاهو بسيفن لي ولاهو سناني وناسن على النمات بين الاصاحيب=عزالله ان مقابلتهم هواني الصقر حام وفك عوج المخاليب=يوم الارانب انكبتها الاذاني وشكر لكم |
السلام عليكم ورحمة الله وبركاته
ياعنك بعض الناس ماهو برجال=لاشاف ظله مـن هوانـه يذلـي لقلته بمـلا يدينـك مـن المـال=يحب رجلك جعل مثلـه يولـي ليا ركب فوق الفرس قال خيـال=وليا نزل قال الاويفه اخون لـي يقول صلو ياجماعه على الحـال=نصاح وانه ياعـرب مايصلـي جبان ساكت واكوع القول لقـال=ولاهو بشيخن وجهه ابيض يهلي يقول طلنـا فالمعالـي ولاطـال=والناس ذولي كلهم تحـت ظلـي يبتر يمين الحق هابـي وميـال=سيفه على وجهه الرفيق يسلـي يابنت دربن فيه الانذال تحتـال=ماهو بدربن لي ولا منـزل لـي لعل شجره ماتحت فرعها اضلال=عروقها تحـت الثـرى ماتبلـي من يشتكي دنياه لايتـرك الفـال=مال الحياه من التصاريف ملـي ومن يظلم الاجواد يالـو مثقـال=يلقى الظلايم كلها فـي السجلـي يارجم ابا اعديك لاضاق بي بال=واجيك عجل اليا تذكـرت خلـي واشب ناري فوق راسك ليا حال=دون القمر غيمن ولانـي مكلـي بابعد ولالي في سواليف الانـذال=اللي على كسب المراجل تزلـي ولاجاك من طلقين الاشناب عيال= اخبرهم انه من وراثـه محلـي الصقر له فوق المراقيب منـزال=والذيب صوته من سطاوه يجلـي لعل دارن حلهـا لابـس الشـال =الغيث من عالي سماهـا يهلـي يصبح عليها الغيث بالجود همال=والارض من عقب الضما تستهلي وتونسه دنياه وتزيـن الاحـوال=والنوق من نبت البـراري تفلـي |
ياناشدن عنا ترانا رياجيل=عنداللزوم شيوخ وصقور وقضاه اماجهمنا الصبح والاسرى الليل=على قعودن نذبحه ونتعشاه معنا حطبنا والدلال ومعاميل= وابهارنا ودلال صفرن مسواه مانحرق البنه ولاننقص الهيل= كيف النشاما بعد دقه حكرناه واليا عزمنا لاجل شرب الفناجيل=نكسر يمين اللي تقهوى بيسراه جدانا من فعلهم تتعب الخيل=وسيوفهم ماهي على الجور مصلاه حربن على الكايد مكيده ولاميل=على الضعيف ولو تعزوى بعزواه كبوه ربعي لان مثله مع السيل=-يروح كنه يابس الغصن في ماه ماهو جمل يبرك على الحمل ويشيل=ياشين وجهه يالمخاليق شيناه وليا نشدتوني فانا القال و القيل=مادناه والكذاب ياقوم مادناه لك طلعتن على المجرات ياسهيل=سبحان من علا مكانه وسواه الارض جفت وابرهه راكب الفيل=ولااعتبر باللي يشوفه وشفناه لابارك الله فيك يامنقص الكيل=ياكبرها فوق الموازين كبراه يلقى حصيله في جهنم وفي ويل=ويجر صوته جر ويلاه ويلاه الادمي لويقضي العمر تهليل=يلقى اللعين اللي على الجور يحداه |
قصيده نشرت في مجلة الوجد العدد12
ريـم ياريـم الفـلا وقـت الربـيـع=ضاق قلبي كيـف اصيـد بـلا سـلاح ضاق صدري واحسب ان صدري وسيع=مادريت ان الهـوى ضـرب الرمـاح اتمشـى واتقـهـوى وســط ريــع=واعرف الجـم الهمـاج مـن القـراح التفـت يميـن مـن حـول القطـيـع=شفتهـا بالعيـن والفنـجـال طــاح كنهـا بـدرن مـع الظلمـاء يشـيـع=نورهـا البـادي كمـا نـور الصبـاح وقّعـت فالقلـب اشـد مـن الصقيـع=لانـزل واقفـت تبـاريـه الـريـاح وقّعـت واشـد مـن شـوك النقـيـع=وسط عين اللي مـع البـل ماستـراح علمـوهـا والحقـايـق لاتـضـيـع=علمـوهـا ياعسـاهـا لـلـصـلاح علموهـا الـحـر يقـفـي مايطـيـع=لـو تصيبـه صايبـه تحـت الجنـاح علموهـا الذيـب لـه فعـل وصنيـع=يتعـب الاقـدام فالبـيـد الصـحـاح |
ياراكب اللي من اليابان واردها=مخصوص مفحوص مايحتاج تجديدي طحطوح ممدوح كل البيد يسردها=يطوي خطوط الوطن من دون تحديدي لاتلها السايق اللي مايهاودها=والجيب ماهو ضعيف يبور ويهيدي كن الفيافي رضيه يوم يهجدها=يعبد خطوطها للربع تعبيدي لونه بعد صب فوق الارض باردها=اشهب من الملح من بطن البواريدي ياسالم اسمع علومي يوم انقدها=من يوم ماطاب لي ضرب العباريدي الجادل اللي ذكرت العلم بددها=ولاني بندمان في مخصورة الجيدي مابي اخذها لعل القوم تهجدها=مدام ابوها ولد من نسل تقليدي استغفر الله ليه انذم والدها=اقول ياخوك لااذمه ولا اشيدي واختامها لو يدي في الارض اوسّدها=ماقلت لاهل الدراهم سم ياسيدي |
بسم الله الرحمن الرحيم
البارحه ياضلع وانته للشموخ اقرب مثال=عديت بك واقفيت عن ربع النميمه والحسد [/QUOTE]واشغلت فكري بالقصيد وحبك فنجال الدلال=واشعلت نارن تدفي اللي من هواء طابه برد ياضلع وان جاء للشعر واهله وتمثيله مجال=والله لاقف بينهم وقفة سبيل بن سند اليا وقفنا تهتز الارض العظيمه بالجبال=واليا قعدنا نار لاتقرب من النار ابتعد واليا هجدنا ربنا الله مانحط الظلم فال=واليا صبرنا اخير للواقف واخير لمن قعد هنا خطر لاتقربون من الخطر والسيل سال=لاشفتني دون الجبل وين انت رايح ياولد عطوني الغليون ابا اعمر وابا وجه شمال =وببتعد وارزم لحالي لين ياتيني مدد الشعر في سلمي كما راسن على المتنين طال=ان حدرو حدر اسد وان سندو سند اسد وماهو بيت من الشعر للذعذع النسناس مال=شوف السماء مع كبرها ماهي على طنب وعمد ماكل من يارد يبا يارد على الجم الزلال=ولاكل من يلقا الزلال يجيب منه ليا ورد العام صدنا اللي يقولون العرب صيده محال=يالين قلنا طير ياطير السعاده والسعد حنا هل البل يوم في البل موت نفس وزود مال=وحنا شربنا المرجله يوم المراجل بالجهد ماهي سوالف كذب تجمع من جنوب ومن شمال=حنا كسرنا اربع بيارق يوم جونا فالبلد ياضلع انا ماني بواقف لي على جرفن هيال=وابوي علمني ماخون امع الرياجيل العهد |
السلام عليكم ورحمة الله وبركاته
انا سعودي والفخر للسعودي=ويكفيني اني نازلن وسط طيبه وسلامتكم[/QUOTE]بلد على السنه واهلها تذودي=والموت دون الدين ماهو غريبه نرد قول مناصرين اليهودي=لعل تشرك روسهم في مصيبه البنت في حمية عيال الاسودي=اميرتن والبيت ماهو معيبه حسبي على اللي قال لازم تقودي=والرجل لازم يتخذله حبيبه ياويل من يسمع صياح القرودي=يصبح وفي عقله ثمانين ريبه الله يشهد والخلايق شهودي=والقبر له وحشه وظلمه مهيبه ياعنك مانبلش بقدح الزنودي=لكن نبلش بالعين وصليبه يوم استظلو تحت ظل العمودي=يبا يسوي فوق راسي طليبه وين البوم يوم اعتراك الجدودي=فالهند والا وسط ديره قريبه لعل يومن جابهم مايعودي=اهل الوجيه البايزه والغضيبه قلته وانا الحربي وهذي ردودي=ونفسي عزيزه كيف ابرضا غليبه الله يامر بالستر ياوجودي =والبوم يبغا البنت تصبح غصيبه يالله انا عبدن وببذل جهودي=وكلن على ماقيل يلقى نصيبه |
ياذيب وان طبيت دار الغنم عيش=واخسى ليا مريت دار النمارا وياصقر طير وطير ثم افرد الريش=وافزع ترى سمنت بعدك الحبارا تنعق بعدنا حايمات المغابيش=وتكبر بعدنا صارخات النهارا يامسلمين الله هوى قدرنا ليش=عند الصليب اهل الخنا والدعارا ماكن عرضن من تلاعيبهم نيش=ولاكن في الاجواد من قبل عارا حالو على دارن سكنّابها طيش=لين اسفحو دم النقا بالعذارا ماكن فالديره بعد حولو جيش=ولاكن في روس النعارا نعارا يالقدس صرنا للملاعين تمشيش=والاّ ورا مايهدمون الجدارا!! اليا صرخ بغداد ماقلت له ويش=اصم وابكم لو تعادوا جهارا وادارنا صرنا عليها معاطيش=وادارنا خير الهواء والديارا ماهي براس الضبي..مابه معاريش=من دونها قصف العنى والعمارا حتيش لو هنا من الوقت حتيش=بكره يمين القوم تصبح يسارا |
شعرة اخو سفيان لو نرضابها في كل حيـن=كل الحبـال اللـي ورا متعقـدات انحلهـا يابنت والله وقتها مانشتكـي جـور السنيـن=لـو الدهـر مالـه مـع الله حيلـةٍ يحتلهـا يابنت من بعد الحضورالزين يقفـاه اللعيـن=غبتي وانا ماني براعي دمع لاجـل اهلهـا ليه الغياب اللي جرحني يوم انا جنبي متيـن=وليه ابتعادك هزنـي هـز الـزلازل كلهـا ليه القلوب الذابله ماعـاد يسقيهـا الحنيـن=ليه الاحاسيس اهملـت والـود مايوصلهـا عطيتكي كل الغلا وانتـي كـذا ماتعرفيـن=انـك ليـا غبتـي دروبـي كلهـا مادلهـا انتي غزالن وسط قلبي كـل ليلـه ترتعيـن=دونك بنادق زاهبه وسيوف شهـب انسلهـا انتي كما شمس النهار اللي بعدهـا مايبيـن=الا اظلال اغصانها اللـي ماتلاشـى ظلهـا شوفي سواحل بحرنا ماعاد فيهـا سايحييـن=اقفوا وانا اللي كنت خابر دقهـا مـن جلهـا امواجها قامت تلاطم عن يسار وعن يميـن=وانا الغريق اللي انثنى من دون حق اون لها شوفي سمانا مظلمه يابنـت الآا ماترحميـن=شوفي اراضينا بعد عيـا السحـاب ايبلهـا يابنت روفي وارجعي والا اسمعي لاترجعين=الله عليـكِ حالتـي بديـت صـدق املهـا صحيح فقدك حاجةٍ عظمى وانا جرحي ثخين=لكن ابصبر حلهـا ماهـوب عنـدي حلهـا |
الحمد لله ذكرنا شاع شاعي=لين صار الراي من فمنا يطاعي مانحرم للعرب ماحله الله =ولا نحلل للولد بنت الرضاعي عبدنا الله لين الناس ضاقو= وجانا من توال القوم ناعي يبون الكفر والكفار واجد= ولا فيهم ولا رجال واعي ترى الاسلام منهاجن ومله =ولاهو حق ماعنا يذاعي عرفنا كل دين ويش عنده =ولاللعلومهم ياقوم قاعي عجز ابليس يعبد في الجزيره =ولاكنه على التحريش ساعي وبعض الناس مثله فاللعانه =عسى في عينهم شوك النقاعي وبعد الارض ينقصها الاهي =من الاطراف حان الانقطاعي انا سني وجدي عاش سني =ومات ولانزل عقبه شراعي يرد الطايفات بكل حجه =ويركيها على نجس الطباعي |
راح الرجال اللي تعرف الرياجيل= ماعاد فيه الا بزوره يبابون لقلت جاك الضيف قم اذبح الحيل =قامت توجه وجهته لتلفون خمسة عشر فنجال صبه بلا هيل =وخمسة عشر رجال شربو ويدرون وليا سالته وش على شاطي النيل= قال العيون اللي تخليك مجنون وليا رثمته قال انا مثلي حليل =قال الله الله واسئل اللي يعرفون ابك اص ياوجه الردى بارد الحيل =لاصك في وجهك ثمانين صعنون اما اشربو شرب الهياما من السيل= والا انطحو شارون وعيال شارون الناس مادري مع عماها مهابيل =والا سفها والا خفافن يطيرون ياكم ذقنا من اليهود الغرابيل =وياكم هدو والضعيفن يبنون ياشعيل انا بنشدك ياويش بتشيل =والحمل فوقك عشره وعشرة طنون يالله يارحمن ياعادل الميل =فك الاسارى من مغارات صهيون يالله عليهم ترسل الطير ابابيل =وانزل بعد طير الابابيل طاعون بيطلع الدجال فيهم وياويل =من يتبع الدجال رادي ومغبون ثمن تبا تتعب على كرها الخيل =وعيسى ابن مريم يزعم اللي يصلون ثم يقتله عيسى لو انه بلا حيل =ويكسر صليب الروم والروم يوحون ثم يدفعون الجزيه الوزن والكيل =ثم يذبح الخنزير والله في العون وياجوج تظهر كنها السيل وتسيل =ويدعي عليهم ابن مريم ويفنون عيسى نبي الله عبدن وماقيل =فامه وفيه القول باطل وملعون الله ربي خالق الصبح والليل =ماله ولد سبحانه مدبر الكون يالله عساي اسلم من النار ويزيل =الهم يومن المخاليق يبلون |
يابنت حبك صابني منه وسواس= اطيح وآقف وازعل الناس دونه ازعل والي مني زعلت ازعل الناس= وارضى ليا مامس راسي مهونه يابنت قلبي من تواليك حساس =والين من القطن اللذي تعرفونه عامين حبك ينكتب فوق الاطعاس= لين العرب من هيبتي مايجونه من بعد ماكنا على الطيب جلاس =اليوم دوب اشوف ضحكة سنونه الوم من يجهلك00ياخبث الانجاس =كيف القمر وسط السماء يجهلونه لاباس ممنوع العتب صدق لاباس =لو العتب في ذمتي يشترونه خنجرك ماتاوي ولاعندك احساس= بانت لك الله في جنابي اطعونه ياغصن ياميال مع كل نسناس= مال الحبيب وميلة الحب خونه ميل وانا حبري على كل كراس =اما اخذو والا اصبرو تسمعونه تركي ليا غنى هبى كل خناس= وارسى من الشم الشوامخ الحونه واختامها مايعلو المنكب الراس =لو يذكرون الناس مايذكرونه |
قصيده وجهتها لدكتور النحو وهو من الجماعه
