والله أني من اللي صار ماني خلي=عفت دنياي عقب اللي يعزونها
الثنين اللي بقلبي غلاهم ملي=والصعايب اليا جتني يكفونها
خوة أمثالهم ماهي بعارٍ علي=اتشرف بها وأكون مرهونها
طيبة أخلاقهم والنخوة اللي تلي=لو هي الروح ماتغلى يبيعونها
الرجال اللي من الساس طيبٍ علي=منبع الجود بأفعالٍ يسوونها
من الأخيار في هذا الزمان الخلي=وأهل الخير كل الناس يطرونها
يعلم الله بقلبي صوبهم ياعلي=عشرةٍ ما اتناسها ولا أخونها
مثل الأخوان كنَا تحت سقف الولي=يوم جاء الأمر قالوا مايخلونها
والسبب من بزود الحقد يغلي غلي=راسمٍ خطته والناس يقروونها
ياعسى الله يبلاه بحياته بلي=ويشغله في حياته لين يفنونها
قلتها والله أعلم بالنوى ياهلي=الله أنه يوفقهم ويلقونها
ذكرياتٍ مع الأثنين ماتنجلي=وجنة الخلد ياربي يسكنونها