الكبير اللي على كبره صغر=وامه اللي زالته قبل الزوال
عقب فعلتها توجه للمقر=دُولة دالت وذا دايم دوال
وذا ضناها برها زاد وكبر=لين ساد النص عمقه والطوال
ثم تولت له شقيق ينتظر = دالته دوله على نفس الحوال

المشاركة الأصلية كتبت بواسطة ابوهليل (المشاركة 1435717) الاخ عدم الانحياز ياهلا ملايييييييييييييين حياك الله وصح لسااااااااااااانك لغز رايع بيض الله وجهك جااااااااري التفكير عن رمعه تليق بالغز

المشاركة الأصلية كتبت بواسطة حسيـن (المشاركة 1435733) وعليكم السلام ورحمة الله وبركاته صح السانك ياعدم الانحياز على اللغز الجزل نفتح باب الرمعات الاتحاد السوفيتي

المشاركة الأصلية كتبت بواسطة أبوفيصل (المشاركة 1435755) صح لسااانك اخوي عدم الانحياز وياهلابك لاهنت على هاللغز الجزل والرائع رمعه أولى وش تقول في الضعف كما قال الله عز وجل ( الله الذي خلقكم من ضعف ثم جعل من بعد ضعف قوة ثم جعل من بعد قوة ضعفا وشيبة يخلق ما يشاء وهو العليم القدير )

المشاركة الأصلية كتبت بواسطة أبوفيصل (المشاركة 1435767) استخدم متصفح غير قوقل كروم وش رايك بالشهر وامه السنه وقد يكون شهر فبراير بالتحديد

المشاركة الأصلية كتبت بواسطة ابوهليل (المشاركة 1435772) رمعه الضاهر انها سماويه وش رايك القمر اخر الشهر صغير ونص الشهر كبير

المشاركة الأصلية كتبت بواسطة حسيـن (المشاركة 1435785) وش رايك في الظل والشمس

استبدلت الطول (المكشوف) بالكبر وعوضت بالزوال وقرنته بزالته حتى تكون مترادفه وبعيده
ومعروف ان الظل يزول تماما مع تعامد الشمس واذا زالت يبداً من الجهة الثانية بالكبر
قلت انها (اي الشمس) توجه ومعروف ان الموجاه يكون تالي النهار وليس اوله كالمسراح
للمقر - حسب الاية الكريمة (والشمس تجري لمستقر لها) دوله من تداول الامر بين الليل والنهار
ساد عمقه والطوال - اي ان الظلال ساد كل شي وذلك اثناء الليل يكون صدغ الارض في ظلالها
اضفت البيت الاخير لعله يساعد في التقريب وهو ان الشمس تجلي الظلال من جهة الى اخرى باستمرار

والشكر والتقدير موصول لكل من شارك