سلا م للي ليا جيته نسيت الهم والضيق = وارتاح ونسى الهموم المرمسات مع الجدادي
ودي بشوفه وبعده صار من قل التوافيق = بعيد عني لو اناديه ما سمع المنادي
يابعد من صا رمن بيني ومن بينه مواثيق = لو ارفع الصوت ما قرب بلاده من بلادي
والصبر معروف مفتاح الفرج لكن ما طيق = وظن صبراً صبرته زاد عن صبر المهادي
لكن انا مسند الدعواء على رب المخاليق = يا الله يا الله يا معبود يارب العبادي
تفرج لمن تعب اقدامه على ذب الطواريق= مرات رجله تقص الدرب ومرار متحادي
اسباب راع الكلام الزين ذباح العشا شيق= غراواً يصيد العرب بسهوم نجله ما يصادي
يا عين شيهانتً ميكارها روس الشواهيق = الله يذكرك بل خيرات يا ظبي الحمادي
اثر الهواء يضعف اعروق الفواد وينشف الريق = معذور ابو زيد يوم يطيح من ضهر الجوادي
الوضع عندي تردى واعذروني يا المطاليق = لاتلحقوني ملام ان همة من وادي لوادي
العشق قبلي سبا ناسً يصلون التشاريق = قبلي مطوع نفي يبدي على رؤس المبادي

الاخ العزيز \ فصيل الوافي
مشكور على مرورك العاطر وهلابك