فيقو رقم 10 اظنه من نجوم البرتقال = لو يحترف في جزر قبرص غاب كل نجومها
الشرق شمسه كل مامالت وظل الوقت مال = تظللوا في فيّة الايام قيض سمومها
لو فالعدد متراجحة نبني عليها الاحتمال = نلقى النتيجة مستحيل الحل في مرسومها
حنا العرب وقصورنا تبنى على كثر الجدال = ماينشكر مجهود خادمها على مخدومها
والمسألة في معادلة منظورها شبه المحال = لو شرحها ينعاد يبقى للدروس نعومها
الشام محصوله كرز 0 مصر العزيزة برتقال = والمقتدر ملزوم من نفسه بدفع رسومها
تبقى الصحافة للخبر مصدر لمضمون المقال = ويبقى كلام اعلام ماننفيه بين علومها
ما ادري عن رقاب الجمال العوج حكمة وامتثال = والا العوج خلا كثير من العباد تلومها
ولا ادري عن بنوك العرب تخصصت فاية مجال = ايداع والا للخلايق نفض جيب هدومها
والا ودايع حسم 5ريال في سد الريال = حتى شعور المستفيد يلامسه مفهومها
اللي رقا 0من دون ماده قابله مايل ومال = والخوف لو طال النظر تكثر عليه همومها
لو الدول قانونها يطغى عليه الاحتلال = لشعوبها حتى يبان الذل في مظلومها
حنا لنا حكام نغليهم ولا نقبل جدال = مهما العداء في شعبنا قامت تبث سمومها
لو المواطن فالوطن مابين ميلة واعتدال = حبه تجاوز فالملأ مفهوم حب خشومها

المشاركة الأصلية كتبت بواسطة الطالب (المشاركة 1382141) صح اسانك جزل لاهنت

صح السانك وبيض الله وجهك
قصيدة وافية من راس وافي
كفو كفو

المشاركة الأصلية كتبت بواسطة الحب الباقي (المشاركة 1382143) تسجيل تواجد في منبر الجزاله صح لساانكـ بيض الله وجهك