طاب النسيم وهزني زايد الشوق=وحن معسول المراشف لحالي
ولف القمر لليل من جادله طوق=وشعشع علينا بعد سود الليالي
حتى رتقنا بين عاشق ومعشوق=وشفنا السعادة دقها والجلالي
ومال الفؤاد وقلت للمنتحي روق=ترى الوسيعة آيله لزوالي
دنياك لاضحكت لها قد ممشوق=وإن كان ضاقت مر من بعد حالي
تجز من معشوقها الطاق مطبوق=وتدك يالمخدوع روس الجبالي
وأنا ليا ماصغت من كل طاروق=وارتحت ممَّ شفت وارتاح بالي
أخاف يبعد بي عن النور مصفوق=والشوف يضعف لاعتراه الظلالي
والحمل زايد ما عن العبد مدروق=والعاقل اللي ما يروز الثقالي

صح لسانك ولاهنت قصيده جزله