|
ديوان الشاعر خالد الحصني
يايم سولف عن حصاصيك يا يم= سولف عن اسرار الدرار الكريمه من رمل قاعك لصلاه اتيمم= وعيني فضاها ما يغطيه غيمه ضاربك مني هاجس (ن)يدرك الجم= ما ياسم الا كل عنقا وسيمه بحزام طلقين الشوارب تحيزم=امجند(ن)عرقى النحر في اديمه والي بمتنه مابهن وحده اتزم= ايسوقهن وسق النظر في يميمه على العدو والي ولد عم يسلم= يالله عساه ابخير يا الله تديمه السيف مايرفع على مثل ابن عم=لو زل تدمح زلته ما تضيمه والي بدا مني فتاة(ن)تهندم=تقرى العقول الراجحات الحكيمه في علمها يجهل هل الكيف والكم= والهجن ما يظهر بهن كود ريمه بنت (ن)قدم خصم اختها ما تبسم= اتقابله مثل الخصيم الخصيمه في جوفها غبه وبعيونها دم=بنت الزعيم الي تسمى الزعيمه معطات (ن)السلطه تحكم او تحكم= وعند الغضب نفس (ن)عليها حليمه تبني لها برج (ن)مشيد ومعلم=ولا تلتفت لهل العقول السقيمه قصة ولد همام يوم اركبه هم=خالف وسجل في يديه القسيمه يالي على باب المساجين جاثم=لا تسجن الزاير تراها جريمه الي يزور اويعطي امثال واحكم=اما اسمعه والا حرام الضليمه لا فعل لا كافر ولا فعل مسلم= ولا يقبله يا كود نفس (ن)ذميمه الله يجير اعباد ربي عن الغم=ترى العواقب لضلايم وخيمه قل يا المدير المحترم يا المكرم=وشلون تسجن عندكم مثل ديمه اما نطق با الحق والا تبلم= والحق ما يطلع من السن بليمه يكفي من العاقل لياقال لك سم=العلم قرضة ملح والعقل قيمه لحد(ن)يقول انه بنومه تحلم= وعرف تفاسير الحلوم القديمه الغيب علم الي عن الغيب يعلم=مايعلمه من قام يومي بسيمه ورواية الكاهن وقول المنجم= ما خبرة عن حب وافي لشيمه من طاب له مبدا الكلام ايتكلم= والا تراها في بلدها مقيمه |
الغلا
اغليك واغليت الغلا يوم يغليك = حتى الغلا من شانه اغلاك غالي واحب فيك امن الغلا كل ما فيك = ما منك شفت وما يشوفه خيالي وألحنك لحن المحبه وأغنيك = ويطربني اسمك وأرفع الصوت عالي فيّه جروح با الضماير تنا ديك = منشوقها صاير المها احتمالي كم مرة عيني تشوفك ترا عيك = ون قيل وينه قلت شفته ببالي وكم مرة في حالي النوم اخاويك = احس إني يا نمت ماني لحالي يا حلم عينن حلمها تهتني فيك = اتعيش معك ان كان للعمر تالي كل النوايا تتهجه يم واليك = وغيرك فلا والله قلبي يوالي العين غيرك ما تشوفه يحاليك = لو هو يحالي ما تشوفه يحالي يا ساكنه وجدان قلب يحييك = الى متى والوقت صعب المنالي بيع الضروف وابيع دنياك واشريك = واهل الهوى ما حسبو للتوالي |
قضيت ليلي راكز الكـوع منقـاس =بالي سدير وعامس بـي عماسـه عامس وعابس وامتكعمس تكعماس =كني تعيس مـل شـوف التعاسـه اشكي جروح سقمهن صدع الراس =من سقمهن راسي تزايـد وجاسـه ابديتهن للحبر مـن فـوق كـراس =لين الـورق بلـل بدمعـي يباسـه ابديت ما سوو مقاريد هـا النـاس =اهل الحسد والبغض واهل النحاسـه تسببـو بفـراق قلبيـن ونــاس =مستانسيـن فـي هواهـم وناسـه صارو خساس للمحبيـن ونجـاس =من بيننا حالـو بحقـد وخساسـه شبولنا في داجـي اليـل مجبـاس =ودسوا لنا سـود النوايـا دساسـه ما فكروا برياق بـا الحـب يبـاس =ما فكروا با الحب عقـب انتكاسـه ما كدروا عفت هوى عطر الانفاس =وما قدروا قلب غطس به غطاسـه خلوني اسهر حايم فـي وسـواس =وافتل على فرقى وليفـي سياسـه اجلس الهاجس على راس نبـراس =وارمس عليه بهاجسي واحتباسـه حبه على قلبـي ملولـس تلـولاس =صعيـب تحديـده صعيـب قياسـه راعي جديل ينطح الشمس بشماس =وعنق مبعـد بيـن متنـه وراسـه ومبسم ليا منه بسم يبعـد البـاس =وبيض ثمان يلعجـن تقـل ماسـه لامس بحبه قلـب بلحيـل حسـاس =وجاوب معه قلـب يحـب التماسـه لوجتني الدنيـا بـلا كـم وقيـاس =والله منسى مـن عديمـه اجناسـه ياليت لو قبل امس ما دونه اليـاس =مار انطوى من دون قبل امس ياسه الحب لقلـوب المحبيـن محمـاس =ومن لاانحمس ماذاق طعم الحماسه يقطعك قلب خاليـن دون هوجـاس =ويقطعك نفس عا يشه با الدناسـه ويقطعك خف لصعب الطرق ما داس =ويقطعـك يـا راس بليـا رياسـه والناس مابين المجـرب وعسـاس =والخيل تظهر كـل راعـي فراسـه وعمر الذهب ما يلقي عند نحـاس =يلقى الذهب من دوره عنـد ناسـه اكداس همي داخل الجـوف جـلاس =متربـعـات جالـسـات جـلاسـه ابديت للقرطاس كدس من اكـداس =ولو زدت غيره كدس يطمس طماسه وطبع الفتى ما يطرحه كل نسنـاس =ياقف لميـلات الزمـن قـو باسـه والصبر قوت الروح دايم هو الساس =مثله يكون الراس با البيت ساسـه |
السلام عليكم ورحمة الله وبركاته
اليكم هذه القصيده الغزليه المتواضعه
لو تبتسم وش يفرق الشمس عن فمك=الشمس من شمس على اشفاك خجله حمر الشفاه ايغار من لـون مبسمـك=لا وهنـي مـن مبسمـك يبتسملـه يسعـد بكلمـه منـك والا يكلـمـك=والا ليـانـاداك صـوتـك زهمـلـه يا ليتني دايـم معـك مثـل خاتمـك=وانتي يا ليتك با اصبعي تقـل دبلـه الشـوق بحـر والمشاعـر تنادمـك=هايج غلاكم فيه يـا شـوق كـم لـه لو تنشده عـن كثـر حبـك يعلمـك=كنـه جمـل حمـال والحـب حملـه مايطمع الا بس فـي لمـس بلسمـك=لجروحه الي من هكـا اليـوم سملـه يكفيـه منـك اتقولـه ايـه فاهمـك=عاشق وروحه من عنا العشق ثملـه عسـاك تبقالـي حبيبـي ولعـدمـك=يا الي غلاه امن الخفايا وجـب لـه لا تسمـع العـاذل عليـه يسمـمـك=تــراه مايـثـر علـيـه بعـذلـه وربـي يسلمنـي وربــك يسلـمـك=من ناس ما تعرف عن الحـب جملـه |
السلام عليكم ورحمة الله وبركاته
هذي اول مشاركه ليه معكم واتمنى ان تنال على شي من رضاكم
راكب الـي يـوم شغـل محركهـا ودار=صب فوقه ميت القلب قـاز الكيروسيـن الوقودالقـاز ونتـاج مصنـع عيـن دار=في بلاد اخوان نـوره بـلاد المسلميـن جعلها دايم وهـي مـن عمارفـي عمـار=وقبلة للي علـى ديـن اهلهـا مهتديـن درجوها وادرجت في مسـارات المطـار=كنها الي فـي خطاهـا تكيـد العاشقيـن يامشت قامت تغريف مثل صفرى المهـار=تضرب لمن جا يبيها بـروس الاصبعيـن اعلنو حالة طواري وبقيـوا بـا انتظـار=كنهم في حروة اذان شمـس الصايميـن استعدوا قبـل تقلـع بشاشـات الـردار=كل من باالقاعـده قبـل تقلـع واقفيـن ثم زلزل صوتها وطيـر القـار الشـرار=الهـب كنـه جهنـم عـذاب الضالميـن ساعة الطيار بالصفـر دقـت ثـم طـار=واحـد عمـر وموتـه رجـح باالكفتيـن شيفت ابعشره متر لا يميـن ولا يسـار=واختفت عقب اقلعت عن عيون الناظرين كل واحد ينشد الي بجنبـه ويـش صـار=هـو سحراوجـن اونحنـا موسوسـيـن اختفت عقب اقلعـت كنهـا لعبـة قمـار=ماذكرها الي على البرج ولا احد الموجهين خلـت الغيمـه تحتهـا تنحـت للـمـدار =تشخـف التيـار برهيفـات الريشتـيـن يازمت مدت من الجنب جنحـان صغـار =ويا هفت يطلع لها مثـل حـدب المكبيـن بيض الله وجه سلطان فـي ذاك القـرار =يوم وردها مـن اقصـا بـلاد الكافريـن عشت ياراس رفعت العلم فـوق المنـار =قال تارد لـو عدانـا عليهـا معارضيـن في تبـوك مسجلـه اقلعـت ذاك النهـار =ينخـزي ليشوفهـا كـل شيطـان لعيـن والمهمـه سلـم منـي لزينـات الديـار =الديار الي غلاهـا بقلبـي مـن سنيـن فوقهـم يـا طايـره دوري عـدة مـرار =وقولي اني قاطع الشك عنكم بـا اليقيـن |
ما فـراق الا حصـل قبلـه لقـا=بس من يضمن لقا بعـد الفـراق يوم في حـب الغـلا قلبـي شقـا=في زمان اعناق في حب اعتنـاق با الهوى عشـاق والحـب ابنقـا=ما خذلنا با الهـوى قلـب رقـاق يوم جيت اعجاب والصبحنا اعشقا=الخيال اصبح على الواقـع حقـاق ما غدينـا مثـل مـا كنـا اطلقـا=انحكمنا با الهوى عهـد او ثـاق ارتوت فيـك المشاعـر وانسقـا=قلبي الي انسرق معـك انسـراق كل نازل فـي زمـن حبـك رقـا=وكل مر صارلي حـا لـي مـذاق وصرت انا واياك في سفح اعلقـا=لجل ما ناقع نبـي خيـط اعتـلاق القدر والحلـم فـي حفـل اسبقـا=فيه انـا وانتـي جوايـز لسبـاق ما هقيت ولا هقيـت ومـن هقـا=ليلنا ما الله جعـل فيـه انشـراق ما تقل به شوق واقلـوب اشوقـا=ثورة الاشواق يحرقهـا الشقـاق ليت كلش راح ما شـي (ن) بقـا=ما بقا لي ما ضي (ن) صعب يطاق |
يا بنت انـا ساطـي حسـام امتسطـي=ماني بتمثـال علـى الجنـب محطـوط اليستحيتـي مـن كـلا مـي تغـطـي=ترى الحيا يـا بنـت بلحيـل مظبـوط خليـك مـن قولـة تعـال او تقطـي=ما ياخذ المقطـوط يـا كـود ملقـوط تلقيـن جحلـوط (ن)معـه تجلحطـي=انـا تـرا يـا بنـت مانـي بجحلـوط مـا جابنـي كثـر الدلـع والتمـطـي=والي مضفي مدمـج السـاق مشعـوط يصعب علـى كـل الفريقيـن خطـي=ولحد ممشيني علـى ادروب وخطـوط ما صيـد لا قمـري ولا اصيـد بطـي=اشبك وحش ما ادور الصيد با الغـوط با الرجل من فوق الصعـاب امتوطـي=واضرب على روس الطويلات با السوط مخطي ولا احـب الخطـى والتخطـي=واقف مع المضلوم واقطع معـه شـوط اخـذت بـا الدنـيـا دروس تغـطـي=ولبست من بعض المواقف ميـة نـوط انكانـهـم قـالـوا علـيـه تخـطـي=قولي لهم من دونـه السيـف مليـوط |
مرثيه في الشاعر الكبير شاعر حرب سبيل بن سند وابنه سلمان
------------------------------------------------------------------------------ [poem=font="Arial,5,#000000,normal,normal" bkcolor="" bkimage="" border="none,1," type=2 line=0 align=center use=ex num="0,"] البارحه والنوم عن موق عيني= ابعد من النجمه عاى قاع هداج عني غريب ومانعه لا يجيني= سم الخبر من ناب الاقدار بجاج من جايبه لو مايجي كلمتيني= مرارته غطت على مر الاحداج وقعه سهم مسموم با اقصى كنيني=على يباس الكبد با السم زجاج خلاني اسهر والملا نايميني= والقلب كن امولع (ن)فيه وهاج والعين هلت كل دمعن ثميني=على خدودي كنه السيل ياراج غيم سحاب الهم والحزن شيني=ومن خاطر(ن)محزون دونت الانتاج على اثنين(ن)مابعدهم اثنيني= مثل البيارق فوق هامات الابراج راحو ولا حنالهم محتريني=راحوا مثل ماقبلهم راحت افواج امسوا تحت طبق الثرى ساكنيني=ماكن من فوق الثرى واحد(ن)داج لحقوا وحنا بعدهم لا حقيني= ومن عاش با الدنيا له الموت منهاج حق ويقين وسنة العالميني= الله خلق هدام للخلق لهاج يا وقفت الساعه بوقت(ن)يحيني=عن مايبي مايمنعه خوف واحراج رمى علينا رمح ابو سنتيني= وغير الطويل الي هدم نزل احجاج جب العزى في غفلت الغافليني=وقفى وخلا حيهم يرهج ارهاج خلا المصيبه تحسب امصيبتيني=اخذ بريق السيف وانصابه العاج لو ما القدر يومن به المومنيني= امن الفجيعه يمرج العاقل امراج يا ليت لو يحسب لهم من سنيني= في مثلهم للعمر ماني بمحتاج حيثنهم معنا سيوف اليميني= ولا غابت القمرى لنا نور وسراج مثل نهار(ن) فيه لحق المتيني= يوم ان كل (ن) خاف صلفات الامواج يوم السكوت ينجي الساكتيني= والحق بين مثل ابانات واسواج خلاه ابو سلمان علم(ن)يقيني= با امهند(ن)لمصندق الجوف فجاج رد الحقوق وعاقب المعتديني= ما خاف من حكم(ن) مثل حكم حجاج مخبور فعله والملا خابريني= يا كم عدل مايل (ن)عقب منعاج وحكم القدر مقبول شينن وزيني= ما الله جعل عن حكم القدار مدراج والدايم الله والملا ذاهبيني= مات الضعيف ومات من يلبس التاج ودنيا الفنا يكسب بها المتقيني= قبل الحساب وقبل تفتيش الادراج كل(ن)يواجه ما جنته اليديني=ويلقى التقي في حسن الاعمال مفراج ناس(ن)بجنات الهنا خالديني = وناس(ن) بنار(ن)سيج من فوقها اسياج يا جعل موتانا من الفايزيني=عسالهم عن حامي النار مخراج يا قابل التوبه من التايبيني= يا فارض(ن) وقفة عرافات للحاج في رحمتك يا ارحم الراحميني= ياراحم الي في رجا رحمتك لاج |
مرثيه با الشاعر الكبير شاعر حرب وابنه سلمان رحمهم الله
البارحه والنوم عن موق عيني= ابعد من النجمه عاى قاع هداج عني غريب ومانعه لا يجيني= سم الخبر من ناب الاقدار بجاج من جايبه لو مايجي كلمتيني= مرارته غطت على مر الاحداج وقعه سهم مسموم با اقصى كنيني=على يباس الكبد با السم زجاج خلاني اسهر والملا نايميني= والقلب كن امولع (ن)فيه وهاج والعين هلت كل دمعن ثميني=على خدودي كنه السيل ياراج غيم سحاب الهم والحزن شيني=ومن خاطر(ن)محزون دونت الانتاج على اثنين(ن)مابعدهم اثنيني= مثل البيارق فوق هامات الابراج راحو ولا حنالهم محتريني=راحوا مثل ماقبلهم راحت افواج امسوا تحت طبق الثرى ساكنيني=ماكن من فوق الثرى واحد(ن)داج لحقوا وحنا بعدهم لا حقيني= ومن عاش با الدنيا له الموت منهاج حق ويقين وسنة العالميني= الله خلق هدام للخلق لهاج يا وقفت الساعه بوقت(ن)يحيني=عن مايبي مايمنعه خوف واحراج رمى علينا رمح ابو سنتيني= وغير الطويل الي هدم نزل احجاج جب العزى في غفلت الغافليني=وقفى وخلا حيهم يرهج ارهاج خلا المصيبه تحسب امصيبتيني=اخذ بريق السيف وانصابه العاج لو ما القدر يومن به المومنيني= امن الفجيعه يمرج العاقل امراج يا ليت لو يحسب لهم من سنيني= في مثلهم للعمر ماني بمحتاج حيثنهم معنا سيوف اليميني= ولا غابت القمرى لنا نور وسراج مثل نهار(ن) فيه لحق المتيني= يوم ان كل (ن) خاف صلفات الامواج يوم السكوت ينجي الساكتيني= والحق بين مثل ابانات واسواج خلاه ابو سلمان علم(ن)يقيني= با امهند(ن)لمصندق الجوف فجاج رد الحقوق وعاقب المعتديني= ما خاف من حكم(ن) مثل حكم حجاج مخبور فعله والملا خابريني= يا كم عدل مايل (ن)عقب منعاج بقلوبنا حيين يا ميتيني= لو غاب عنا شوفكم ذكركم هاج وحكم القدر مقبول شينن وزيني= ما الله جعل عن حكم القدار مدراج والدايم الله والملا ذاهبيني= مات الضعيف ومات من يلبس التاج ودنيا الفنا يكسب بها المتقيني= قبل الحساب وقبل تفتيش الادراج كل(ن)يواجه ما جنته اليديني=ويلقى التقي في حسن الاعمال مفراج ناس(ن)بجنات الهنا خالديني = وناس(ن) بنار(ن)سيج من فوقها اسياج يا جعل موتانا من الفايزيني=عسالهم عن حامي النار مخراج يا قابل التوبه من التايبيني= يا فارض(ن) وقفة عرافات للحاج في رحمتك يا ارحم الراحميني= ياراحم الي في رجا رحمتك لاج |
قالت سلام ابنوح وابصوت مبحوح = جيتك جروح ترتجيك السموحه الرجوك سا محني ليا قلت مسموح = وعن ما مضى كلن يداوي جروحه قبل امس كنا اثنين روحين في روح = واليوم لازم كل واحد بروحه قلت اوقفي قولي انا وين با روح = عن غير دربك وين دربن بروحه وشلون تتركني وانا ابجرح مفتوح= واشلون اعيش ابجرح دمه يفوحه قالت قدر مكتوب في صفحة الوح = قلت القدرما قال قلبي تلوحه قالت صراحه قلت ما با قي اصروح = خلي جريح الروح روحي نصوحه روحي ترى ما عاد لي منك مصلوح = واعتبري الي فات مني مزوحه |
تركد ياخوي الجنب وارقد ما عليـك اخـلاف=ترى بعض السوالف لـو تهقواهـا تخالفهـا سوالف والسوالف هيـن ياقالهـا السـولاف=ولكن العلـوم الصاملـه يصعـب مسولفهـا نهرت امن الهجوس الي ليامنه وقف با القاف=ضرب عرض البحر حتى السمينه لي يغرفها وانا ماني مخففهـا ولانـي دونهـا خـواف=اقرب للهدف حتى البليد ايقـول عارفهـا ابرسمها على راس اطويل ابقمة المشـراف=عسى بعض العقول الوارمه تعقـل طوارفهـا وريث امجادها ماهو مخليهـا لكـم تنشـاف=تموت امن القهر حتى بعينك منـت شايفهـا انا مندونها محتـاج لا فزعـه ولا احـلاف=ولاني منشي حلـف وانـا مالـي مطارفهـا يلومون الزمن دايم يقولون الزمـن ينعـاف=قصير الباع ياقف دونهـا ويقـول عايفهـا ويقولون العذر دايم يصير لصاحبـه مهيـاف=ليامنه عجز عنهـا علـى الاعـذار هيفهـا مثل حذف المقفي ما يجيب الخيـر للحـذاف=وحصات الي حذف له ضلع عادت يم حاذفهـا لفانا من لفانا والعقول الـي لفتنـا اخفـاف=اثرهـا كـل مـا تكبـر تبشرنـا بخفايفهـا وترى الي يصنع السيف المهند سمي السياف=ولكن مارفـع سيفـه ليـا ثـارت قذايفهـا سوالف والسوالف مع رجال العرف يا عراف=تفيـد وتستفيـد احيـان واحيانـا تلاطفهـا وترى بعض الرجال ونعم لكن بعضهم انصاف=يهس اشوي عن درب الرجاله مـا يوالفهـا وترى بعض الغرور يلبس الرجال ثوب انكاف=عنه ينكف رجال العرف شوفه مـا يشرفهـا عساني مالمست امن الطوارف شي يا طواف=انـا ماحـب لا العـن جدفهـا ولا طوايفهـا عسا الله يسعد ايام الخوي الـي نعـده واف=ولا نجحـد حقـوق النـاس لاوالله ننصفهـا |
تضماك عيني لين تفرح با لقياك= يا شافتك يروي ضماها لقاكا تفرح بشوفك ما تفارق محياك= ون غمضت لحظه ذبحها ضماكا في ذاكرتها دمعة (ن) يوم فرقاك=يوم انها تبكي وعينك تباكا يوم اتذكرها واقول اقدر انساك= اقول ينسا الله قلب (ن)نساكا الله عطاك من الحلا لين حلاك= وانا سحرني في دلعك وحلاكا يا حلو ما يذكر عليه بذكراك = حتى تعباطك وحتى ذكاكا حبك طوى قلبي مثل طي مطواك= الي على سهف المذارع طواكا زرعت فيه الحب لين انه اغلاك= اسقيت حيطان المحبه غلاكا شربك مثل الماء على جمًر اشفاك= اليا تسلسل مع ذوايب اشفاكا كاس(ن)مزاجه رايق الشهد من فاك= انته شربت الماء وهو شرب فاكا ومن زود حبك غير اسمك وسماك= سماك قمرى وهو صافي سماكا لا عاد تنشدني انا كم لي اهواك= مبطي تراني ميت (ن)في هواكا با الحب مابه شك واقع با الشراك= مقوى اجحده لو ان فيه الهلاكا مار البلا وش تاليت حب الاهلاك= الخوف لا يقلع مداي ومداكا تقصاني الدنيا وتقصاك دنياك= هذا عما عيني وهذا عماكا مار انت توحي يا عسا خالد افداك= يا جعل خالد عن عناها فداكا هي وشي الدنيا مدامت بلياك= والله ماتسوى شي دنيا بلاكا |
عليك من الله الرحمن رحمه يا وطن بغداد= وعلى بغداد قلبك يا وطنها لطف موجدها وعليك اسم الله اكبر لين عنها با الجهاد تباد= يمن عبر المحيطات الوساع اصبحت هاجدها وعلى كل العرب خزين وعار ونقد وستنقاد= اجل وشلون تمسي بيننا والصبح نفقدها غدرها من غدرها وخانها الراصد مع السداد = مدينته وفاها مار با الخونات سددها تعاقبها المصايب والمصيبه خونة الاولاد= مصيبه من يخون امه ويهجدها بمرقدها تجند مع جنود (ن)جندت للكفر وللاحاد= جيوش (ن)جرها من جرها ربي يجاهدها عثوا فيها فساد وهم عيال الفسد والافساد= لقايط من بلاد الغرب جت تنشر مفاسدها حشا من يوم جوها ما تقول ان البلاد ابلاد= بلاد الرافدين امست محطمت(ن)جلامدها ولا خلوا بها حتى العباد الي بها سجاد= مدمرت المساجد دمروا حتى مساجدها وكم شيخ (ن)قضى نحبه وكم طفل (ن)بكاه امهاد=وكم عذرا ولد صهيون صاحت يوم جردها وكم داراهدموها قايمه تؤي لها رقاد=وحتى الجامعات القايمه وحتى معاهدها وكم وكم لا تنشد عن الي صار يانشاد=ذبحنا غيضنا مما حصل وحنا نشاهدها تناهشها خنازير العصاه الي غزتها اعداد=توطى في كرامتها وهي تومي لنا بيدها تدور عندنا فزعه تدور عندنا استعداد= تنشد ما بقي نخوة عرب حتى تساندها نختهم ثم نختهم ثم قالت يا لسان الضاد= انا عذرا غدوا فيها عداها مع مقردها انا منكم وفيكم وانتم الي كنتم الاسياد= انا مسميني المنصور واحصوني مشيدها انا كنت اول الامجاد يوم ان الفتوح تقاد=نهار القادسيه يوم كان السعد قايدها انا جهد الجهاد ايام ماكان الجهاد اجهاد= غنيمة روح بيعة لجل جنة من مواعدها انا تاريخ مجد اجداد انا مستقبل الاحفاد=انا مهد الحضاره والقلم اكبر شواهدها انا الرازي وبن سينا وبن حيان والرصاد= نهار (ن)كان في بغداد كان الكل يقصدها انا بابل انا سومر انا الاشور والازياد=نسيج اجناس متجانس عصور الدهر تكدها بي السنه بي الشيعه بي الرمن بي الاكراد=ولابه طايفه جت تشتكي احد (ن)منكدها انا كتب المكاتب مولد الاعلام والرواد=رفوف المكتبه تشهد وتشهدلي مناضدها انا نبع(ن)من الخيرات لقت في المجاعه زاد=انا بارضي كنوز(ن)جت جيوش الغرب ترصدها امانه يا عرب ترضون ليه ذل الاستعباد= زمان القوة العضمى لزوم الكل يعبدها نسيتم كيف با الايمان تصبح ند للانداد= نسيتم قوة التوحيد يوم الله يوحدها نسيتم او تخاذلتم وهنتم او بكم احقاد= ولا اطلبكم انا قوه اعرف الكل فاقدها وقالت قبل ما انهي قصيدتها با بيت (ن)زاد=امر من المرار المر بيت(ن)قالته وادها انا كلي قصيدة حزن صاغ ابيوتها القصاد = انا دمعة زمان البؤس والتاريخ خلدها |