ترى لو بوش بيحكم الجماعه=بحكم الشرع يحكمهم بساعه ولكنه غوى وابليس غاوي=طمع واعمى عيونه بالطماعه يجيب الفين منا والف منا=وضاق الكون كله باتساعه وامر الله نافذ لا محاله=ولو يصنع قويات الصناعه يحسب انه حسم كل المشاكل=خبيث الطبع مايترك طباعه وانا ماني سياسي مير اقوله=في قاعه ياجماعه واي قاعه والا ياقاعة النحو المبجل=همومي فيك مامنها انقطاعه ولولا ان الجميلي كان فيكي=رضع يالنحو من امك رضاعه والا يالنحو ياعقدة امثالي=قليل فيك زادي والبضاعه عليك الله واكبر يابن مالك=تعدل العوج وترد الاشاعه علي النحو كبر طويق والا=علي اكبر شويه ياجماعه واناسني واحب اهل العقيده=مع النكبات ماينزل شراعه ولي الامر من حوله حماته=وله من عندنا سمعن وطاعه والا يالعنة الله يالخوارج=عليكم واعساكم للمجاعه تبيحون الحرم واحلال دمه=وراكم يايهودي قينقاعه وعسى الله يرزق جنود الحكومه=سباعن من سباعن من سباعه وسلام الله على الشيخ الجميلي=جميلي في العطا ياكبر صاعه |
محاوله بالفصحى
جبلتُ على الفصاحةِ والبيانـي=فحلتُ الى التفـرد فـي كيانـي فبـتُ وباتـت الظلمـاء ليـلا=فراع القلب من وجل الحصانـي فصرتُ معزيـا نفسـي بشهـدِ=فارخى الخيل من اسف العناني فاطلقتُ عيني في السماءٍ مكبرا=الا ليت شعري مارايت حساني يقولون شهدا في الفراش طريحة=فايقنت اني قد خسرت رهانـي فلا علمن يسوء بنـا فارضـى=ولاخبرا يجـود بـه الزمانـي الا شهد اني قد هربت من الهوى=ولكـن الالـه قـد ابتـلانـي غيابـكُ ليلـة او بعـض يـومِ=اشد عليا مـن وقـع السنانـي صبرت بكل عزمـن فالليالـي=فصار الشعر موطنـه لسانـي اشهـدٌ مالـذي منـع التلاقـي=اخوف القرب ام بعـد المكانـي سليني فاني في العطـاء كريـم=وعودي فربي بالنقـاء حبانـي |
يابنت والله ماتـــــــــركنا المواجيب=ولاوالله اذكر في الحقايق جــهلنا يابنت يخسى الذيب ماهي عن الذيب=على النقاء من يوم خلقوا اهـــــلنا يابنت شوفي ماعلا عارضــــي شيب=هاكي عملكِ ثم هاتي عـــــــــملناااا عفنا بعدكِ كل زين الرعـــــــــابيب=لين ارتكا للجور واعيا جــــــــــملنا عزالله اني مالحقنـــــــي من الريب=ياكود ظن ابليس من بطل خــــلنا ياما تعدينا جنون المــــــــــــراقيب=يالين في راس الطويلات طــــــــلنا وغنيت ليت شوين تصــفا المشاريب=من قبل نلقا في المقابيل اجـــــــلنا وناديت ياذيب الخلا علنا الـــــطيب=ولولا اسلوم اجدودنا ما حتـــــــملنا ان عظت الرجال شهب الكـــــلاليب=ماحولو ربع الردى لين حــــــــــلنا حلنا عليهم بالقني والمشاعــــــــيب=وقلنا عليهم كلمت الحـــــــــــق قلنا لو بالدهر ياذيب ناب ومـــــــخاليب=شلنا مخاليبه ونابـــــــــــــــه وجلنا ياذيب حنا كاسبين الـــــــــمناجيب=تلقى عشاك ان كــــــان قمنا وصلنا ولديت وان الذيب حول الــمراكيب=يقول يابو عبــــــــــــــيد هذا جبلنا شب الغضا وانـــزل علىّ اللواهيب=ياتركي الحربي ترى الـــــبرد اكلنا ياذيب هاك العلــــــم خل المطاليب=وعلم غضيض الطرف من كان املنا ياذيب قله ماتبعنا اللــــــــــواعيب=وياليت ظنه في العرب ماشمـــــــلنا |
تعبت في دنياي والدنـــــــيا تــــــعب=وقفت عند اهوالها وقفة جــــــــــبل وبكيت لين الدمع سيــــــل للركــــــب=وحنيت ياجده على همسة امـــــــــل اليا هرجت ياقوم لله الــــــعجــــــــب=واليا انظرت من حولها نظرت خـجل الذ من قطف العــــــنب واكل الــعنب=واطيب على روح السقيم من العــسل عاتبتها لعل ينــــفعها العتـــــــــــــب=يالله دخـــــــــيلك من تعاليم الجـهل غابت وانا ماطاب لي نــــوم الـــعرب=اورد الافكار من خوف الزلـــــــــل واسال وانا في صدري الاقشر لــــهب=ياقوم ويش يشرب بعدنا ويــش اكـل وعادت وراح اللي بصدري من غضب=واقول بان الريم من شاني وصـــــل لكنها تبعد وانا صــــــــــــدري رحب=من عافنا ماني على وصله عــــــجل قلبي مابين احضانكِ ضل ونــــــــشب=بالله ياقلبي احتميه اليا صــــــــــمل وميلي عليه اليا تمايل من طــــــــرب=جسمي بعد قلبي تنوالكِ نـــــــــــحل خذيه لكن لاتخلينه حصــــــــــــــــب=وهاتيه اذا ماله على صدرك مـــــحل الحب نار وصرت من عرض الحـطب=اصيح فيها وانقذيني ياامل |
البارحه كثرت على الهمومي=وشفت السماء والارض مابينها بين وسلامتكموعديت بالليل البهيم الرجومي=لين استوتلي مايلات الموازين الحمد لله ماتربنا الخشومي=الا ليا منا نزلنا مصلين ياتركي العوجا كما الغصن تومي=تمايلت لكن ماهي على الزين اليا تركناها ثبور العزومي=واليا شقرناها تثور الشياطبن بواح سده يحسبنه كتومي=مايدري ان ابوه عاكف على الشين ووارطتي ورطة عقابن يحومي=لادحدروبه وسط دارالشوامين خلوه ينزل عن سنام الردومي=ربعي لك الله فالمواقف سلاطين ماوالله الدنيا عليهم تدومي=لو خيلت من فوق الاجواد عامين البيت من سيل المسيل امهدومي=وشلون يثبت دام بنيه على طين فالشر لابالله فاانت مخدومي=حدر وتلقا لك من الناس تسعين وان صمت قالو ياعرب مايصومي=وان طحت كثرت في ظهرك السكاكين وان قمت جهلن بالنقا والسلومي=صبرن عليهم لو تردا المساكين تبا الحقيقه ضافيات الهدومي=وتبا الحقيقه قولنا يعمي العين لاحيهم حين ويقضي لزومي=ولاميتن قبل يتوفى قضا الدين ياتركي ابن الشيخ ماني ظلومي=جاتك وتخبرنا مع القول جزلين |
تبغى تغلا مير بدري عليها = وتبغى تعلا مير ماهي طويله ماعاد ندري ويش تثمر يديها =يقطعك يابذرة يدين البخيله ان روحت والله مانرتجيها = طرد المقفي عند ربعي فشيله لاحول ياقلبن تقطع يبيهااااا=مايعجبه نوم العرب كل ليله ياقلب لومانمنعك ماتجيها=تنزل ركايبنا على امر الحليله الموت والسم الحمر في حديها=والهون فالاخرى ورا كل ميله عامن مضى محبته نشتريها=ونبرك لحملن غيرنا مايشيله يابنت كلمه قلتها لحتميها=لو ساق في حضن السراه ارتكيله ماوالله اذكر بالردى نبتيلها=حنا خلقنا الله لاجل الفضيله في مشلحي عن برد طابه نقيها=والوم نفسي يوم تصبح عليله وبالصيف من خوف اللهب يشتويها=تركب على ظهر الصبور الاصيله ظلن ظليل ليا مشت نحتويها=من خوف تلفحها السموم الثقيله اليا انظرت نظراتها مانعيها=واقول بان البنت هذي حليله واثري غشيم وليتني مرتويها=قبل الرحيل اللي تخفا دليله يابنت كل عروق تركي خذيها=حياه من دون المحبه جميله |
يابحر جيتك من فراغ وقلت ابا امرك مرور=لكن طولت الجلوس بحيد راسك في سحر اردد الاشعار والافكار في راسي تدور=والموج في مد وجزر والنور من ضو القمر جيتك وانا ماني مضرى للسواحل والبحور=ماعرف عنك الا قليل يقل وان اسمك بحر ماجيت ابشكي لك همومن ساكنه وسط الصدور=لو ان همي كبر ضلع طويق ماجاك الخبر اشتال حملي يابحر وانا مع الميله صبور=مومن بتصريف المهيمن والرضاء راس الصبر ومشيت لين اصبحت في شطر البحر والماء يثور=والموج يلعب فالسفينه والقوارب في خطر يابحر خفف موجك اصبحت وعليك اربع عمور=عند اللقاء الاولي لها ومن السطر موتن حمر الله مسلطها على روس العرب يوم القبور=شهب وزمانينن مضن يادوب يدفنها المطر ماعاد لي روحات يمك لو حدتنا الدهور=لو ان لاشفتك تذكرت الزمان المنغبر لاماج موجك في هدوء اذكر سريع بلا شعور=حب الحبيب اللي على صدري زلالن منهمر ابكي عليها دم واسال يابحر كل السطور=يخبرك عني يابحر سطر سطر سطرسطر ان صد عني شر بعده خير ماعقبه شرور=وان لدلي بالعين خير ويعقبه ياقوم شر |
البارحه جاني لعين منهرش=يالين صرت اسمع من الضيقه وشيش ان كزني من طنخ راسي قلت هش=وان سبني قلت اللعين يقول ويش ان شاف له ذيبن يقانب ينخرش=وان ذاق من مر الغضاره له طريش ادهشني الله يقلعه يوم اندهش=مني ومش رويسه براسي مشيش ان قام له نظره تبين في الغبش=يفرق الخيل الاصيل من الكديش اليا تسند نعبو حيه عطش=واليا تحدر قال يابن الناس طيش هيمان من سود الليالي منكمش=واليا مشا تسمع مع المشيه كريش يودني لكن من بعد انكرش=ان كان ماضر العرب خله يعيش لولا الطناخه وسط ربعه يبتلش=يوسم على خشمه وفي خده لطيش ماقلت له ياكود ماحب الغشش=خل العلاقه طيبه يابو نشيش ان جيت في سوق الشواوي والدبش=اسمع لعلك ماتقوم ابطش بطيش من يوم شفتك تنثني مثل الحنش=وتفح لين افح ثم تنغش نغيش قلت الله انه ياخذ العود الهشش=يريح الملعون في ظل العريش اليا تولشك الوليش من الولش=راسي يشيش وراسك الاغبر يشيش ياقوه صبره لتظاهر بالطنش=تقدح عيونه شر لاشاف الوليش يطشني عند الكهوف اليا طفش=ويطير للرجم الطويل بدون ريش عمامته فوق الكتوف ابو حشش=يقش من حوله من العالم قشيش اليا هرج من فوق راسي ينفقش=حكيم ينبش علمنا كله نبيش اليا سالته تعلم الغيب؟ارنبش=والغيب عند اللي خلقنا يالغشيش خدشت قلبه يوم مثله مانخدش=واصبح بعد لديت له هش وخريش |
الساعة الآن 04:57 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir