يوم الاحد ماهو على الناس عادي = لشك فيه الضيق والحزن والهمّ
من يوم زار الموت طلق الايادي = صياف ابن عواد الشاعر الشهمّ
نجم تنومس فيه حضر وبوادي = لاطب بالميدان والشر خيمّ
كنه مثل عنتر بوقت الطرادي = بمصقل يهوي على الجمع الادهمّ
فتل المعاني مثل ضرب الهنادي = من راس ابو مفلح وخصمة تحطمّ
صياف رمز الشعر سقم المعادي = وسعد الحزين اللي به الضيق غيمّ
شاعر محنك مدرسة بالقيادي = رجل شهر بالطيب وللمجد صممّ
وعلى سنام المجد نادى المنادي = صياف ياصياف يالله تقدمّ
وفي قمة الامجاد ركب الشدادي = وحاز الشرف والطيب والعز وانعمّ
بالشعر دكتور وحكيم وحيادي = قمة شعر والناس تعلم وتفهمّ
مرحوم ياللي بالقوافي استادي = يالشاعر البيطار يالمنهل الجمّ
جاني خبر ثم قلت : هات الوكادي = وش هالخبر تكفون يمكن توهمّ
قالو : وكاد وقلت : لاواهجادي = كنت اطمع ان الله يعافيه ويسلمّ
لكن حال الموت دون المرادي = امر سماوي من عظيم معظمّ
والشعر لبس اليوم ثواب الحدادي = من هول ماصابه من الامر الاعظمّ
وسمان القوافي توشحت بالسوادي = ترثيك يابحر به الدرّ ملتمّ
ويالله يالمعبود ياخير هادي = ياغافر الزلات ياكاشف الغمّ
تغفر لابن عواد يااجود جوادي = وتجعل له الفردوس دار وينعمّ