يا صار لك عند اقشر الناس حاجه=ودك تمـوت ولا تجيلـه لحاجتـك الله ولا جيـت هبـود (ن)لجاجـه =لا مقدر الحاجـه ولا كبـر جيتـك يدوخك في كثـر العيـا وارجاجـه= هرجه بوادي ما ربع يم هرجتـك ايضيع صيده في عواصف عجاجه= تطلع عليك الشمس ما جاب سيرتك قليل فود وكـل مـا بـه سماجـه= خسارت (ن) مبداك يمه وروحتـك لكن تـرا غيـره لمثلـه علاجـه= يامن بعض اضروف الايام حدتـك مالك ومال الـي يشـاور مزاجـه= عليك با الي يعتزي عنـد وقفتـك يا جيت له يكفيك ضحكة حجاجـه=ذيب (ن) بتر حيبه يهون مهمتـك حلو النبا نفسه وروحـه هجاجـه=وحا جتك قبل اتقولها قالـك جتـك ينسيك همك في سـرور ابتهاجـه=ايدور الـي فيـه تكمـل مسرتـك غمر (ن) مراميع الرجال انتهاجـه=ذخر الصداقه يوم تذخر صداقتـك واخير مـن هـذا وهـذاك ناجـه= رب (ن) كريم وقادر في سها لتـك اليا فرجلك مـا يعـوض افراجـه=يشفي مطا ليبك ويعطيـك طلبتـك ان كان تنشد عن رجال المواجـه=هذا الكلام وغيـر هـذا سلامتـك |
يلوموني ناس (ن) عن الحال مايدرون= وانا عادتي ما خلي الناس يدروني اخفي واداري واجتهد عل مايلقون= عن الحال شي فيه عني يقولوني اداري على حال(ن) بدا فيه بعض الهون = وخوفي مقاريد العرب فيه يشقوني من الي بحبه صرت له با الغلا مرهون= شجيع الملاقاء مار له صرت مرهوني اسرني بنجلن رمشهن لحن نجدي فون= على ايام نجدي فون تعزف لنا الحوني سهوم المنايا ما تقول العيون اعيون= اسرني بنظره واستباحنه اعيوني ولمايا ذوايب كنها طعنة المطعون= عقب طاح واقفوا عنه ربعه يصيحوني بردهن برد ماهو برد لؤلؤ مكنون = تغذا على شهد (ن) ورى الجمر مكنوني ورمامين يا منه خجل يكتسيهن لون= فرولة جبل لبنان با الشكل والوني حكمني بحكمن لا شريعه ولا قانون = حكم محكمة مدريد لتيسير علوني حكمني وخلاني بسجن الغلا مسجون= وعلى باب سجنه حط حارس وكيلوني اشوف الملا ذولي يروحون وذولا ايجون= مع الناس لكن سايح الفكر مسجوني و الياقلت يا مجمول عذبتني ها الون = واليا قلت له هلون قال ايه هلوني واليا جيت ابين حاجتي قال يا مجنون= تقل ما درى انه هو سبب داي وجنوني الا ليتني يا الي على الي تبيه اتمون= مثل ما علي اتمون انا مثلك اموني |
يا كبر زلـة رفيقـي يـوم أحللها =وأنا على ردهـا مانـي بشفقانـي أنا ذلولي عـن الرثعات عاقلهـا =ما أحب أرد الردى ولساني احصاني لوهي كبيره علي اقـوى اتجاهلهـا =اطوي لها مجلد (ن)بارشيف نسياني من واحد (ن)لو يقال افلان قايلهـا =اقول كذاب ذي مـا قالهـا افلانـي لكنها جت منه محـد (ن) بناقلهـا =وكبرت عليّه ومنها صرت حيرانـي ما خبر ما جاه مني لجـل اقابلهـا =ولا اظنتي كود جت من زلت الساني لاني مدور وراها ولا نـي شايلهـا =يمكنّها علمتنـي طيـب صدقانـي صحيح بعض البشر يصعب مجاملها =بعض المجامل يغير طبع الأنسانـي |
ما يقدي قاصر الشـوف رجـال كفيـف=لو يقول انـه بعيـن البصيـره شايفـه ولا يقول الحق ياكود من قلبـه نظيـف=ابيـض مابـه شوايـب وشـي خايفـه والرديه ما تمشى على الرجل الشريـف=يقطع الله مـن تمشـى عليـه الهايفـه الحقايـق مـا تـزور بتلفيـق وزيـف=لو بلفهـا مـن بلفهـا تسمـى زايفـه مثل من قال ان با الشمس موجود رصيف=ردوا العقـال قالـوا اهروجـك جايـفـه في جليد اشباط محد يسولف با المصيـف=لا يغـرك طايـفـيٍ يـمـدح طايـفـه ولا تلاطف هرجة قالهـا السـان لطيـف=تمسي اهـروج لطيفـه وتصبـح كايفـه لا تخليها تهايف علـى الجـال المهيـف=ما تنام وفوق راسـك حصـاه امهايفـه خل عرق الهم ينزف همومه با النزيـف=اقطعـه لا عـاش راس همومـه حايفـه يا مغني با الدفينه تبـي شوفـة عفيـف=الضواري لـو تخـاوا ماهـي متلايفـه من تحسبنه على وزنة الطرق الخفيـف=شب له نار ابعلـم فـوق راس النايفـه لا تقول ابلحق اقصاك يا الضلع المنيـف=قل تركت الضلـع هـذا طويـل وعايفـه |
يا طير يا اللي غررتـك الملاويـح =حولـة للملـواح بـارضٍ براحـي ملواح صياحه على وجهـة الريـح= صيده على مـا طرحتـه الرياحـي ريش الحمام ايلوح لك فيه ويصيـح = ارخيت جنحانـك لـراع الصياحـي يا مدمي المخـلاب ليـه التصافيـح = منته من اللـي يفـردون الجناحـي طلعك على خبري بعيـد المشاويـح = جبَـر الجنـاح وللطويلـه تنـاحـي وضح نقـاوه بالبسيطـه سواريـح = امسرحاتٍ من سيـاج المـر احـي سوق العصا ماساقهن ريحة الشيـح= همـل المدامـع مايبـاً المـراحـي امغربـاتِ فـي ديـار المشافـيـح = مدخالهـن مدخـال موفـد سياحـي عوج الرقاب وعوج خطر كواسيـح = علـى ربيـع اديارهـن والنواحـي اديار ربـعٍ بـا الملاقـا طحا طيح= الصياح ويـوم زرق الرماحـي اهل الذخايـر والسهـوم الذوابيـح =مسقيـةٍ العايـل رويـب الذحاحـي ماطبحـم فيهـن ابعـض المطابيـح = ولا استعرضوهن قدم سربة مناحـي ينحون فيهن عـن لميـع التماليـح = عن من يدور با الـدروب الطياحـي امجوديـن اقفالهـن بـا المفاتيـح = ماجاوبـاً ليحـا ويـا ليـح لاحـي تاريـج مجـدٍ سطـروه المفالـيـح = خيالهـم لبـس عليـه الوشـاحـي ماجـا بحبـة خشـم والا تصاريـح = جا عقب ندف امغمقـات الجراحـي وقفة شجاعٍ وسـط قـومٍ سفافيـح = وقفه بها روحـه وعمـره مباحـي ميقـاف ماتنسـاه نـاسٍ مصاليـح = ولا ينسـي عـدٍ رهـيٍ قـراحـي ومن قال انا ابلبس وشاح النواطيـح = ياقف مثل وقفـة شطيـر السلاحـي ماقول يعـدم بـه رجـال زحازيـح = مداتهـم جـزلات ماهـن شحاحـي وجهة نظر وان قيل تحتاج تصحيـح = غاية هوا المقصود قول الصحاحـي وشمس النهار اتموت معها المصابيح =ضوح التريك ايصير معها ضحاحـي |
في كل يوم ادخل بريد الرسايـل=ما جاتني من نور عيني رسالـه ادخل على الوارد واراقب وخايل=ما لاح لي براق صـادق خيالـه شفقٍ على وصله ولا لي وسايـل=رجـاي بالله ثـم لفتـة وصالـه حاكم وطن هدف الضلوع النحايل=محدٍ معه حاكـم وطنهـن لحالـه هدفٍ تجاوا قبل شوفـه محايـل=وبشوفته يرعى خضرهن حلالـه ينزل رياضٍ با الضماير خمايـل=ويقطن خفوقِ مرهيٍ له زلا لـه علـي لا يقسـا ولاهـو بعايـل=وعليه انا في صادق الشوق واله يزهاه قولي يوم اقـول المثايـل=ويزها المثايل يوم اوصف جماله لزين في وصفه رسـوم ودلايـل=يفرح قصيدي فيه يـوم انتخالـه لعيونـه الثنتيـن ذات العمايـل=قاف القصيد ايقول ياحـي فالـه بيتٍ يحاول يحتفي بـا الجدايـل=وشطر لغنج عينه وشطر لدلالـه وبيتٍ يلم اوصوف زين الخصايل=وبيـتٍ ليامنـه طرالـي عنالـه اليامشى بخطـاه تقـل ايتحايـل=كنه يكلـم مـن غـروره خيالـه والخصر دلة سيف من صنع حايل=دلة كريـمٍٍ مـن غـلاوي دلالـه متراكين عنـده عيـال الحمايـل=فاحة وهو عنها يرحـب ودالـه ومعلـقٍ نابـي سـواة النثايـل=يشكي جنوبيـه عـداوة شمالـه لا وقفته عدلـه ولا هـو بمايـل=يرسم تضاريس الخريطه ضلالـه كان الهوا قبلي شموخ الاصايـل=ونقفتـه تقـول عـروة ابيالـه لاهـي مثقلتـه ولاهـو بسايـل=عوده ليان وبه رشاقـة غزالـه ومن النسب ينسب لعـز القبايـل=ابـوه حربـي والطنايـا خوالـه ماطاع بي من حاولوا با العذايـل=ولا طعة به من قال مالك ومالـه عليه شرهـات النوايـا صمايـل=مالي غلا غيره وهو قـال مالـه |
من امس وانا احتري با كر متى باكر=يا طول با كر وانا احسب با كر اقصير نا كل سكاكر ونلعـب لعبـة الشاطـر=وان قال احد ليش تلعب منته اصغيـر اقول خلوني العب وابسط الخاطر=والحـال هـذا يجيلـه يـوم يتغيـر ارمال صحراي تشكي وقتهـا الغابـر=متى يجينـا الربيـع وعشبهـا ينيـر ياقسوة الوقت مدري لامتـى صابـر=على جحود الزمـن والحـظ متحيـر لوقلت مبسـوط انـا كـذاب ومكابـر=طبعي كذا مـا احـب اكـون متطيـر يا ذكر الاحباب جاني طيفكـم عابـر=ذكر اليـال الخـوال جانـي امسيـر |
هذه القصيده كانت في حفل تكريم بعض الاعلاميين من قبيلة حرب بوجود الامير ابن نحيت وامراء حرب ابن ناحل وابن مضيان وابن هديب حفظهم الله
يالي نخيت القصيد وقـال قصـاده=الوقت سيفٍ يقص الراس في حده نار القريحه على الوقفـات وقـاده=شيهانةٍ من علـي الجـو منهـده يا مرحبا يا هـلا مليـون وزيـاده=با بن نحيت الامير ومن جلس حده طبعٍ لنا من قديـم وصايـرٍ عـاده=ترحيبة ٍ ورث جد العود من جـده باسم العازيب واهل الحفل وعماده=يامرحبا من ورى الخفجي الى جده يامرحبا بشيخ حرب وحفـل رواده=شيخٍ صباح ومساء تندى الندى يده جمع القبيله ربيع القلـب ومـراده=وتكريم روادها واجـب قبـل مـده ياحرب يا مجلد التاريـخ ومجـاده=يـومٍ كـلٍ معـه تاريـخ ويعـده حنا هل الغز واهل المجد والقـاده=اقلنـا الـي ليـا جـا لازمٍ سـده بين القبايل قبيلة حـرب مرتـاده=على فعول الوفا والطيـب والمـده عن فعلهم كان جا للفعـل نشـاده=يشهد لها الاجنبي عن شاهد البـده صغيرنا شرب عز النفس با مهاده=واليا طلع ما يشوف من العرب قده وقصادنا يا قصد ما قالها شحـاده=يموح جزل المعاني موح من عـده وكل القبايل لفعـل الطيـب وراده=الطيب حبلٍ هذا يرخـي وذا شـده ارجع واقول السرور بكامل اعياده=جية وجيهٍ سفيـره تنطـح الشـده |
يامن رموشه فوق خده مفاريـش=فيهـن ليامنـي لمحتـه تغشـا مدري حيا والا فنونٍ من الطيش=طرق بهن ساعة صدفتـه وكشـا غشابهن مزنٍ بروقـه مراهيـش=جوه سكون وتو با القـاع رشـا ريحه عقب وقعه نعاش المداويش=يزيد عمـر الـي برشـه تمشـا عليه قلبي فـز فـزة مداغيـش=اليا خطرهـم واحـدٍ مـا تعشـا وعليه لجن الظمايـر معاطيـش=المرتوي منهن عقـب راح نشـا لا هو ولد حاكم ولا هو ولد ديش=من عرض غيره بس زينه يطشا ما طشني وانا متخرج من الجيش=ما غير هش القلب والقلب هشـا ياليت لعيوني حواجـز وتفتيـش=واجنب الي من عنـاه استغشـا |
امصلعـه تـرى ماهـي مدفونـه=ياالـي مسافـر راكـبٍ دراجــه مريـت ادور جوهـره مكنـونـه=ولقيـت برقبـة الطلـي خراجـه وهـذا كلامـي كانكـم توحونـه=ماني مـن الـي يتقـي ميواجـه انا مـن الـي قولهـم يحمونـه=اليا عقد غمـر الفريـق احجاجـه ارد على الي صعب مـا يردونـه=واشرب قـراح وشربهـم هماجـه ( ومن لا شرب يا صاحبي بحفونه)=ايموت ونفسـه للمـلا محتاجـه شطرٍ هلالـي هاضنـي مضمونـه=طب العليل الـي يـدور اعلاجـه البيت يبنا السـاس قبـل اركونـه=وكلٍ ولـه طبعـه ولـه منهاجـه رصاصهم لـو حاولـو ا يرمونـه=منتوج مصنعهـم نعـرف انتاجـه يكذب على النادوس مالـه شونـه=ويصيب حامـل بندقـه بحراجـه مانـي جـدار اقصيـرٍ يرقـونـه=صعبٍ علـى شـوارب الهراجـه سم الخناجـر روسهـن مسنونـه=سيف يصيب الراس منها افلاجـه يا غبت لو كلن يسـوف اسنونـه=اليا حضرت الكـل عـاد ادراجـه يوم انت مخمر مـا تـرد الهونـه=ويعطيك ابو كرباج فـي كرباجـه وصـار الثمـن خليفـة الدندونـه=عقب غسلك ورحت مـنه اخماجـه والي يعينـه قبـل يطلـب عونـه=ركب الحصان وصار هو اسراجـه حسون معجب في غنـج حسونـه=قـام ايتهلـع قدمـهـا بغنـاجـه دام الكرامـه لجلهـا مرهـونـه=خلـه يـزود ضحكتـه وبهاجـه جعلـه زواج الكثوليـك وكـونـه=ويطرح لكم حتـى تزيـد ازواجـه والـي يواجـه فعلـه اتخبرونـه=يوم اندعسة ورحة تحت الصاجـه من كثرك انت وشركة هـا الونـه=ينبيك عن كبر المحيـط امواجـه لا اسمع صياحك واعتبرها مونـه=لين البعيج اتبيـن كبـر ابعاجـه وانا بقـول الكـل مـن يقرونـه=الفلـم هـذي قصتـه واخراجـه |
( فلسفه)
يا الله انا طالبك عفوك يا كريـم ويـا قديـر=انا الضعيف لرحمتك وانته وسيـع المغفـره طالبك غفرانك ومرضاتـك وتيسيـر العسيـر=وتوفيق ما يرضيك ياربـي وعيبـي تستـره انت العليم انت الحليم انت الخبير انت البصير=وحنا عبادك ان تشاء نبصـر بشـيٍ نبصـره وقفت ادير الفكر في بحر الهجوس المستديـر=امسيت في غبة بحر وهجوس فكري مبحـره ومن باب علم الفلسفه حللت موجات الاثيـر=وارسلت موجه ثانيه عبـر الاثيـر مشفـره الموجه الوسطى تلاقطهـا رمـوز المستنيـر=والموجه العليا على رمـز الفهيـم مسيـره ما جيتها بطره ولكن جابهـا صـوت النذيـر=وماينوخذ بعد النذيـر الا الطيـور المخمـره الى متى وحنـا كـذي لا نسيـر ولا نطيـر=حنا بعالـم عولمـه والصـوت لازم نجهـره ياكبر شرهتنا وحنـا بـا الاثـاره مـا نثيـر=ويـا طلـع نـادر تخلينـا ولحـدٍ عـبـره امجاد من كانو قبل ماصحت الجيـل الاخيـر=المجـد يصنـع كـل يـوم ولليالـي نذخـره فينا انانيـه وفينـا خـوف منقطـع النظيـر=شـوارد الافكـار فينـا مـا تهيـد مـذيـره فجوه كبيره فارقه بيـن الموظـف والمديـر=ومن قال ابي حقي يقال اليوم يكتب محضـره واليا جلس راس الفتوه قال ما معيه خشيـر=انا المعلـم والكبيـر انـا تـراي المفخـره قالولنا منصور قلنا يـا عسـى خيـره كثيـر=نبي نصوت مع جماهيـره ونعمـل جمهـره قالوا عسى الله يرزقه قلنا ترى ماهـو فقيـر=الذيب ماعابوه فـي فقـره ياقالـوا مفقـره هذا وانا ماني وزير ولا معـي رقـم الاميـر=ولاني بدكتور العقـول ولا درسـت الدكتـره هذي روايه من رواياتي ماهي من شكسبيـر=جوليان مايذكر بها وجولييت فيهـا ماذكـره قصه قصيره لابسه بشت الـوزاره والوزيـر=فيها البطل منصور قولوا ياعسى الله ينصـره |
يامن رموشه فوق خده مفاريـش=فيهـن ليامنـي لمحتـه تغشـا مدري حيا والا فنونٍ من الطيش=طرق بهن ساعة صدفتـه وكشـا غشابهن مزنٍ بروقـه مراهيـش=جوه سكون وتو با القـاع رشـا ريحه عقب وقعه نعاش المداويش=يزيد عمـر الـي برشـه تمشـا عليه قلبي فـز فـزة مداغيـش=اليا خطرهـم واحـدٍ مـا تعشـا وعليه لجن الظمايـر معاطيـش=المرتوي منهن عقـب راح نشـا لا هو ولد حاكم ولا هو ولد ديش=من عرض غيره بس زينه يطشا ما طشني وانا متخرج من الجيش=ما غير هش القلب والقلب هشـا ياليت لعيوني حواجـز وتفتيـش=واجنب الي من عنـاه استغشـا |
سكره مدري سكاكر سكره سكـر نبـات=اسمها سمي به السكر وهـي ماسمتـه الحلا طعمه حلا لنه اخذ منهـا الحـلات=لو قضى السكرمن العالم حلاهـا ينبتـه يستحي منها الجمال ويستحن منها البنات=وينتهي تاريـخ عطـر كانهـا ماشمتـه والدلال الي معانقهـا مزودهـا سمـات=ضني ان الحسن كله عمها وهـي عمتـه تلبس الحشمه وتلبس فوق حشمتها عبات=والعباه الي عليهـا زينهـا مـا غطتـه لو تخبى لونهـا جسمهـا ماهـو ثبـات=لو تحاول تثبت اشويه حشـى ماهمتـه كنها غصن تميل ابه الهوى بكل الجهـات=يا مشت قامت تهلع وكـل قلـب جرتـه فتنة العشاق لكن كنهـا بحالـة صـلات=عقلها ماهو صغيـر ولا يبيلـه فرمتـه لو تثير الشعر تكتبلي بيـوت محكمـات=ولو تعديت الحدود الخط الاحمـر خطتـه |
يعجبني الطيـب وقـدم لـه الطيـب =احاول الحق بـا المواجيـب طيبـه اذب عـنـه مشذبـيـن العـراقـب = مرضـى عليـه العايلـه والغليبـه وليا نشدني واحد هو لـك صحيـب= اقولهـا متنومـس انـي صحيـبـه ان شاف من سود اليالـي مخاليـب = يلقـانـي اول واحــد يعتزيـبـه ون شركن في الضـروف الكلاليـب= عن فزعته ما تدخـل القلـب ريبـه اقربـه منـي ولـو ماهـو قريـب = ماهـي قرابـة دم قربـت كسيـبـه حيث ان مثله عندي اكبر مكاسيـب = ومن يكسبـه ياطيـب والله نصيبـه ماهو بسامع فيـك شمـات ومغيـب = الي جـداه يقـول بـك قـول غيبـه وقرب الرجال الي تحفظ المواجيـب = اخير وابـرك مـن قريـب حظيبـه الي مع الصحبه تقل يدخلـه سيـب = لو طـاب ليلـه مـا يخليـه سيبـه اقضيـف المذهـب ردي المناسيـب = كلمـه تقفيبـه وكلـمـه تجيـبـه لا ناطحٍ قالـه ولا هـو لـك منيـب = وقولة هلا لضيـف عنـده مصيبـه اتخاف يامنه هرج وش يبـا يجيـب= يبـلاك فـي عوجـا بليـا سبيـبـه ان قلت له مخطي يبا يقول انا مصيب = واليا سكت ايقـول غيـرك غريبـه مار السكوت احيان حكمـه وتاديـب = خله علـى ماقيـل حـادر شعيبـه هذاك عرفه عيـب ومرافقـه عيـب = وافضل دواء للعيـب تـرك المعيبـه |
مساء الخير يا اجمل مساء يا زهرة الازهـار=مسا احلا من البسمه علـى شفـة سعوديـه يناغمها الطموح وتعشق الخيـال والمغـوار=وتاخذ كل مابا الكـون مـن عفـه وحنيـه يداعبها الخيال المستهيم وتستحـي وتغـار=تحسـب ان الخيـال يلمهـا ويجيبهـا ليـه الا يا بسمة الصبح الخجول ونفحـة النـوار=عليك تموت شرهات الطموح وتنـوي النيـه تعال الملم اوراق الخريف الي من الاشجـار=تساقط كنها اسنيـن العمـر تسقـط حوليـه تعال ولم جرحي با الحنايا فـوق جمرالنـار=تراي من الجفا بـردان والحالـه رمنسيـه تعال انبيح اسرار الجروح برحلـة الاسـرار=وتبقا رحلة الاسـرار بـا الاسـرار مخفيـه على نوع الحياه الي عشقها ما غدا محتـار=من احدود الهلاك الـي بلغهـا فيـه ماريـه رضى الله عنه عمر ما يقبل الذله على احرار=اجل من يخلق الانسان مـا يعطيـه حريـه تباشير الفرج تذكـر وحنـا نكثـر الاذكـار=مع الي جابوا التمن وجابـو معـه صقعيـه رياحٍ وجهها غربي ولا ندري متـى تنـدار=ولا يلقا ا الحياه الا شعـوب العالـم الحيـه جديد الغرب يبهرنا وحنـا نعشـق التكـرار=اذا ما هو سعيد العام جانـا مبـارك اوخيـه يضحكني غلا البترول ويزعلني غلا الاسعار=ومشافيح التجاره مـا بهـم للنـاس ماويـه اعيش ابمملكة بلقيس ومسور علي اسـوار=على اكبر كنز با العالم ولا املك شي بيديـه يطير الهدهد المسكين ما يلقـا وراي اخبـار=وعلى درب المدار اتدور با الافـلاك دوريـه شحب وجه البيب وطافة الهرجه على الثرثار=طلع فيها فهيـم وغيـر الموضـوع والنيـه ربيع العمريرسلي نذيـره والسنيـن اعمـار=وطالت رحلتي ماشفـت لا هـذي ولا ذيـه اسلي خاطري عن عقم وقتي واقبل الاعـذار=اقول الخيرة الي في خفايـا الوقـت مخفيـه |
سـلام يدفعـه الوفـا والتنومـاس=سـلام ياشيـوخ الوفـا والكياسـه سلام يا جمعٍ على الطيب له سـاس=العز والنومـاس والمجـد ساسـه ازكى من انفاس الخزاما با الاطعاس=واحلا من الـدر المزبـد بطاسـه يثنى على هليل ويسمع عبـر واس=والفارسـي ويعـم ربعـه وناسـه الفارسي وهليل امعيـض نبـراس=كان الوفا له لبس فا انتـم لباسـه يحسبلكم جمـعٍ القبيلـه وينقـاس=منكم وفا الوافيـن يعـرف قياسـه لطيب ناس ولردى ينوجـد نـاس=وكل لقا مع صنف جنسـه وناسـه والناس كل له نظر عين وحسـاس=ومن غر من شوفه يدلـه حساسـه يا ناضم الالماس مطلوب الالمـاس=نضـمٍ مطعـم لولـويـه بمـاسـه وقليله في حـق متعبـت الافـراس=الي لهـم مـع كـل فجـا فراسـه ياقلت حربي ترتفع هامـت الـراس=كني على كرسي زعيـم الرياسـه ليه مع التاريـخ منـزل ومجـلاس=المجد قسـم لـي سنامـه وراسـه ابكل علمٍ يرفع الراس لـي كـاس=الطيـب والنومـاس فايـز بكاسـه امثبتينه يـوم حبسـات الانفـاس=يومنهابـا الفعـل ماهـي سياسـه بيضٍ توارث ذكرها بين الاونـاس=تجلى عن الراس المعومس عماسه يوم المعيشه بين غازي وعسـاس=كم طامعٍ عود طوى البيـن ياسـه تضرب بنا المثال في قوت البـاس=حرب الدول حنـا مقابيـس باسـه وياعدة الافعـال واندقـت اجـراس=عن حرب يتعب كل راعي دراسـه للقول هوجاسٍ ولشعـر هوجـاس=والفخر في ربعي يزيـد الحماسـه والطيب كل ماخـذ معـه مـرواس=كـل القبايـل فارسينـه فـراسـه ومن قال انا الطيب ولا مثلي اجناس=مفلس ومعلن فـي كلامـه افلاسـه |
تبـي الحقيقـه والكـلام المفيـدي=من صد عنك ان جيت له منت رجال والله لـو شوفـه يـزود رصيـدي=لو اصدفه ما قول له كيف الاحـوال فرقاه عيـد وبعـد ملفـاه عيـدي=والنذل تجمعه النذالـه بـا الانـذال وانـا يعوضـنـي الاه العبـيـدي=في صاحب ما كل يوم علـى حـال صافي معي صفوة دخيل الوسيـدي=الي مسجل فـي سجـلات الابطـال اليـا طلبتـه راي رايـه سديـدي=واليا مشينا خوتـه تطـرب البـال ماهو عضيدٍ لي وحسبة عضيـدي=وربا عضيـدٍ لابـا جـدٍ ولا خـال ذي الحقيقـه والكـلام الاكـيـدي=والناس ذا مقفي وهذاك بـا اقبـال في كل يوم نشوف شكـل جديـدي=والشكل ما يضمن مضامين الاشكال |
عزيزي هـذه ليسـة معـزه=ولا صرنا على هذا عـزازي اذا خشمك على مثلـي تغـزه=انا عن مثل ها الاشكال جازي تجوز النفس عن خبزه ورزه=وعن شوفه اليا صار انتهازي عزيز النفس با العـزه منـزه=ولو مايملك ا لا هـي فـازي ويامنـه فقدهـا لـو تخـزه=بعينك بان لك فيه اهتـزازي ثوابت هيبـة الرجـال عـزه=بها لا يستهـان ولا يهـازي ومن يمشي برجوا الناس عزه=هذا يجفاه وهذا عنه عـازي لزيز الحر ما يرضى المقـزه=معه عنها مشاريف ٍ نـوازي عط الرجال حجمـه لا تبـزه=يجيز لنفسه الي مـا يجـازي يصـدق كلمـةٍ فيهـا مفـزه=حفاوه منك وملاطف ميـازي يوكلـك النيـا وانتـه تحـزه=مثل من علم الهـدات بـازي وانا يا قلت قول اقـول قـزه=ومن يزعل عسا حبه نقـازي اميز درب رمحي قبـل اكـزه=ولا ليه على ربعـي مغـازي من المغرب الين حدود غزه = عضو فاعل بعدم لنحيازي اجازي با الوفا في كـل حـزه=وغير الطيب لو جازوا مجازي افوح مبغضي من نـار قـزه=وانا محافظ على قزي وقازي يموت ابحسرته من خبث وزه=جزاء مسعاه في سود المخازي جنون الطيش للهفـوات لـزه=مع امجامل مبروزة القـزازي ليا شافوا لهـم هيكـل ورزه=يحطون المراكي والشـرازي عزاي لمن خدعهم لبس بـزه=يدير اعقولهم دور الجهـازي سبايب من تعرضلـي بـدزه=يبي من عقبها ليـه يـوازي يبي يبطي وضلعي مـا يهـزه=ولو هز الهوى وقفة خـزازي |
البارحـه هاجـوس قلبـي لعبـه=لعبة صغيـرِ فـي جديـد العابيـب بيضـة عقيـم والدينـه تحـبـه=ابوه بشربه عقـب بيـن الشيـب من عقب ما ايس من علاج الاطبه=ومات الامل حتى بطـب الانابيـب اليوم يلعـب بيـن حجـره وعبـه=رزقٍ من الله سايقه عالـم الغيـب هاجـوس طـق اليانعـات المنبـه=طقة عصافيـر النخـل للمذانيـب اسباب من شوفه غـدا لـي سبـه=في حالة تصعب على حالة الذيـب في ليلـة ٍ بـرد الشمالـي يهبـه=ومن الطوى يقنب بعال المراقيـب غروٍ كلامه شهـد سـدرٍ يصبـه=من مبسمٍ يتقن جميـع الاساليـب غـدا بقلبـي لـون طيـرٍ تنبـه=حزة عشاه بحوم عكف المخاليـب يصيح له راعيـه واسمـه ينبـه=وعليه فزع كـل ربعـه طلاليـب وخلاه عقب الشمس غابت وكبـه=دسه معه والطير معـه المقاضيـب مثله غدا با القلـب والنـار شبـه=في خافقٍ خلا ضلوعـه مشاهيـب جنـا علـي الله ربــي وربــه=ماتنظـرون بحالتـه يـا معازيـب امـا يواصلنـي بحـبـه وحـبـه=والا يعالجني من الجـرح واطيـب طاغي دلال وخسـر كفـي يضبـه=منتوق عنق مرتب الجسم ترتيـب وعيـون لعيونـي متاهـات غبـه=يسبح بها شوفي عن الناس واغيب ولباب في خدر النحر مستتبه = ومجدلٍ ليلٍ دجاوي لياسيب على المتون وياصل اطـراف تبـه=تدب دقاق الساق با الحمل تاديـب وقفت اناظـر فيـه كنـي مشبـه=لو ما يشابـه لابسـات الهناديـب متميـز فيـه العـذارى تشـبـه=با البس والا الزين خلق ومواهيب قفا عقـب بيـن سلـوك المحبـه=وقفيت اسير الدين والعرف والعيب خالد الحصني |
الصراحه ميزة الناس الصريحه = با الامور الي صراحتها مباحه لو تضيق راعي الكف الشحيحه= تنصف الي راح عمره في كفاحه مايحارب صادق القول وصحيحه = غير ناسٍ موتها سمع الصراحه لو توردها على مبدا النصيحه = كنك الي يمهم شاهر سلاحه ما ذكر اعلاه مدخل للقريحه = يوم زاد الكيل واغرقني طفاحه انهمل وبل الخفوق ابوقت فيحه = خافقٍ ما طاب الاول من جراحه كل ما ضاق الفضاء ينطق فصيحه = والسجين ابداخله يطلق صراحه من سلوك الوجد ينسجله مليحه = في تثني عودها يلقى استراحه عن مغثة كلمة مقدس ضريحه = يستريح البال في مثنات واحه كان جاملته بها ياهي فضيحه = وكان علمته طلع لك شيخ ساحه والمجامل ما يجمله قبيحه = كان مازود قباحتها قباحه حكمها حكم الرديه والنطيحه = لا تضحي له ولا تمنح مناحه يازمانٍ فيه لتطبيل صيحه = كل طيرٍ ترفعه هزة جناحه ما خلق با الناس ناسٍ مستريحه = ولا بها الدنيا مكانٍ فيه راحه مار تبي العلم سرك لا تبيحه = والتلافي والحياد من الرجاحه |
على السابق الي فوقها كاسبين النوق = برز فارس للمجد يمناه مطلقها تطير عسام القاع من عزمها الماثوق = وخيالها بريح العزاوي منشقها يبي عشقة العشاق با الماقف المرموق =وعادات خيال الجزيره يحققها فزوع الظفر يا بان بين الصفوف افروق = جموعٍ تزاحم يا قدمنا نفرقها على حدودنا ما نقبل الطق والمطقوق = الاشناب يا فتلت علينا نحلقها كلامٍ براهينه نعدل عليها احقوق = ماهي سلعةٍ في سوق جمله امرقها الى اليوم شلفا ذياب في عنتر المشنوق = والاسواق تحمل سيته راح محرقها ظفر با العرين وعلق الليث با المعلوق = ومع الخالدات ابصفحة المجدا وثقها رموزٍ بها يسمحلي الذوق والمنطوق = ولا ني على غشم المراميع سايقها عبر شاعر المليون ينزلهم من فوق = وثمين الجواهر راعي الصنف يفرقها هل الصنف تفرق ويتخثع بها المطفوق = اصابع يدينه يا سمعها يطققها عباب البحر من ضرب دانوقها مفلوق = قوارب مصيدة السمك موجه اغرقها على طاولة خمس المراجع تشف ابذوق = مثل شفة الفنجال من كف ذالقها حوت سر جوهرة لها رمز با الصندوق =عليه الضلوع العوج بقفال مغلقها عليها شعار المملكه شامخات عذلوق = شموخ النخل والسيف الاملح مرافقها من اربوع نجد الحونها يشدي الطاروق = ديار الملوك الي ترف رف بيارقها عسى الي موحدها مع المصطفى مرفوق = بنعيم الجنان الي تنضد نمارقها عريبٍ عسفها عقب ما طال فيه الشوق = بعدله يقص ارقاب وارقاب يعتقها و تسامت لبو تركي وما فات له ملحوق = مسح دمعها وفلت شعرها وعانقها تحول على دارٍ عليها السحاب ايسوق = يشوق مخايلة الحيا ضوح با رقها على دولةٍ فيها لزين الجواهر سوق = بلاد الرجال الي تواصل تفوقها عسى زايد الحكمه من ام الضا معتوق = عدد ما بنا واعداد بيضٍ مطبقها وحكيم العرب ورث خليفه كما الشاهوق = على درب زايد كل عليا توسقها يدور على الي يا وصلها مهو مسبوق = ويا شافها قبله لقا ابوه طارقها تساند على ضلعٍ ضرب با النواة اعروق = تعدة عروقه مركز الارض لعمقها تعوذ حمل وزر المانه وحجم الطوق = وقسمها على خمسه وحلف مصدقها حبال الامانه مستديره بخمس عنوق = ولله حكمه يا اينعة روس يشنقها على العز يا بن حجاب اقدم كفيت العوق = تحيزم لها وانت الطويله معاشقها تباركلنا فيك الجزيره وحنا انتوق = نوزع بطاقات الفرح في مناطقها |
الله الكامـل ولا غيـر الله احـد ٍ كامـل=ما خلق غير النبي با اخلاقـه المكتملـه التبجـح فـي بـراد مكيفـات الزامـل=لا يبين لـك شجـاع ولايبيـن صملـه واهني الي لياشـاف المجامـل جامـل=لا يضيق ولا تعسره با المجامل جملـه با الكلام يخلي الناقـص تقـل متكامـل=ما يهمـه لا ضميـر ولا تهمـه عملـه ايتهمل با البلـد مثـل البعيـر الهامـل=يدرج بيـن المعالـف ويتعـذر حملـه في ذرى من في رجاحتهم نظن ونامـل=قبل ما يلحق على الدرفيل دابـي قملـه سيرة الاصحاب با الاصحاب حسن معامل=ما يذم اصحابه الا الـي عاملـه عملـه الصديق المتزن ماهـو بعنـدك عامـل=كل عوجا تجيبها يفـزع قبـل تزهملـه كل صدرٍ يا رقينا بـا الضغايـن حامـل=بشـره فـي مهمهيـات تـزود حملـه لا يردك يـا رقيـت مسبـرقٍ متحامـل=ادقله وانت بطريقك وانقويـت احتملـه من بنات افكار راسٍ با المواقف صامـل=يقصرن عنهن سبوحك يابو فضه وملـه لو تهقواها النشيط الي مـن اول خامـل=جابها من فوق راسه من نشاطه خملـه صدر المرسوم وذيع بصوت غالب كامل=لا قبـول لمهزلـة هامـل ولا للهملـه |
زينت الاخلاق مـا زانـت علاقاتـي=النـاس معيـه مخـربـةٍ علاقتـهـا مدري طموح العرب في حكمها ذاتـي=والا كـذا طبعهـا وهـذي حقيقتـهـا يا هاجس الغيد يا فـارس طموحاتـي=النفس حـب اللحـى ماهـو بخلقتهـا رح كسر الصمت ضاق الصبر بسكاتي=خـل الخلايـا تفجـر كـل طاقتهـا مانـي مخالـف تقاليـدي وعـاداتـي=لو البشـر خالفـت مـن قـو فاقتهـا بوجيه كـل اقرنايـه لوحـة امراتـي=اقـرا تعابيرهـا ياشفـت حرقتـهـا الشمس غربال ابو غربال لـو ياتـي=تندى جبينـه وهـو جالـس بشرقتهـا على مجـم الرهـى ماقـول ساداتـي=الرجل تاطى على الصعبـه بطرقتهـا ون هبت الغرب وجا صلف الهوا عاتي=الثانيـه تمسـك الاولــى بساقتـهـا يا تاركيـن المجـال لنـاسٍ احفاتـي=طباخة الفـوس تكـرم فـي سليقتهـا الواجـهـه شوهـوهـا بالتنهـاتـي=والسايبـه علمـت وشلـون سرقتهـا يوم الغضنفر ما يسمع سمعه اصواتـي=تطلـقـة شـلـة (000)وطقـتـهـا تسرح وتمرح وترقـص للطويلاتـي=ويا قادٍ الوضح جتـك تسـوق ناقتهـا ذا واقع الحـال ماهـو قـول شماتـي=هاذي سوايا القصـار وذي طريقتهـا عندي دلايل على التشخيص واثباتـي=وعلاجهـا باالقـزاز افصـد شقيقتهـا حتى الكواكب تشاف بكـل الاوقاتـي=والمنجـم يـدرك الوجهـه برفقتهـا قول الحقيقـه تسبـب فـي معاداتـي=لكنهـا حبـةٍ جـا وقــت فلقتـهـا ورمت وكبرت وقلنا الوقـت مافاتـي=واهـل الحماقـه مواصلـتٍ حماقتهـا ويوم انها صلعـت ناديـت ضفراتـي=ولحقت عليهـا مياسيمـي وعرقتهـا |
يا هجوسي طيب الفعل امدحنه = مدحت الطيب توافق مع مساري الجميلي جاب شعل شرفنه =في ميادين بها الطيب يماري ارفعٍ سقف المزاين يوم جنه = وخل الملاك في حالة طواري خابرين المركز الي كد خذنه = مايبن في زينهن راي استشاري من بلاد اخوان مريم صبحنه = مبحراتٍ با الوطا سفن الصحاري يوم جملهن بماله جملنه = ما ينافس زينهن غير انتحاري حس راعيهن ليوده يعرفنه = عن مضحاهن بعيدات المحاري اقبلن يزهابهن قاعٍ وطنه = مثل سفن الجيش في ذات الصواري طفحٍ درج السنام يدايحنه = طعس نفدٍ فاهقه للخلف ذاري راهيات اخدود دلق ارقابهنه = ومن بعيد ارقابها مثل السواري والبراشم نازله من زينهنه= والاذاني فهقها حدب الشباري يا وقفن كن الحديث يرددنه = عن رواياتٍ لبو ذر الغفاري يذكرن خلاقهن ويسبحنه = يا صعرن بخدودهن وقت العصاري والفحل لو صحت بذنه ويش كنه = مثل من علم بعلم عنه داري كل جمهور المزاين جمعنه = لين صار امراحهن مركز حضاري عشت يا بن هلال ما با الفوز منه = انت فايز في مزينة البراري الوفا له ساس والامجاد فنه = من هل العرفا مصابيح الغداري خيلهم كم شيخ قوم لو عنه= في مراكضهن يعيشٍ الضواري من قبيلة حرب مروية الاسنه = في نهارٍ فيه لشيطان طاري معجزات اسلومهم من يجهلنه = با الجزيره ما لنا فيهن مجاري والقبايل فعلها لطيب سنه = البنادم له حسابٍ عند باري فيه موت وفيه نار وفيه جنه = من يهضم حقوق غيره ما يداري |
قصيده كلفني بها الامير منور بن غلاب بن طعيسه امير قبيلة الحصنان وهي مباركه بحصول ابن نحيت على البيرق ودعوه وافتخار بهذا الانجاز
للهرج ناس وللمواقف رياجيل = لنايبات ورفعة الروس ولها لنايفات العاليه تسرج الخيل =تاصل مواصيل جزال خصلها خطل اليماني شاربين الفناجيل= ال النحيت اسمى الاسامي نفلها في مدحهم تجي القصايد زرافيل = تلبسلهم عصم القصايد حللها تنقاد في مدح الشيوخ الحلاحيل =ابن نحيت وطيب فعله ذهلها من مجد ماضيهم تفوح المعاميل =وامجاد حاضرهم زياد امتثلها ماهم شيوخ با القصايد وبا القيل = اشيوخ حرب وجاهل الي جهلها با السان ابو سلطان عقب المشاكيل = الشيخ منور قال يا قلت قلها سلام يا نجم ظهر وانور اليل = نجم ظهر فوق الكواكب وفلها اسم القبيله رافعه فوق للسهيل=والكبد عن بعض المواجع غسلها عم السرور المملكه كنه السيل = على جميع اجبالها مع سهلها خل الفرح ينزل عليها شهاليل = وضحا كسبها با الضحى ما ختلها الاوله مبروك يا نادر الجيل =تستاهل الرايه ومثلك جملها اسقيتها من منبع كنه النيل =يا جديها يا سهيلها يا زحلها والثانيه لي لابة تذبح الحيل =متنومسه بزياد والي حملها متنومسه في فعل راع المواصيل = متى تشرف يا الامير محفلها |
الى متى يا غاليه حالة الصمت = تكلمي قبل الموادع يحيني على جسر حب المواصل تولمت = في داخلي ما باقي الا يقيني حلم يراودني معك كل ما نمت = عساك مثلي با القا تحلميني على مواجع رحلة العمر قسمت = وخوفي على الي باقيٍ من سنيني من تجربة بعض المواقف تعلمت = ان الحقايق بعد مده تبيني خطاي بو جيهٍ تبسم تبسمت = واصبحة من بعد التبسم حزيني في رافع شعار المبادي تعشمت = ولقيت له دينه وانا لي ديني وتوي فهمت او قول توي تفهمت =صديق ما يصدق عدوٍ بطيني حولت في سوق المساهم وساهمت =لزعلت لا خشمي ولا ازعلت عيني با الصبر وحبال التفائل تحيزمت = والصبر قيل نهايته حاجتيني يا وحيت كلمة تجرح السمع سجمت = وارسلت لذني كن ما تسمعيني ومع من يسمى صاحبي ما تصادمت = ما فرحوا العدوان بينه وبيني اصد يا جاني خطا لو تالمت = صدت غلا يفطن بها العارفيني والصد قبل مصادم الشمت با الشمت = ما يرخص الطيب على الطيبيني وان ساد با المجلس لغا قول كرمت = ما همني من قال ذا ما يبيني يا غليت الهرجه على مذهب السمت = كرمكم الله شيمة الغانميني ليه مدار افكار فكري ليا همت = هومات سباح البحور الفطيني يا جاش تيار الهواجيس صممت = قافٍ تزعل سبكته حاسديني من هندسة فكري بطرقه تحكمت =حتى لساني ما يجيلي مديني يا غاليه هاجت هجوسي وقدمت = شقحا شهود عيونها معجبيني تكسر جدار السكوت وتكلمت = تكلمي قبل الموادع يحيني |
هلا هلا عدت هماليل همال = من مدلهمن ينثر الما خياله اقبل من المنشا تقل ينقل اجبال = كن الجبال الراسيه في قباله اعداد هماله وسيله ليا سال = هلا هلا با الحفل والي عناله يا مرحبا با الحفل رجال رجال = اشيوخ والي منصب العز ناله ترحيبةٍ منها ازرق العود يختال = وفنجال فاحة با الحفاوه دلاله من هاجسي بلسان من جاني وقال = رحب ترى الترحيب هذا مجاله الله يديم افراح من جود الخال = وخلا الولد ساس النشاما خواله احامره والطيب مبطي ولا زال = فيهم وله معهم سهوم وزماله قبيلة منها النسب مكسب اجيال = رجالهم يحسب قبيله لحاله والامن نعمه وسالم واقع الحال = نسب جنوب ابلادنا مع شماله من عقب كنا بين غازي ونشال = اليوم ننعم با الامن والعداله بضلال حكام الجزيره لنا اضلال = ال السعود مطوعة كل عاله ذا قول من يطرق جزيلات الامثال = ولا يقصرن من دون جمه حباله من لابة ياعدة افعول الابطال = حصنان يا عد البراء هم رجاله حربة قبيلة حرب يوم اشهب الال = اقولها ومن ينطق الحق قاله افعالهم تضرب بها اليوم الامثال = يفخر بها الشايب وتفخر عياله زعيمهم منورسطين با الافعال = يا خذ غصيبه غصب ماهي ختاله خيال كم حول عن الخيل خيال = بعنانها مع محزم البطن شاله لنا حفيده يافي الكيل يا كال= سمي جده والخصايل خصاله منور وله با المجد مرسى ومنزال = ريف الجماعه عن صلف كل قاله هذا وكلٍ له مع الطيب مدهال = والطيبه كلٍ يبيها حلاله كل القبايل تدرك الطيب وتنال = الطيب وهبه من جليل الجلاله والكامل الله كامل ابكل الاحوال = والناقص الي يدعي با الكماله |
الساعة الآن 12:13 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir