|
فواز العمري مطلوب للميدان
ابو بدر حياك الله المحاوره معك مكسب واسمحلي بهذا الطاروق
الليل يافواز ماباقي الا نسرج الخيل = ونطرد سباع الضلع الاقصى عن الضلع الموالي قال المثل لاعمَد اسهيل لاتغفل عن السيل = نشوف نجم اسهيل في نجد لكن نجد خالي |
هلا وغلا بالشيخ
صح لسانك على البحر وانا بصفك ولا يهون اخوي فواز :eek: :eek: :eek: :eek: :0736: :eek: :eek: :eek: |
صح لسانك
وبيض الله وجهك |
الحب الباقي
هلافيك وصح بدنك ولاهنت شايب عجيب صح بدنك ووجهك ابيض |
ابقاك الله يابو عبد العزيز ويشرفني اللعب معك
الليل ياتركي سرا الليل شد العزم والحيل = ولاهو غريب اليا رقينا على روس الطوالي وياللي تشوف سهيل في نجد ماشفت الرياجيل = ناظر جنوب ولد عينك ياتركي للشمالي |
ياسلالالالالالام
لله دركم بالتأكيد محاوره كبار ويطيب لنا الاستمتاع بها تركى الشيخ+ فواز العمرى تقبلوا تحيات اخوكم |
الله الله
استلم لاهنت
لا بارك الله فالذي شغلته نصب المحابيل = لعل فاله يا ابيض الوجه ماهو مثل فالي ماذمهم لاثار عج الرمك واليا اظلم الليل = احد يشبهه ذياب والاخر لزيد الهلالي |
الشاعر بدر العجمي
مرورك وردك تشريف للمحاوره لاهنت |
صحت السنتكم
:eek: :eek: :eek: :eek: :eek: :eek: :eek: |
الله الله
علمين وأساتذه وطاروق رائع . الليله موعدنا مع الأبداع والنقض والفتل والتميز. |
استلم
الله عليم بسر خلقه وعالم بالتفاصيل = والله يحاسبني ليا مت بذنوبي لحالي ياصاحبي تركي على ذياب انا عندي لك ادليل = لكن انا عن فعل ابو زيد ابوجه سؤالي |
الحب الباقي وشايب عجيب
الله لايهينكم على المتابعه |
العلم بدر العجمي
الله لايهينك وشهادتك وسام |
المحايد
الله لايهينك ومتابعتك شرف لنا وشهادتك وسام |
شعار مافيها كلام وابداع
|
صحت ألسنتكم
واصلوا واصلوا |
0 0 0 ياسلام ياسلام محاروه رائعه من شعراء رائعين بيض الله وجهك ياتركي ... أضفت لنا شاعر جديد حياك الله يافواز العمري ... اكبر مكسب وجودك مع شرواك 0 0 0 تحيتي |
الله الله
ياسلام ياسلام
انته علاك احقوق في ماجرى لاتنقص الكيل = لاصرت تعرف ويش فرق الحرام اعن الحلالي تنشد ولايخفاك نجم الجدي والنجم ابو ذيل = النجم ابو ذيل المسمى هوى والجدي عالي |
تركى الشيخ+ فواز العمرى
صحت السنتكم وبيض الله وجيهكم ملعبه رائعه وشعار كبار يعطيكم العافيه |
المحايد
شرفتنا بحضورك ومتابعتك تهمنا لاهنت يالقرم |
مستشارنا الغالي
حياك الله يابو فهد والله ان حضورك يهمني لاهنت لاهنت |
المخلفي
لاعدمت حضورك |
حياك الله يابو روان
صح بدنك يالغالي ووجهك ابيض لاهنت على تواجدك |
ياسلام ياسلام
الشيخ تركي وفواز العمري ابداع في ابداع |
استلم عساك سالم
لولا الخطا ماحط بين العرب حق ومعاديل = وانطعتني جود حلالك قبل تحفظ حلالي واليا هوى النجم المسمى بلا فود ومحاصيل = بين النجوم اللي على الكون ياتركي تلالي |
ياسلام ياسلام لله درك يافواز
وشلون تتهم صاحبك والخطا عند المراسيل = يازين حل الحبل ياللي تشدون الحبالي ما كل من يشرب من الكيف يعرف وزنة الهيل = علم بها راع المعاميل واصحاب الدلالي |
الله الله ياتركي ولا يهووووون فواز
|
الله الله
استلم
ماني على اهل الدار ريس ولا انقَد فناجيل = ولاني وكيل ادم ولاهمني علمٍ يقالي اليا بغيت الكيف اعرفه وانا راعي معاميل =اصب فنجالي على الكيف من عذبٍ زلالي |
الله الله ابداع والله
ما كل من يشرب من الكيف يعرف وزنة الهيل=== علـم بـهـا راع المعامـيـل واصـحـاب الـدلالـي بيت من ذهب |
طيب طيب
احترت فيك انته تبى العدل والا تقبل الميل = اما تخاويني مع الدرب والا انهه الجدالي الصاحي المجنون شال البنادق والدرابيل = وانته تجامل والضحيه من اكبار الجمالي |
ياسلام على الابداع
صحت السنتكم |
الله عليكم مبدعين مبدعين
|
الله الله
الميل محدن يقبله وانت ليش اتحط وتشيل = انكان شفت وعفت ياصاحبي شد الرحالي بعض السوالف مالها عندنا وزن ومكاييل = والريح ماهزت من اسنين راسيت الجبالي |
والله ما اجنب لين يجلى الغمام ويصفي النيل = واذكي الفاطر واعقل ولدها بالعقالي بانت علامات القيامه في هذا الوقت والجيل = والله يعلم ويش تخفي مقابيل الليالي الشاعر الكبير فواز العمري صح لسانك وبيض الله وجهك تشرفت باللعب مع شاعر اللعب معه استفاده ومكسب التغطيه من عندك وتصبح على خير ولا يفوتني ان اشكر كل من شاركنا بالمحاوره سواء بالرد او المشاهده |
النيل فيه الشر والخير يالله بالتساهيل = ويعينك الله في حمولن على متنك ثقالي حنا نخبل البرق لا لاح في رجوا المقابيل =ونهاية الطاروق يالالا يالا لا يالالي الاخ تركي الشيخ يشهد الله بان الشرف لي يوم العب او اجاري شاعر بقدراتك وعسانا تجملنا معك وارجو المعذره من جميع شعار المحاوره انا يالربع شاعر نضم بس تركي طلبني وانا ما اقدر ارفضله طلب واشكر جميع من شرفنا بالتواجد اخوكم فواز العمر |
صحت السنتكم
وماقصرتو يالمبدعين |
بيض الله وجيهكم
أمتعتونا فعلا بمحاروة من الوزن الثقيل. |
ما شاء الله ابداع
لكم خالص الود والتقدير |
صحت السنتكم شعارنا الاكارم
لاهنتم |
محاوره رائعه وشعار كبار
ومعاني جزله الله يعطيكم العافيه |
الساعة الآن 04:05 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir