|
2760لغز جديد(حرارة الهاتف )صح لسان من حله
السلام عليكم ورحمة الله وبركاته
بنــتٍ لــبوهـا روح . . تحييه وتميته =من دونـها مـافاد . . تبقى لبوها روح لوهي تجي وتروح . . وتــرد عافيـتـه =ماهيب شرب وزاد . . وش عاد لوتروح من مبعدات الشوح . . ماغادرت بيته =فــبلادهــا لبــلاد . . من مبعدات الشوح |
صح لسانك يابوفيصل بيض الله وجهك
وش رايك الجوال والبنت البطاريه او الارسال |
صح بدنك يابوهليل ووجهك
الرمعه ماااالك لواا |
صح لسانك يابوفيصل بيض الله وجهك
وش قولك بالطائرة دون طيار |
صح بدنك يا بومروان ووجهك
مااالك لواا |
وعليكم السلام ورحمة الله وبركاته
صح لسانك يابو فيصل وش قولك بالسيارة والمفتاح |
الكفره وابوها الجنط
|
وعليكم السلام ورحمة الله وبركاته صح السانك يابو فيصل على اللغز الجزل الجواز والفيزا |
صح لسانك يابو فيصل لغز جزل بحبك جديد للابيات
وش قولك بالطلقه الله يكفينا وياك وكل مسلم شرها |
صح بدنكم وحيا الله الاخت همس
ماااالكم لواا |
مااالك لواا يابوهليل
|
صح بدنك يابوعلي لاهنت
ماالك لواا |
صح بدنك ياصلاح تسلم لاهنت
ماااالك لواا |
وش قولك بالمكينه وابوها البدي تحييه بوجودها وتميته بعدمها ومن مبعدات الشوح ولو راحت عادي تجي غيرها
|
عدسة الدربيل
|
الاخ صلاح لاهنت
مااااالك لواا |
ابوعلي لاهنت
ماااااالك لواا |
صح السانك لاهنت
ونقول شريحة الاتصالات وابوها الجوال لكن هذا الطرق ايش يسمى؟ |
صح بدنك يالكحيله ولاتهونين
مااااالك لواا تسألون عن الطرق ومسماه هو يسمى بالمروبع المنكوس رباعي الوزن ينتهي بنفس قافية الشطر الاول واكثر مايستخدم في شعر المحاوره وكان من يلعب ذلك الطرق أمثال الشاعر الكبير احمد الناصر كما ان فيه طرق مشابه له وهو المروبع المكسور المنكوس |
الســمــعـــة
|
طيب
بصيرة القلب |
مااالك لواا يابوعلي
|
ابو مروان ماااالك لواا
|
الشريحه والجوال
|
طيب تكون
المركبه الفضائيه اللي تحمل القمر الصناعي او الصاروخ مثل مركبة ابولو |
ابوفيصل
صح لسانك وطرقك للغز وبيض الله وجهك وش رايك الدقمه والسلف او الشراره والبوجي |
العمــــلة
|
ماااالك لوا يابوهليل
|
طاب حظك اخوي ابومروان
مااالك لواا |
صح بدنك ياعامر ووجهك لاهنت
مااااالك لواا |
ابوعلي ماااالك لواا
|
طيب
1-الفكرة او الكلمة في بيت الشعر 2-او القصيدة والشعر 30 القصيدة والشاعر |
طيب
مظلة القفز او بطاقة مسبقة الدفع للجوال |
الكحيله ماااااالك لواا
|
ابومروان مااااالك لواا
|
وش الفرق بين الشريحة والجوال
والحرارة والهاتف لغز يركب عليه اكثر من رمعه معضم الرمعات الي جابوها الاعضاء راكبه على الغز وجهة نضر قد تكون صايبه او خاطيه |
بنــتٍ لــبوهـا روح . . تحييه وتميته =من دونـها مـافاد . . تبقى لبوها روح لوهي تجي وتروح . . وتــرد عافيـتـه =ماهيب شرب وزاد . . وش عاد لوتروح من مبعدات الشوح . . ماغادرت بيته =فــبلادهــا لبــلاد . . من مبعدات الشوح يابوهليل اصبت الحل صح فكرك ( حرارة الهاتف ) (good) هذا اللي بنيت عليه اللغز والسبب هنا ( بنتٍ لبوها روح ) الروح وصف ليس مادي ملموس كذلك الحراره ليست ملموسه بعكس الشريحه وهذا ماكنت اعنيه بأختصار وانكان لاتطابق لها فالسموحه على طرح اللغز |
صح لسانك وانت عودتنا على الجزل يابوفيصل
تحياتي لكم |
ابوهليل
صح فكرك وتفكيرك في حل اللغز ابوفيصل صح لسانك ونظمك |
ابوهليل
عامر الروقي ياهلا بكم وصح ابدانكم لاهنتم مشكورين تحياتي |
الساعة الآن 02:49 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir