|
ديوان الشاعر/سند مسند العريمه الحربي
لا صار ماتبدع إبيوتٍ ثمينه= = ريح ضميرك واترك الناس ترتاح ياما سمعنا من قصايد عجينه= = والمشكله حازت جماهير وأمداح في عالمٍ تصفق يساره يمينه= =وكل القصايد عنده إسمان وصحاح ميزانهم صوتٍ تعالى رنينه = = تلقى جماهيره لها صفق وصياح خلوا تقاليد العرب والسكينه= =في ليلهم مسراح والصبح ممراح ويااللي على الشاطي تدف السفينه= =عود على الساحل ترى مانت سباح البحـــر يبـغـاله رجــالٍ رزيـنـه= = له غـبـةٍ تـجـذب جـمـادات وارواح وخلك على كشته قريب المدينه = = دلــه وبــرادٍ له البـــال يــرتــاح |
قدام لانبدأ بيوت القصيده= =تحية الإسلام سنه وتنقال سلام يارجال الوفاء والعقيده= =عداد مايمطر من المزن همال سلام شاعر والنشاما رصيده= =مبدأ حياته في طريقه ولازال والشعر جزله بالمواقف نجيده= =وعقب السلام الزين نبداء بالأمثال واقول ياجهينه ونعم البديده= =دام الوفاء فيكم من أجيال لأجيال العام زرتونا وجيه سعيده= =لبيتم الدعوه على كل الأحوال جيتم لشيخٍ بالمواقف وليده= =في منزله يُقلط على الحيل ودلال ابن جديع الطايله ما تكيده= =كون لنا عرفة حشيمين وابطال وتم التعارف والنشاما تزيده = =منا ومنكم يا كريمين الأسبال واليوم جيناكم بدعوه مجيده = =من روسكم جزله على عالي العال ياهل المكارم والفعول السديده= =يوم العرب صولات رجلي وخيال وبحفلكم عبرت باللي نريده= =وختامها الكمبود والمسك يا رجال ويالله عسى أيام النشاما مديده = =أقولها من جد بقفاي وقبال |
الشيخ شيخ العلم حام الشريعه = = يا مجير الشيخه على غير تأسيس والشيخ شيخ القوم وقت الوليعه = = لا ثارت الهيجاء بضرب النواديس والشيخ شيخ الجاه وقت الفزيعه = = لا شربكت بقعاء عقود اللواليس والشيخ رجالٍ عزومه شجيعه = = بالطيب والفزعه وكسب النواميس نفسه على فعل المراجل تطيعه = = ما دار في باله طمع موكي الكيس سد اللوازم للنشامى ربيعه = = سلام يا تاج الفخر والنواميس وباق البشر حاله وحال الطبيعه = = وكلٍ على فعله تجيه المقاييس احدٍ يمد الطيب وحدٍ يبيعه = = وحدٍ يلمس شجرة الطيب تلميس وحدٍ جزيل ونشكره في صنيعه = = وحدٍ يخيب وقلعت النذل وبليس فاتت على مثله افعولٍ رفيعه = =وش عاد لو يسكن على برج باريس مهف دخانٍ تفرق جميعه = = مع درب صلفاتٍ تشيل الطعاميس الموت لا جاله إركابه سريعه = = ما ينفعه لو كدس المال تكديس تقاسمو ماله إجموعٍ مجيعه = =حق وحقيقة ما بها هرج تدليس أوجزتها في موجزٍ نستطيعه = = ولبستها من جوهر الشعر تلبيس |
تكفى يابومتعب ولايهــون سلمـــان = = نبغى دراسه للمواطن مفيده تنهــي معاناة البطالــه والاسكـــان = = وتنقذ حياة اللي بسالب رصيده يااهل الوفاء والطيب من ماض الازمان= = ويااهل المواقف والفعول المجيده حنا تــرانا صفكـــم ســــر وإعــــلان = = برقابنا بيعـــة شـــريعه جويده مــانلتفت لفـــلان ولا نقلـــد إفلان = = والشعب مومن والمساعي حميده من وقت ابو تركي على سنــان وعنان = = لوقت ابو متعب إحزام العقيده واجمــل تحيه يامـــلك مالها أثمـــان = = وعسى حياتك بالسعاده مديده وثاني تحيــــه للوطـــن كفهـــا بان = =من دافع إحساس المشاعر جديده حب الوطن بقلوب شيبِِ وشبان= = والشعب وافي والحكومه رشيده وعداد مايمطر من المــزن هتــان= = جزل التحايا في ختام القصيده |
تراك لاكثرت مصادر دراهمك= = لا تامن التقصير في حق ربك لانك ورى الدنيا تكرب محازمك= =في زودهـا يزداد عـاتي مهبك تهرف هريف الذيب والهم زاحمك= = والبنك من كثر الملايين حبـك ولاينفعك بنكٍ بالإيداع رايمك= = لا جـاء نهـارٍ بالمـقـابر مطبـك أفنيت عمرك للدراهم تجشمك = =وبقى العمل والمال ياشين كبك راحت ملايينك وزالت معالمك = =واللي مـدحك العام عوّد إلسبـك وعقب العزاء تقسم مخازن غنايمك = =ياللي سكنت بدار ماهـي مربك والزوجة اللي ماضي الوقت تفهمك= = جـاهـا عشـيـق لمالهـا ماحسبّك وأرحم عيالك بالصحاصيح دمدمك= = وقفيت عن دنيـاك لوجاه ربـك وقدمك حسناتك وقدمك ظلايمك = = ويا حسرتـك ون كـان مـالك لعبك |
بالواقع الملموس نكتب قصيده= =إيجاز للواقع حقيقه وتصوير بالتجربة نكتب أمورٍ عديده = =من كثر ما شفنا من الشر والخير أول زمنّا يمشي السيل سيده = =وتخضر ضفاف الأوديه والعثامير واليوم سيل اليوم محدٍ يريده= =سدّوا طريقه حايشين الدنانير أهل الجشع وأهل النفوس المريده = =من فعلهم صرنا سوات العصافير ما همهم جرح الوطن مع صديده= =ولاهمهم دمعٍ تحدر شخاتير كلٍ يحسّب مكسبه وش رصيده= =ويعطي عن الجوده ملخص وتقرير بالكذب عايش والمهايط يزيده= =ويمرر الكذبه على الناس تمرير مير البقى باللي إفعوله سديده = =حلال عسرات الليال المعاسير نعمٍ بابو متعب إحزام العقيده= =الحاكم العادل على كل تدبير ونعمٍ بسلمان الوفاء هو عضيده = =راسه خلايا جد حكمه وتطوير لهم تحايا من ضميري عديده = =عداد همال المزون المزابير وعداد نبتٍ بالفياض الطريده= =لا شعشعٍ بالوان زين النواوير وأجمل تحيات العريمه جديده = =وعسى الوطن يبقى على العز والخير |
بسم الجديع أعلن تحية وترحيب = =وحقٍ علينا مرحبا في ضيوفه عـداد نجمٍ يسري الليـل ويغـيب= =وعـداد هـمـالٍ تـراكـم إقـنوفـه لا صب همال المزون المناصيب = =مـا عـاد يبقـى بالفيافـي حفـوفه ترحيبٍ أحلى من لبن شمخ النيب= =في خايعٍ عشبه تداخل إصنوفه برضٍ هواها يقعد الراس ويطيب = =والفقع في بعض المواقع تشوفه ترحيب بجهينه مثل سوقة الطيب= =ولـشيوخهم تـرحيب يزداد نوفـه جهنان في حلكم حان ترحيب = =فـي محفلٍ زبن الحنيني يحوفـه شامل حضور الكل جزله بترتيب= =ترحيب شاعر قدمكم في وقوفه يا ضيوف رجلٍ كاملٍ بالمواجيب = =ابـن جـديع الـنادره مـا تطـوفـه له هدتٍ يشبع بها الطير والذيب= =يـوم الـقبايـل بالقتال إمـعـروفـه واليوم له فزعه وجاه ومكاتيب= =وله وقفةٍ تجدي إمصفق إكفوفه وختامها الكمبود والمسك والطيب= =وجزل التحايا باقةٍ في حروفه |
يافايز أبدعتم بجزل التماثيل = =طرقت موضوعٍ على الناس شامل فيروس يوجد بالنساء والرجاجيل= =تحليــل وضعه تبتلش به معـامـل ماينعرف وش مصدره والتحاليل= =والـدور هـذا دور زيـدي وعـامـل ضفو مصالحنا وحنا مكابيـل = =تـقـول هــوبٍ طـوقـنه فـرامـل شبابنا حقين رشه وتضليل = =والاجنبي سيطر على السوق هامل صحيح قالو فيه مهله وترحيل = =ولا راح عامل يطلب السوق عامل مير الرجاء بعد الولي بالحلاحيل = =حـكامنا والشعب ناتـج تكامـل للضد ضد وللموالي هماليل = =يمطر هللها في حساب الأرامل وختامها الكمبود والبن والهيل = =أختم به الموضوع للكل شامل |
أرسل تهاني خالصة ليلة العيد= =وحقٍ علينا للوجيه السفيره للملتقى وأهله من إقريب وإبعيد= =ونبدا بها الأول سعادة مديره والثانية لاعضاه من دون تحديد= =ولحرب ربعي في عموم الجزيره غرد بها قلبي للاحباب تغريد= =إهجوس شاعرمن دوافع ضميره وتلفي على ربعي تحيه وتمجيد= =أهل المحازم والسيوف الشطيره وأهل الإصابه في قصارالبواريد= =وأهل المواقف والفعول الشهيره وإنجدد البيعه بالاسلام تجديد= =للحاكم اللي قادنا بالمسيره وختامها تسبيح ربي وتحميد= =وللمصطفى منا صلاةٍ كثيره |
الصمت زين وكثرته مابها فود = = والهرج كثره شين والزين ذربه وهرج يحقق مطلب فيه مقصود = = اخير من صمت يضيق النحر به وصمت يصون الرجل عن كل منقود = = اخير من هرج على غير دربه لخصتها بقصار تغني عن الزود = = والماء قراحه يروي الكبد شربه |
لا باس يا كحيله ترى الضيق ما دام = =والصبر مفتاح الفـرج والسـروري يعطي مناعه لا قسـت بعض الأيــام= =وأصل القدر بأمر الأله إمخبـوري والهـم كـثـره يفـجـر القـلـب بالغــام = =وابلـيـس يـزرع بالمسيره عـثـوري وعسى فقيدك عند رضـوان بـنعــام = =ف ماقـفٍ فيـه الخـلايـق نـشــوري بامر الكريم اللي فرض حج وصيام= =ما خـزنـته بنـكٍ ولا هـي تـجـوري رازق هل الـدنيا عـلى طـول الايـام= =وبـالاخــره ربٍ رحـيـمٍ غــفــوري واقـول واكـرر ترى الضيـق مـادام= =والصبر يابنت النشـامـا ضـروري |
شكرا يابو تركي نقلت القصيده= =وصلتها موقع جزيـل القوافـي في ملتقى ربعي رجال العقيـده= =واهل الكرم والصدق بين وخافي رجالهم نبض الوفاء في وريده= =وللضد سم بالمواقـف زعافـي ياشاعرن له بصمـة بالفريـده= =وماقل دل وموجز النص كافـي لك نظرتن بين الكواكب بعيـده= =والشعر نقحته عن النقد صافي رد سعد المحمدي
اشكـر للمعبـود رازق عبيـده= =سبحان من يعلم بكل الخوافـي يابو سعد لو كل جملـه مفيـده= =ماصار في قول الرجال اختلافي النادره ياطيب الصيـت صيـده= =مايصيدها رامي عضوده اضعافي والا انت شاعر يوم نسمع نشيده= =يذكر على بالي قصيد النصافـي |
ودي على شويمان في حزة السيل = =لافاضت إتلاعه على طلعة الشمس ارقى على هضابه وبالعين دربيل = =نطلق به الناظر على قبضة الخمس وأعيد ذكرى غاليه جد بالحيل = =في وقتها المبطي وكنه تقول أمس مبعد عن الزحمة وبعض التهاويل = =وأرتاح لو يومين من عالم العمس النت نلقابه سوالف غرابيل = =في واقعه نصف البشر منغمس غمس وان رحت للشارع بلشت إبهاذيل = =سرعه على فاضي تحت حامي الشمس وبعض المجالس تفتقر للرجاجيل = =تلقى سوالفها من الطمس للطمس أحدن يسولف هرجة القال والقيل = =وذاك المقابل في جهازه على اللمس وأحدن يسولف بالسياسة وتحليل = =ويقول واقعنا ترى منحمس حمس وأحدن يسولف بالتجارة على النيل = =وأحدن يسعر قيمة الجيب والجمس وأحدن يقول اليوم أطول من الليل = =وغيره يقول العج بالجو له رمس سوالفن ماهي سوالف محاصيل = =والبعد عنها يطرد الهم والعمس ويا دار وين اللي سكن بك من الجيل = =حتى معالم نزلهم منطمس طمس وياما سمعتي من تلاوة وتهليل = =ويابعد فرق العام واليوم غير أمس أول جماله صح من غير تجميل = =ويابعد فرق الحر عن كشرة النمس |
الساعة الآن 11:45 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir