ياديب سجلي على الطرس هنداب=من شاعر جزل المعاني طراله
لنجم وتنجيمه على حكم الاداب=ياخذ ويعطي واثق من رياله
ماساوق المعنى وهو قصده اعتاب =لاكن وده يرسم اللي اباله
ايفصل المعنى على عدة ابواب=ويحط بالفهرس علامةسؤاله
حرصٍ على المعنى يدور وينجاب=ان جيب ولاجيب معناٍ بداله
ابدرك المعنى وباحسب احساب=ومنصا الشكيه عيلماً ينعناله
شاعر علم راعي مكانه وينهاب=في سمعته بين العرب وبقباله
جزاء ليا عدة صواريم الاشناب=متبنياً بيت المكانه اسلاله
وعنده فصاحه يعرب الغنه اعراب=موهب من الوالي عظيم الجلاله
نبد يبه وناخذ وجبنا من جناب=بأقصى جنوب القطر ولا شماله
من دون نقصاً بالاجانب ولاقراب=كلن يورا له مكانه لحاله
وماقل دل وكل شيٍ له اسباب=ولا يسمج الرجال غير الأطاله
ودوي بشرح استاذ في فصل طلاب=والكل يلقى شرح الاستاذ باله
ردود فعل مسن صوتله الشاب=والشايب اقفى ثم عود وجاله
ثم أمطرت من بينهم هوش وطلا ب=ولا يضيع الرجال غير انفعاله
واللي يفكر بأخر الوضع ينصاب=ماوده الحاصل سمع في جداله
هذا مسن وله وقاره ألى شاب=واللي ينادي كبر رجعة عياله
ونا تفرج واتمتع بالعجاب=هذا عوج منطق وذا بليس شاله
والثانيه وش واجب الرجل لاغاب=لاخذ محاري زاويه عن الرجاله
هو يندفع دفعة مساكين الارهاب=ولا أجنبي يدرا عواقب خماله
لا شاف له مجلس على المجلس انساب=لو مجتمعهم بارزله بقاله
يحط هذا الزير والثاني أذياب=وباقي العرب عايش على قد حاله
هاذي علومي وأخبر السايل يجاب=وابي ردودك ياوثيق العداله
والرجل لامنه على النايبه ناب =مايحزن العاقل على ماغداله

ياغازي امغيران يأعرب الانساب=رجلن وابوه الليث عاني لخاله
والحرله من ماكر الاصل مجذاب=صيروم حرن وافياتٍ أخصاله
وعزيز قوم ومن شريفين الاصلاب=ومن روس ربعن يكسبون الجماله
رجلن على فعل المواجيب كساب=فيك الحميه والصخا والبساله
صديق للصاحب وضدن للاحزاب=وراعي مواقف في شجاعه وأصاله
دون الجماعه شرف العمر جلاب=ليا شاف مخطي ماتحمل خماله
حرن خصيمه من مهاويه منصاب=لو جاز قطع الراس ركب بداله
له موقفٍ مايختفي عند الاصحاب=دون القبيله يعجبك في مقاله
ببيوته اللي في مواجيبهن صاب=وخيب رجاء من كان طبعه نذاله
شوارد ن وسيوف في قص الارقاب=منهن رفيق بليس يبكي اعياله
وابيوت شعرن وطربن قلبي اطراب=اقرابهن واطربهن بالجزاله
هذا وانا ماودي ارقا بمرقاب=وومي لصقار العلف بالفواله
وتجيني الشرهات من كل الاقطاب=كلن يبيله مدحتن في حواله
ماودي افتح للمطافيق الابواب=وابلش بخبلن معجبن في اظلاله
وياغازي الدنيا بها احداث واغراب=فيها صواقط ناس مثل الحثاله
والخافي اعضم وانت تعرف با لاسباب=وكلن يشوف الناس في طبع حاله
مغويهم الشيطان وأبليس ماغاب=يدخل عليهم عن طريق الجهاله
ليا صار خبل وثايره فيه العصاب=خله ضحيه للهوس مع أهباله
منته مكلف بين طالب وطلاب=والنمل ريشه هو سبايب زواله
لك عن طريق الشك وريب مجناب=والناس ماعندك عليهم وكاله
مافيه داعي للتخاليف ترتاب=خلك عصامي فوق راسه عقاله
منته مثل من قال سكين قصاب=من لايعجبك لاتدور جداله
واسلم وسامح وانت للعرف قضاب=والعرف عندك وانت ماسك أحباله

0
0
0
مبدعين لله دركما ... وصحت السنتكما 0
0
0
تحيتي

المشاركة الأصلية كتبت بواسطة ساري الغدرا (المشاركة 193124) 0 0 0 مبدعين لله دركما ... وصحت السنتكما 0 0 0 تحيتي

المشاركة الأصلية كتبت بواسطة الحب الباقي (المشاركة 193184) صح لسانك يابوطلال وصح لسان الشاعر جزاء بيض الله وجهك

المشاركة الأصلية كتبت بواسطة مشعان الحربي (المشاركة 193193) يابوطلال دائمأ عملاق صحت السنتكم وبيض الله وجيهكم

المشاركة الأصلية كتبت بواسطة أبوليلى (المشاركة 193202) صح الله لسانك مليون يا مبدع والله لا يهينك

المشاركة الأصلية كتبت بواسطة فارس الفرسان (المشاركة 193251) غازي الزغيبي صح الله لسانك ولسان الشاعر جزاءالحربي

المشاركة الأصلية كتبت بواسطة المخلـــفي (المشاركة 193453) صح لسانك يابوطلال ولسان أبو صالح مساجلة رائعة .

المشاركة الأصلية كتبت بواسطة المخلـــفي (المشاركة 193453) صح لسانك يابوطلال ولسان أبو صالح مساجلة رائعة .

المشاركة الأصلية كتبت بواسطة القناص (المشاركة 193248) صح لسانك قصيده رائعه

المشاركة الأصلية كتبت بواسطة فارس عوف (المشاركة 193467) 0 0 0 0 الشاعر : غازي الزغيبي ............ صح لسانك على القصيدة الجزلة و صح لسان الشاعر الكبير : جزاء بن صالح الحربي 0 0 0

صــــح لــســانــــــك....يابو طـــلال




وصـــح لـــســــان الشاعر:جزاء الحربي

صح السانك والسان ابو صالح
دائماً مبدعين

(صح لسانك يابو طلال وصح لسان جزاء)
ومثل هذا الشعر ليس بحاجة التصحيح مني او من غيري

وبيض الله وجهك

المشاركة الأصلية كتبت بواسطة حمود الغيداني (المشاركة 197404) صــــح لــســانــــــك....يابو طـــلال وصـــح لـــســــان الشاعر:جزاء الحربي

المشاركة الأصلية كتبت بواسطة راعــ(البل)ــي (المشاركة 201504) أقول كفو والقصيدة كفو والله صح لسانك وعظم شأنك تحياتي لك

المشاركة الأصلية كتبت بواسطة ماجد بن تركي الحربي (المشاركة 201560) شاعر جزل و مبدع لا عدمتك لن اوفيك حقك من الثناء .. دمت بخير اخوك

المشاركة الأصلية كتبت بواسطة ابوفياض النويمي (المشاركة 201577) صح لسانك وعلا شانك والله يعطيك العافيه على القصيده الجزله بيض الله وجهك تحياتي

المشاركة الأصلية كتبت بواسطة ذيب العاقر (المشاركة 201798) شاعرين من اعلام الشعر غازي الزغيبي وجزاء بن صالح ومن اراد ان يكتب الشعر ان يستفيد منهم بمتابعت ماتجود به قريحتهم صح لسانك ياغازي مغيران وصح لسان جزاء بن صالح

المشاركة الأصلية كتبت بواسطة طير شلوى (المشاركة 201892) مِــدادكَـ .. غـشـاهـا .. الـ صـدق .. وأحـاطـهـا .. الـ نـقــاء !! صـ لسـانـكـ ـح .. مــدد .. بـ .. لا .. عــدد .. دمــتَ .. كمـا .. أنــت .. بـ انتظـار .. الـ مـزيـد .. أخي .. الـ كـريــم ..